Nýtingarleyfum verði úthlutað árlega//Geðveilunni heldur fram mjög!!!!

Nýtingarleyfum verði úthlutað árlega Innlent | mbl.is | 17.9.2012 | 11:22 Auðlindanefnd vill að hluti sérleyfa til nýtingar fiskistofna við landið verði úthlutað árlega, en nefndin gerir hins vegar ekki beina tillögu um hvað leyfin eigi að vera til langs tíma. Nefnd forsætisráðherra um stefnumörkun í auðlindamálum ríkisins hefur skilað skýrslu til forsætisráðherra og hefur verið tekin til umfjöllunar í ríkisstjórn.

Nefndin var sett á fót samkvæmt ákvörðun ríkisstjórnar í maí 2011. Í nefndinni voru Arnar Guðmundsson formaður, Álfheiður Ingadóttir, Gunnar Tryggvason, Indriði H. Þorláksson, Ragnar Arnalds og Svanfríður Inga Jónasdóttir.

Í skýrslunni er m.a. fjallað um hvað úthluta eigi leyfum til að nýta auðlindir til langs tíma. Þar þurfi að leita jafnvægis á milli tveggja sjónarmiða sem bæði séu mikilvæg. Annars vegar er sú lýðræðislega krafa að næstu kynslóðir geti tekið ákvarðanir um útgáfu sérleyfa til nýtingar auðlinda sinna en séu ekki bundnar af mjög löngum sérleyfum.

Hins vegar er mikilvægt að hámarka þann auðlindaarð sem eigandi auðlindarinnar fær af nýtingu hennar en taka jafnframt tillit til þarfa sérleyfishafa. Of langur tími skerðir valkosti eiganda auðlindarinnar varðandi endurnýjun sérleyfa til nýtingar, útgáfu nýrra sérleyfa til handa öðrum nýtingaraðilum eða ákvarðanir um að nýta í eigin nafni.

Of skammur tími getur dregið úr auðlindaarði sem eigandinn fær auk þess að skapa þrýsting á verð afurða auðlindarinnar og sjálft nýtingarmynstrið, þ.e. aukinn hvati verður til ágengrar nýtingar sem myndi vinna gegn markmiðinu um sjálfbæra þróun. mbl.is/Rax „Auðlindagreinar eru í mjög misjafnri stöðu hvað varðar markað með sérleyfi til nýtingar.

Í orkugeiranum er augljóslega ekki hægt að flytja sérleyfi til nýtingar á milli virkjana. Hins vegar hefur lengi verið mjög virkur markaður með sérleyfi til nýtingar nytjastofna sem háðir eru lögum um aflamark. Þar mætti því tryggja rekstraröryggi með því að nógu stór hluti sérleyfa sé boðinn út á markaði á ári hverju og að þau séu til mismunandi tíma sem mætir þörfum greinarinnar,“ segir í skýrslunni. mbl.is/ÞÖK Nefndin fjallaði líka um hvað eigi að gera við arð af auðlindum.

Nefndin benti á að í ljósi þess að auðlindaarður verður til vegna verðmætis auðlinda víða um land og að nærsamfélögin þurfa oft að færa fórnir og taka á sig kostnað vegna nýtingar, þróunar og hagræðingar í einstökum auðlindagreinum, sé bæði sjálfsagt og eðlilegt að tryggja að hluti auðlindaarðsins renni til verkefna í þessum samfélögum, ekki síst til eflingar innviða og fjölbreyttara atvinnulífs.

Horfa til margra sjónarmiða Tillögur nefndarinnar byggja á þeim ítarlegu skýrslum sem unnar hafa verið á undanförnum árum um auðlindamál. Ber þar sérstaklega að geta um starf Auðlindanefndar, sem lauk árið 2000.

Auðlindastefnunefnd leggur áherslu á hina samfélagslegu vídd sjálfbærrar þróunar, velferð og sátt. Litið er til þátta á borð við jöfnuð og lýðræðisleg yfirráð auðlinda, gætt að rekstrarhæfi og vaxtarmöguleikum þeirra greina sem byggja beint á auðlindanýtingu og hugað að rétti komandi kynslóða.

