Tillögunum verður breytt/voru þær þá bara gerðar til þess,?og fá gott fyrir bakkið!!!

Tillögunum verður breytt
Innlent | mbl.is | 11.11.2010 | 18:00
„Tillögunum eins og þær líta út verður breytt, ég segi ekki meira“, segir Guðbjartur Hannesson, heilbrigðisráðherra. Undirskriftir tugþúsunda manna voru afhentar ráðherranum í kuldanum á Austurvelli síðdegis. Formaður samtaka sunnlenskra sveitarfélaga segir niðurskurðartillögurnar arfavitlausar.

Sunnlendingurinn Sigurgeir Hilmar Friðþjófsson flutti drápu þegar Guðbjartur fékk í hendur tíu þúsund undirskriftir Sunnlendinga. Fjöldi fólks alls staðar af landinu mótmælti á Austurvelli í dag fyrirhuguðum niðurskurði í heilbrigðiskerfinu.Alls skrifaði 10.071 íbúi nafn sitt á mótmælalistana á Suðurlandi sem jafngildir því að liðlegahelmingur kosningabærra manna í heilbrigðisumdæmi Suðurlands hafi skrifað undir mótmælin en alls eru um 19.200 íbúar á svæðinu 18 ára og eldri. Þá höfðu 2560 eintaklingar einnig skráð mótmæli sín á Facebooksíðu gegn niðurskurðinum á hádegi í dag, samkvæmt tilkynningu.

Sunnlendingar fjölmenntu að Alþingishúsinu í rútum og einkabílum og fór gamall sjúkrabíll fyrir lestinni sem tákn um að með boðuðum niðurskurði sé verið að færa heilbrigðisþjónustu á Suðurlandi 60 ár aftur í tímann.

„Mjög mikill stuðningur hefur verið við þessi mótmæli á öllu Suðurlandi en auk sveitarfélaganna stóðu stéttarfélögin á Suðurlandi, félög heilbrigðisstarfsfólks og Samband sunnlenskra kvenna að undirskriftasöfnuninni auk fjölmargra annarra félaga og samtaka á Suðurlandi.  Þá hafa fyrirtæki og stofnanir á svæðinu lagt þessu átaki lið sitt.

Elfa Dögg Þórðardóttir formaður Samtaka sunnlenskra sveitarfélaga ávarpaði heilbrigðisráðherra fyrir hönd landsbyggðarinnar. Í ávarpi sínu sagði Elfa Dögg m.a. að ef boðaður niðurskurður næði fram að ganga fæli hann í sér gróf mannréttindabrot gagnvart íbúum landsbyggðarinnar. Skoraði hún á ríkisstjórnina að standa með sjúkrahúsunum á landsbyggðinni og tryggja að íbúar þar fengju áfram að njóta þeirra grundvallarmannréttinda sem lög kveða á um," segir í tilkynningu///kannski er þetta allt bara sett á svið til að taka það til baka ,til þess að fá hrós og atkvæði útá það,það dettur manni i hug svona í farmhaldi á þessum malum sem eru mjög svo alvarleg,en svona er þetta og það getur ekki verið að þessu verður farmfylgt ,en þeir hafa allt á takteinum til að gera allt vitlaust og draga svo i land að einhverju leyti,en við sjáum i gegnum þetta og vonum hið besta/Halli gamli

Tillögunum verður breytt

Athugasemdir

[Pétur Harðarson, 11.11.2010 kl. 19:11]

Ég held að þegar þessar tillögur voru gerðar þá hafi þessir menn eingöngu stuðst við einhverja útreikninga sem þeim fannst ganga upp á blaði. Þeir gleymdu að taka inn í reikninginn að breytingar á heilbrigðiskerfinu hefur áhrif á fólk. Ekki bara fólk sem vinnur í kerfinu heldur líka fólk sem þarf að nýta sér þjónustuna. Það er soldið merkilegt að þetta komi heilbrigðisráðherra í opna skjöldu en sýnir að hann er jafn vanhæfur í starfi og hinir ráðherrarnir sem hann situr hjá á alþingi.

[Sigurður (IP-tala skráð) 11.11.2010 kl. 19:28]

Er nú orðið neikvætt að leiðrétta og gera betur? Mér finnst þetta vera skynsamlega unnið hjá ráðherra og engin þörf fyrir að gera lítið úr því eins og gert er í þessu bloggi.

Einn daginn bloggar þú yfir því að hlutir séu ekki endurskoðaðir og gert betur og hinn daginn bloggar þú eins og nú þegar endurskoða á fyrri tillögur að það sé hluti af einhverjum blekkingaleik.

Ég segi bara eins börnin, "Err ekki allt í lægi?"....

[Pétur Harðarson, 11.11.2010 kl. 19:55]

Ég veit ekki hversu skynsamlegt það er að vinna hlutina af algjöru ábyrgðarleysi og án samráðs við hluthafandi aðila eingöngu til verða nauðbeygður til að endurskoða hlutina þegar heilbrigðiskerfið er komið í algjört uppnám. Við skulum bara sjá hlutina eins og þeir eru. Staðreyndin er að þetta mál er algjört klúður og hreint hneyksli og það er í fullkomnu samræmi við önnur verk þessarar ríkisstjórnar.

[Haraldur Haraldsson, 11.11.2010 kl. 22:47]

Þakka innlitið strákar:Pétur við virðum bara sammál,en Sigurður það erum við bara als ekki,þú segir mig tala um eitt i dag og annað á morgununn sama hlutinn ,þar erum við ekki á sama máli/En kveðja