Verða 73 þúsund heimili eignalaus/Ríkisstjórn með allt niðu um sig,vill ekki samstarf!!!!

Verða 73 þúsund heimili eignalaus
Innlent | mbl.is | 6.10.2010 | 9:48

Það stefnir í að 73 þúsund íslensk heimili verði eignalaus...Stjórn VR hefur lýst yfir stuðningi við kröfur Hagsmunasamtaka heimilanna um aðgerðir til lausnar skuldavanda heimilanna. Samkvæmt grein á vef HH stefnir í að 73 þúsund íslensk heimili verði eignalaus í árslok 2011. Stjórn HH ræðir aðgerðir til bjargar heimilunum við ráðherra í dag. Þetta kemur fram í samþykkt stjórnar VR. Friðrik Ó. Friðriksson formaður Hagsmunasamtaka heimilanna, segir stuðninginn gríðarlega mikilvægan. Enda um eitt stærsta stéttarfélag landsins að ræða.

Fjórir stjórnarmenn í HH munu hitta forsætisráðherra, Jóhönnu Sigurðardóttur, og aðra lykilráðherra í dag þar sem farið verður yfir stöðu heimilanna í landinu og leiðir til að bjarga þeim úr skuldavanda sem við þeim blasir. Undanfarið hefur stjórn HH rætt við þingflokkana og verður þeirri vinnu haldið áfram.

Í grein sem Agnar Jón Ágústsson ritar á vef HH kemur fram að fyrir árslok 2011 verði  73 þúsund heimili á Íslandi eignalaus.

Í byrjun árs 2008 áttu 73.000 fjölskyldur húsnæði metið á 1.830 milljarða. en húsnæðisskuldir að upphæð 861 milljarða. Samkvæmt heimildum Seðlabanka Íslands voru heildarskuldir heimila hins vegar 1.550 milljarðar í byrjun árs. Eiginfjárhlutfall þessara 73.000 fjölskyldna var 54% í byrjun 2008, lækkaði 40% í árslok 2008 og lauslega áætlað, verður eiginfjárhlutfall þessara heimila uppurið 2011 miðað við spá um verðbólgu og fasteignaverð á næsta ári.

 80% af nauðungasölum knúnar fram af ríkissjóði ekki bönkunum

Að sögn Friðriks er staðan víða afar slæm og ákveðin öfugmæli í gangi. „Nú er vísað til umboðsmanns skuldara en samkvæmt okkar upplýsingum þá hafa einungis tuttugu mál verið afgreidd frá því hann tók við fyrir tveimur mánuðum. Við erum að tala um þörf fyrir að afgreiða þúsundir ef ekki tug þúsundir mála strax eða á næstunni," segir Friðrik.

Hann segir að samtökin hafi fengið ábendingar um að 80% af þeim nauðungasölum sem eru yfirvofandi séu knúnar fram af opinberum aðilum, ekki bönkunum. Það er ríkissjóði Íslands. Það skjóti skökku við að á sama tíma sé ábyrgðinni varpað alfarið á bankana af ríkisstjórn Íslands. 

Það eru viss öfugmæli í þessu og menn vísa ábyrgðinni hver á annan sem náttúrulega gengur ekki upp, segir Friðrik.

Ekki bara erlendu lánin sem hafa hækkað heldur einnig verðtryggðu lánin

Í grein Agnars á vef HH kemur fram að í kjölfar dóms Hæstaréttar í Lýsingarmálinu, brást ríkistjórnin skjótt við og tilkynnti að lög yrðu sett er miða uppgjör erlendra lána við lægstu óverðtryggðu vexti Seðlabanka Íslands (SÍ). Með því eigi erlend lán heimila að lækka um 30%-40% segir efnahags- og viðskiptaráðherra og telur þetta einu réttu leiðina og sanngjarna niðurstöðu.

„Ekki kom fram hjá ráðherra út frá hvaða sjónarmiði hann taldi þetta sanngjarnt, en leiða má að því líkum að þetta sé sanngjarnt gagnvart fjármálakerfinu frekar en heimilum.

Ekki einungis hafa gengistryggð lán hækkað sem nú á að leiðrétta aðeins að hluta, heldur hafa verðtryggð lán heimila hækkað á sama tíma og fasteignaverð heimila hefur lækkað. Eigið fé heimila hefur því rýrnað verulega í kjölfar bankahrunsins og stefnir í að að það verði neikvætt þrátt fyrir leiðréttingu á erlendum lánum uppá 30-40%. Við hrun bankana lætur nærri að eignarýrnun heimila sé um 1.000 milljarðar," skrifar Agnar.

Ríkisstjórnin föst í aðgerðum eða aðgerðarleysi

„Núverandi ríkistjórn boðar ekki almennar aðgerðir til að mæta erfiðleikum þúsundir heimila, heldur sértækar. Ríkistjórnin er föst í aðgerðum eða aðgerðaleysi sínu við að ráða framúr þeim stóra vanda sem blasir við heimilunum í landinu. Ríkistjórn Íslands mun vanvirða íslensk heimili með að senda þúsundir heimila í gegnum sértæka skuldaaðlögun þar sem ætlunin að skammta heimilunum framfærsluna.