Þannig sé hægt að ná ásættanlegum stöðugleika. Drög að skýrslu nefndarinnar voru kynnt opinberlega með málþingi í Hörpu 22. júní 2012 og á heimasíðu forsætisráðuneytisins. Endanlegri skýrslu var skilað að lokinni úrvinnslu á þeim ábendingum og athugasemdum sem settar voru fram á málþinginu og í kjölfar þess.

Tillögur nefndarinnar Fyrir nýtingu á auðlindum og takmörkuðum gæðum í atvinnuskyni verði greitt gjald sem standi undir umsýslu- og umhverfiskostnaði. Arður sem stafar af aðgangi nýtingaraðila að tiltekinni auðlind eða takmörkuðum gæðum í atvinnuskyni verði skattlagður að hluta.

Slíkur arður er þegar fyrir hendi eða líklegur til að myndast vegna vatnsafls, jarðvarma, ferskvatns, fiskistofna, losunarheimilda, þjóðlendna og kolvetnis í jörðu. Nýtingarleyfi verði háð skýrum reglum og gildistími þeirra taki mið af eðli viðkomandi auðlindar, nauðsynlegri fjárfestingu, fjölda nýtingaraðila og aðgengis að sérleyfum.

Tekjur ríkisins af auðlindum komi fram á sérstökum Auðlindareikningi, sem meðal annars fylgi fjárlagafrumvarpi, og sýni verðmæti auðlindanna og framlag þeirra til samfélagsins. Arði af endurnýjanlegum auðlindum verði ráðstafað af Alþingi, með sama hætti og öðrum tekjum ríkisins. Komi til tekna af óendurnýjanlegum auðlindum renni þær í Auðlindasjóð, í þágu hagsmuna komandi kynslóða. Tilhögun við auðlindaumsýslu verði með samræmdum hætti.

Byggð verði upp sérþekking á mismunandi leiðum við mat á auðlindarentu, skilaleiðum auðlindaarðs til þjóðarinnar, aðferðum við úthlutun sérleyfa, gildistíma þeirra og öðrum skilyrðum sem slíkri umsýslu tengjast.///////Eins og sjá má er þessi nefnt ekki í lagi !!!engin þverpóltikst nefnd als ekki bara hómopatar eða mínu áliti!!!Við einfaldlega látum ekki þesst fólk eyðileggja Fiskveiðar okkar það er gert með þessum álitktunum og ekkert annað,far vel Frans og við hlustum ekki á svona vistleysu/Halli gamli

Nýtingarleyfum verði úthlutað árlega

Athugasemdir

[Ingibjörg Guðrún Magnúsdóttir, 17.9.2012 kl. 13:31]

Já það er óskiljanleg þessi stefna en algjörlega í samræmi við stefnu Ríkisstjórnarinnar sem ætlar sér að ráða því hvað verður eftir af launum í vasa vinnandi handarinnar.

Það sem mér finnst svo slæmt og alvaralegt varðandi þessa stefnu er hvernig það er verið að brjóta niður hvatan í einstaklingnum til að vera duglegur og sjálfbjarga...

Allur arður frá einstaklingi fer að fara í skatt ef þessari stefnu heldur áfram, í staðin fyrir prósenta og afgangur verði eigandans sem er hvati til að gera betur og halda áfram...

Það er verið að grafa undan öllum hjólum atvinnuvegarins hægt og rólega í staðin fyrir að búa til hvatana sem hvetja áfram...

Guði sé lof fyrir að það er að styttast í kosningar segi ég bara svo það verði hægt að snúa þessari þróun við sem er lífsnauðsynlegt myndi ég ætla fyrir komandi kynslóðir...

[Haraldur Haraldsson, 17.9.2012 kl. 16:29]

Þakka innlitið vinan sé að við erum mikið sammála!!!/Kveðja