Tæplega 2% hagvöxtur 2011/Þessu trúir maður alls ekki,við þær aðstæður sem nú eru og verða,við óbreyttar aðstæður???

Tæplega 2% hagvöxtur 2011
Viðskipti | mbl.is | 23.11.2010 | 9:00
Hagstofan segir í endurskoðaðri þjóðhagsspá, að útlit sé fyrir að landsframleiðsla dragist saman um 3% árið 2010, en vaxi um tæp 2% árið 2011. Segir Hagstofan, að fjárfesting taki að vaxa árið 2011 en sé enn lág í sögulegu samhengi.

Segir Hagstofan, að samdráttur í einkaneyslu virðist lítill á þessu ári en einkaneyslan vaxi næstu árin. Einkaneysla verði þó áfram með minnsta móti á meðan heimilin reyni að ná viðspyrnu gegn auknum skuldum og tekjutapi. Fyrirtækin glími einnig við erfiðan skuldavanda, sem geti í
einhverjum tilvikum leitt til áframhaldandi vanda heimila. 

Hagstofan reiknar með að fjárfesting taki að vaxa árið 2011, jafnvel þótt ekki sé gert ráð fyrir framkvæmdum við álver í Helguvík fyrr en 2012, en sé enn lág í sögulegu samhengi.   Samdráttur í samneyslu haldi áfram næstu ár.

Þá segir Hagstofan að verðbólga hafi hjaðnað árið 2010 og verði við 2,5% verðbólgumarkmið Seðlabankans í upphafi næsta ári. Afgangur af vöru- og þjónustuviðskiptum verði umtalsverður út spátímann enda verði gengi krónunnar áfram veikt þótt raungengið styrkist lítillega.

Spáð er 7,3% atvinnuleysi á næsta ári og 5,6% árið 2012.

Helstu óvissuþættir í þjóðhagsspánni eru þessir:

• stóriðjuframkvæmdir verði minni 2012 og síðar
• efnahagsbati í viðskiptalöndum Íslands hægist
• skuldavandi heimila og fyrirtækja valdi áframhaldandi samdrætti í eftirspurn
• að kjarasamningum ljúki á annan veg en spáin gerir ráð fyrir./////flest er nú hægt að telja manni trú um,þetta gengur sko ekki upp í mínum huga ??,við óbreyttar aðstæður alls ekki!!! en það má lengi velta sér uppúr tölum og fræði ,en svona samt getur ekki verið raunhæft ,þegar litið er til þessa að ekkert er gert til að koma af stað atvinnu og farmkvæmdum og allir að missa sitt bæði heimili og fyrirtæki,já það er gaman að leika sér að tölum,og segja þetta og hitt,en við greypum ekki við hverju sem er/Halli gamli

Tæplega 2% hagvöxtur 2011