„Hinsta ósk bróður míns/ það er svo að þessu má búast við í mörgum tilfellum þegar niðurskurðurin versnar!!!

„Hinsta ósk bróður míns“
Innlent | mbl.is | 3.11.2011 | 20:45
Ingvi Hrafn Jónsson fjölmiðlamaður hyggst fara fram á rannsókn á þeirri læknismeðferð sem bróðir hans heitinn, Óli Tynes fréttamaður, fékk á krabbameinsdeild Landspítalans.

„Ég lofaði honum því á dánarbeði að ég myndi óska eftir því við landlækni að fram færi rannsókn á læknismeðferðarferli hans á Landspítalanum þegar hann kom þangað aftur inn veikur. Hann var mjög ósáttur við hvernig fór og fékk að eigin mati enga læknismeðferð þegar hann greindist með krabbamein aftur,“ segir Ingvi Hrafn, en Óli hafði nýverið verið í krabbameinsmeðferð og var talinn hafa læknast af því.

„Ég mun hringja í landlækni strax í fyrramálið og spyrja hvernig ég eigi að koma þessari ósk á framfæri.“

„Óli ætlaði sjálfur að skrifa bréf til landlæknis, sem yrði birt að honum látnum. En hann missti þrek og gat aldrei klárað það. Ég  spurði hann hvort við ættum að klára þetta bréf saman, en hann sagði „Nei, ég á ekkert í það lengur. Þú verður að sjá um það fyrir mig.“

Ingvi Hrafn segist vera búinn að vera í samskiptum við Björn Zoëga, forstjóra Landspítalans, vegna þessa.

„Ég sagði honum að ég myndi, fyrir hönd Óla látins, óska eftir að ferlið síðustu tvo mánuðina hans á spítalanum verði kannað. Kannski verður niðurstaðan sú að þetta hafi verið allt í lagi. En þá hef ég allavegana uppfyllt síðustu ósk hans við mig. Það eina sem fyrir Óla vakti, þegar hann ætlaði að skrifa þetta opna bréf sem hann gat aldrei klárað var að ef einhverju hefði verið ábótavant, þá myndi þetta verða til þess að aðrir lentu ekki í því sama.“////þetta er alveg rétt að gera ,ekki spurning,það er svo að ef einhver grunur er ummistök á að kanna það,og svona málum mun fjölga ekki  sspurning með meiri niðurskurði!!! þetta bíður bara uppá slíkt ekkert annað/ég skil þetta og vil að þessi rannsókn nái fram  að ganga,það hreifir kannski við hlutum/Halli Gamli

„Hinsta ósk bróður míns“

Athugasemdir

[Eygló (IP-tala skráð) 4.11.2011 kl. 01:23]

Þegar manneskja deyr - og manni finnst alltof ung - eru miklar tilfinningar sem trufla; bæði þann sjúka og aðstandendur.

Rökhugsun nær ekki til okkar og færni til að leita fróðleiks er í lágmarki.

Manneskja sem gengist hefur undir krabbameinsmeðferð - eins og þær einar sér geta nú farið hræðilega með "heilsu" fólks - hefur í flestum tilvikum lagt spilin á borðið.  Oft "virðist" meinsemdin/æxlið/krabbameinið hafa látið undan og jafnvel í nokkra daga/vikur, jafnvel fáeina mánuði "virðist" manneskjan "læknuð" og heil.
Hafi svo í raun ekki verið - og sjúkdómurinn taki sig upp - er oft ekki um frekari meðferð að velja nema líknandi - Helsjúkur líkami sem hefur verið - ef svo má segja - brotinn niður í hrikalegri meðferð - hefur ekki það sem til þarf í nýja baráttu.
Blessuð sé minning Óla Tynes og ég skil að bróðir hans vilji framkvæma síðustu óskina. Ingvi Hrafn, bróðirinn,  segir líka réttilega:  "Kannski verður niðurstaðan sú að þetta hafi verið allt í lagi. En þá hef ég allavegana uppfyllt síðustu ósk hans við mig."
Ekki er hægt að lesa neina fordæmingu úr þeim orðum.

Gangi þér vel <3

[Haraldur Haraldsson, 4.11.2011 kl. 01:42]

Þakka innlitið Eygló,ég veit að þetta er erfitt!!!,sjálfur greindist ég með Ristilkrabbamein fyrir 20 mánuðum hefi farið, 2 í  sneiðmynd skoðun og allt gott ennþá,svo maður skilur aðstæður/Kveðja

[Eygló (IP-tala skráð) 4.11.2011 kl. 03:28]

Gleðilegt. Þú ert "betri en nýr"

Þú hefur kannski verið sterkur? heppinn? snemmgreindur?
Hvað sem var - til hamingju og njóttu