Heimilin áttu ekki sök á efnahagshruninu heldur eru þolendur. Gera verður greinarmun á því hvortheimilin skuldsettu sig viljug umfram greiðslugetu sína eða hvort staða þeirra er til komin vegna aðstæðna sem þau höfðu hvorki stjórn né sök á,“ segir hann enn fremur í greininni.

Frá byrjun árs 2008 fram til september 2010 hefur hefur gengið krónunnar lækkað um 67% skv. gengisvístölu. Um 2/3 hluti erlendra lána heimila er í þremur myntum; jenum (JPY), svissneskum frönkum (CHF) og evrum (EUR). Meðalhækkun þessara þriggja mynta er 98% yfir tímabilið. Vísitala neysluverðs hækkaði um 28% á sama tímabili. Samkvæmt heimildum Seðlabanka Íslands námu heildarskuldir heimila um 1.890 milljörðum við fjármálastofnanir en þar af eru 1.100 milljarðar í verðtryggðum húsnæðislánum og 350 milljarðar í gengistryggðum lánum.

Vegna aukinnar verðbólgu í kjölfar hrunsins hafa verðtryggð húsnæðislán hækkað um 245 milljarða frá 2008.

Samkvæmt heimildum Seðlabanka Íslands var staða erlendra lána heimila um 350 milljarðar í lok 2008. Eru þetta bílalán, húsnæðislán og önnur lán sem heimili hafa tekið. Gengislækkunn krónunnar hefur valdið því að erlend lán heimila hafa hækkað um 170 milljarða eða nær tvöfaldast vegna hrunsins. Lán heimila hafa hækkað um 415 milljarða á tímabilinu.

„Á sama tíma og skuldir heimila hafa hækkað verulega, hefur fasteignaverð lækkað um 13% frá byrjun árs 2008. Samkvæmt mati þjóðsrkár Íslands sem gefur út fasteignamat, mun verð íbúðarhúsnæðis lækka ennfrekar fram til loka 2011 eða um 10%.

Í byrjun árs 2008 nam heildarverðmæti íbúðareigna samkvæmt þjóðaskrá Íslands um 2.430 milljörðum. Skuldir í verðtryggðum- og erlendum lánum var samtals um 1.030 milljarðar árið 2008. Um 100.000 heimili voru skráð fyrir íbúðeign og þar af skulduðu 27.000 heimili ekkert í eigin húsnæði.

Verðmæti fasteigna stendur nú í um 2.060 milljörðum og hefur lækkað um 370 milljarða á sama tíma og skuldir hafa hækkað um 417 milljarða. Aðrar peningalegar eignir hafa einnig lækkað við bankahrunið, og töpuðu 56.000 einstaklingar 183 milljörðum í hlutabréfum fjármálafyrirtækja og annarra fyrirtækja sem skráð voru í Kauphöll Íslands. Þá er ótalið aðrar eignir sem lækkað hafa í verði eða tapast vegna hrunsins," segir ennfremur í grein Agnars ////þetta er og verður alvarlegt mál og þessi lestning er dæmigerð að þessu er ekki sint,als ekki og svo eigum við bar að sækja á og biðla ,er þetta ekki það sem kommarnir vilja,láta knékrupu fyrir sér og biðja um ölmusu,þetta eru það sem mótmælin snuast um og verður að leysa ,annað hvort fara frá þessi stjórn eða leisa vandan strax og það í samráði ,en þarna stendur allt fast út af AGS og fleiru,er þetta liðandi nei .áð er það ekki /Halli gamli


mbl.is Verða 73 þúsund heimili eignalaus?
Tilkynna um óviðeigandi tengingu við frétt

« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Haraldur Haraldsson
Haraldur Haraldsson
Haraldur Haraldsson Innfæddur Reykvikingur og foreldrar minir báðir fæddir i Rvik,Er bara sæmilega virðulegur eldri Borgari og var áður Verksmijustjóri í Málnigarverksmiðju hjá Slippfelaginu i Rvik h/f Stofnað 1902 vann þar i 46 ár!!! geri aðrir betur!!!!Hefi mikin áhuga á Stjórnmálum og þjóðmálum yfirleitt!!!En hefi bara barnaskólapróf,er það ekki Lásy eins og börnin segja????En eg er lika Sjálfstæður Sjálfstæðismaður!!! með fyrirvara um að við göngum ekki i ESB!!! bara als ekki  !!!, svo og einnig allt sem kemur að sjálfstæði þjóðar vorar,og er það ekki gott!!!!!
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 3
  • Sl. sólarhring: 9
  • Sl. viku: 23
  • Frá upphafi: 1045454

Annað

  • Innlit í dag: 3
  • Innlit sl. viku: 21
  • Gestir í dag: 3
  • IP-tölur í dag: 3

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband