Kannast ekki við Icesave-samkomulag/svona er þetta allt uppá borði ????

Kannast ekki við Icesave-samkomulag
Innlent | mbl.is | 16.11.2010 | 9:26
Talsmaður hollenska fjármálaráðuneytisins, kannast ekki við að samkomulag hafi náðst í Icesave-deilu Íslendinga við hollensk stjórnvöld og bresk. Ákveðinn árangur hafi náðst í viðræðunum en ekkert samkomulag.
Ég veit ekki til þess að samkomulag hafi náðst en við erum alltaf reiðubúin til viðræðna og ná samkomulagi," segir talsmaður hollenska fjármálaráðuneytisins og bætir við að ákveðinn árangur hafi náðst í viðræðunum.

Í fréttaskýringu Agnesar Bragadóttur í Morgunblaðinu í dag kemur fram að  einskonar rammasamkomulag liggur fyrir á milli landanna þriggja, óundirritað, en það mun fela í sér mun hagstæðari kjör fyrir Íslendinga, en hingað til hafa staðið til boða.

Morgunblaðið hefur upplýsingar um að Bretar og Hollendingar og íslenski fjármálaráðherrann, Steingrímur J. Sigfússon, séu farnir að ókyrrast mjög, þar sem lokafrestur ESA, Eftirlitsstofnunar EFTA, til íslenskra stjórnvalda til þess að bregðast við áminningarbréfi stofnunarinnar, rennur út eftir réttar þrjár vikur, þann 7. desember.

Samkvæmt sömu heimildum vilja Bretar, Hollendingar og íslensk stjórnvöld ekki að áminningarbréfi ESA verði svarað og því stendur vilji til þess að samið verði um Icesave fyrir þann tíma.

Morgunblaðið hefur upplýsingar um að Bretar og Hollendingar, einkum þó Bretar, vilji nú bjóða Íslendingum upp á mun hagstæðari kjör og skilmála, en þjóðirnar hafa hingað til verið reiðubúnar að gera. Samkvæmt upplýsingum Morgunblaðsins er komið nýtt hljóð í strokkinn hjá breskum og hollenskum stjórnvöldum, hvað varðar kröfur um kostnaðarhlutdeild Íslendinga í fjármagnskostnaði vegna Icesave.

Skýrum skilaboðum mun hafa verið komið á framfæri frá breskum og hollenskum stjórnvöldum, um að þau vildu fyrir alla muni ljúka samningum um Icesave hið fyrsta og bæði ríkin væru tilbúin til þess að falla frá upphaflegum kröfum sínum um stórfelldan vaxtakostnað Íslands og að hann yrði, samkvæmt heimildum Morgunblaðsins, aðeins brot af upphaflegum kröfum Breta og Hollendinga, eða um 3%. Er þetta í samræmi við heimildir fréttastofu Stöðvar 2 sem mbl.is vísaði til í gærkvöldi. ////já er þetta ekki  samkvæmt því að hafa allt uppá borðinu?? nei það er alltaf eitthvað saman við hlutina og það er að yfirleitt ,ekkert satt sem sagt er bara iða að eitthverju til að halda þessu gangandi og segja allt i höfn,en við eigum bara ekki að taka þessu svona alls ekki,það ber að hafa þetta þannig að eignir Landsbanka bara dekki þetta og ekki krónu meira,við getum ekki borgað meira og þeir veða að viðurkenna slíkt Bretar og Hollendingar,við annars bara í dóm með malið/Halli gamli

Kannast ekki við Icesave-samkomulag