Viðgerð á Höfða undirbúin/ Gott að Bjarga þessu sögufræga húsi !!!!

Innlent | mbl.is | 25.9.2009 | 21:50
Slökkviliðsmenn á þaki Höfða. Verið er að meta skemmdirnar sem urðu á Höfða í eldsvoðanum í kvöld. Húsið var tryggt fyrir eldsvoða. Listaverkunum úr húsinu hefur verið komið fyrir í geymslu á Kjarvalsstöðum. Þá er þegar byrjað að skipuleggja viðgerð á Höfða, samkvæmt tilkynningu frá Reykjavíkurborg

Tilkynningin fer hér á eftir:

„Giftusamlega tókst að ráða niðurlögum eldsins sem upp kom í Höfða, móttökuhúsi Reykjavíkurborgar, á sjötta tímanum í kvöld.  Brunaviðvörunarkerfi hússins fór í gang og allt tiltækt slökkvilið fór á staðinn. 

Eldurinn kom upp í risi norðvestanmegin í húsinu, og fóru reykkafarar upp á háaloft til þess að hefta útbreiðslu eldsins auk þess sem þakið var rofið til að auðvelda slökkvistarf.  Ljóst er að á tímabili gat brugðið til beggja vona, en fyrir snör handtök slökkviliðs tókst að slökkva eldinn á innan við klukkustund.

Slökkviliðsmönnum, lögreglu og starfsfólki Reykjavíkurborgar tókst að bjarga verðmætum úr húsinu, þ.á.m. ómetanlegum listaverkum og sögulegum heimildum og útlit fyrir að þau séu óskemmd. Listaverkunum hefur verið komið fyrir á Kjarvalsstöðum og hafa þegar verið yfirfarin af forstöðumanni Listasafns Reykjavíkur. 

Erfitt er að segja nákvæmlega til um umfang skemmda á húsinu á þessari stundu.  Hreinsunarstarf er þegar hafið og tryggingasérfræðingar eru að meta stöðuna en húsið var brunatryggt. Einnig  er byrjað að skipuleggja viðgerð á húsinu og aðgerðir til að tryggja að húsið geti sem fyrst gegnt sínu hlutverki á ný. Viðgerð mun þó ekki hefjast fyrr en rannsókn á eldsupptökum er lokið.

Hanna Birna Kristjánsdóttir, borgarstjóri, segir að betur hafi tekist til en á horfðist í fyrstu. „Sem betur fer getum við nú sagt að þetta sé dagurinn sem Höfða var bjargað.  Húsið er, eins og allir vita algjörlega ómetanlegt og þess vegna er okkur öllum efst í huga þakklæti til allra þeirra sem tryggðu að svo vel tókst til. Borgaryfirvöld vilja þakka öllum þeim sem að slökkvistarfinu og björgun verðmæta komu, slökkviliði höfuðborgarsvæðisins, lögreglu og starfsmönnum Reykjavíkurborgar.“

Um þessar mundir eru 100 ár liðin frá því að húsið Höfði var tekið í notkun. Húsið á sér merkilega sögu sem tengist samskiptum Íslendinga við aðrar þjóðir. Það var reist á Félagstúni fyrir franska konsúlinn, Jean Paul Brillouin, hannað í Austur-Noregi og flutt tilsniðið til Íslands. Margir sögufrægir einstaklingar hafa búið í húsinu, en það er hvað þekktast fyrir  leiðtogafund Reagans og Gorbatsjovs sem haldinn var í Höfða í október 1986, en fundurinn er talinn hafa markað upphafið að endalokum kalda stríðsins.“ //Já það hefur gengið á ýmsu með þetta hús eins og sagan segir,þegar maður unglingur vorum við oft þarna Sendiherra Bretana var þarna um tíma ,kallin var illur er við vorum að leik þarna nærri og það espaði okkur upp og  hann hringadi alltaf á lögguna kallin/svo fór þetta í niðurníðslu en siðan tók R.vikur Borg það i gegn og gerði upp/en svo varð það mjög frægt eins og segir hér undan/Halli gamli


mbl.is Viðgerð á Höfða undirbúin
Tilkynna um óviðeigandi tengingu við frétt

« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Haraldur Haraldsson
Haraldur Haraldsson
Haraldur Haraldsson Innfæddur Reykvikingur og foreldrar minir báðir fæddir i Rvik,Er bara sæmilega virðulegur eldri Borgari og var áður Verksmijustjóri í Málnigarverksmiðju hjá Slippfelaginu i Rvik h/f Stofnað 1902 vann þar i 46 ár!!! geri aðrir betur!!!!Hefi mikin áhuga á Stjórnmálum og þjóðmálum yfirleitt!!!En hefi bara barnaskólapróf,er það ekki Lásy eins og börnin segja????En eg er lika Sjálfstæður Sjálfstæðismaður!!! með fyrirvara um að við göngum ekki i ESB!!! bara als ekki  !!!, svo og einnig allt sem kemur að sjálfstæði þjóðar vorar,og er það ekki gott!!!!!
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 0
  • Sl. sólarhring: 2
  • Sl. viku: 17
  • Frá upphafi: 0

Annað

  • Innlit í dag: 0
  • Innlit sl. viku: 16
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband