Nýtt eldgosaskeið að hefjast?/ekki er þetta haft eftir Forseta vorum!!!!

Nýtt eldgosaskeið að hefjast?
Innlent | mbl.is | 21.4.2010 | 10:56
Íslenskir jarðvísindamenn telja að nú geti verið að hefjast ný hrina jarðelda hér á landi sem geti varað í um 60 ár og náð hámarki milli áranna 2030 og 2040. Þetta kemur fram í nýlegri grein í vísindatímaritinu New Scientist.

Tilefni greinarinnar eru þær truflanir sem orðið hafa á flugumferð vegna eldgossins í Eyjafjallajökli. Talið er að flugumferð yfir Norður-Atlantshafs verði fyrir enn meiri truflunum af völdum íslenskra eldfjalla á komandi árum.

Vaxandi óróleiki í eldstöðvum hér á landi undanfarinn áratug er talinn benda til þess að vænta megi aukinnar virkni eldfjalla með mögulegum stórgosum. Vitnað er í Þorvald Þórðarson,  prófessor í jarðvísindum við Edinborgarháskóla, sem segir að svo virðist sem eldfjallavirkni hér á landi virðist koma í um 50 - 80 ára lotum.

Þá er rifjað upp að árið 1998 könnuðu Guðrún Larsen, jarðfræðingur við Jarðvísindastofnun Háskóla Íslands, og samstarfsmenn hennar eldsumbrot hér á landi á 800 ára tímabili. Meðal annars rannsökuðu þau jarðlög, ískjarna og sögulegar heimildir. Af þeim mátti ráða að eldvirkni hér hafi gengið í bylgjum í aldanna rás.

Bylgjutopparnir virtust tengjast sterklega jarðskjálftahrinum sem urðu vegna spennu á flekamótum Norður-Atlantshafshryggjarins. Einnig gætu eldgosatímabilin tengst sveiflukenndri tilfærslu kviku úr möttli jarðar og þrýstingsbreytingum á yfirborðinu vegna bráðnunar jökla og jarðhitavirkni.

Guðrún og samstarfsmenn hennar sýndu fram á að í Vatnajökli, þar sem m.a. eru eldstöðvar á borð við Grímsvötn og Bárðarbungu, hafi orðið 6 - 11 eldgos á hverju 40 ára tímabili þegar eldvirknin var sem mest samanborið við mest þrjú eldgos á hverjum 40 árum tímabila lítillar virkni. Svipuð sveifla virtist gilda um önnur eldfjallasvæði á Íslandi.

Það er ekki einungis að eldgos verði tíðari í eldgosahrinum heldur virðast einnig verða kröftugri eldgos þegar hrinan stendur sem hæst. Mesu hamfaraeldgosin, á borð við eldgosið í Laka 1783 sem olli Móðuharðindunum þegar fjórðungur landsmanna dó og helmingur búsmalans féll, virðast hafa orðið þegar virknin var sem mest á Norður-Atlantshafshryggnum.

Þorvaldur segir að sé nýtt eldgosaskeið að hefjast aukist líkur á stórum eldgosum. Hann og félagar hans telja að næsta skeið mikillar eldvirkni á Íslandi sé að hefjast. Þeir telja að það geti varað í um 60 ár og náð hámarki á árunum frá 2030 til 2040.///þetta er svona og vísindin segja þetta og við eigum að taka mark á .þessu er það ekki/Ekki er það Forseti vor sem segir þetta,og hvað segir ferðaþjónustan við þessu,þetta ber að skoða og ger eitttávaðs  sem  við getum  til að taka á svona,þökkum með svona mal er ekki goð,það má tala um líkindi og svo framvegis,en svona er þetta að menn verða að spá svo lengi sem við lifum og vísindunum flegir fram/Halli gamli

Nýtt eldgosaskeið að hefjast?

Athugasemdir

[Sigurður Haraldsson, 28.4.2010 kl. 01:49]

Búin að vita af þessu lengi hugboð segir að við verðum að fara að æfa viðbrögð gangvart mikilli vá, það dugir ekki lengur að stinga hausnum í sandinn!