Verðbólgan í samræmi við markmið/markmið okkar allra að afnema verðtrygginguna!!!

Verðbólgan í samræmi við markmið
Viðskipti | mbl.is | 22.12.2010 | 9:00
Vísitala neysluverðs hækkaði í desember um 0,33% frá fyrra mánuði. Vísitala neysluverðs án húsnæðis hækkar um 0,43% frá nóvember. Síðastliðna tólf mánuði hefur vísitala neysluverðs hækkað um 2,5% en vísitala neysluverðs án húsnæðis um 3,5%. Verðbólgumarkmið Seðlabankans er 2,5%.

Verðbólgumarkmið Seðlabankans er 2,5% og er þetta í fyrsta skipti síðan í apríl 2004 sem verðbólgan hér á landi er jafn lág og markmið Seðlabanka Íslands kveða á um. Í apríl 2004 var verðbólga mæld á tólf mánaða tímabili 2,2%.

Er hækkun vísitölu neysluverðs nú í takt við væntingar greiningardeildar Arion banka en heldur minni en spá greiningar Íslandsbanka hljóðaði upp á.

Undanfarna þrjá mánuði hefur vísitala neysluverðs hækkað um 1,1% sem jafngildir 4,6% verðbólgu á ári (5,4% verðbólga fyrir vísitöluna án húsnæðis).

Meðalvísitala neysluverðs árið 2010 var 363,2 stig, 5,4% hærri en meðalvísitalan 2009. Samsvarandi breyting var 12,0% árið 2009 og 12,4% árið 2008.

Meðalvísitala neysluverðs án húsnæðis árið 2010 var 345,5 stig, 7,5% hærri en meðalvísitalan 2009. Samsvarandi breyting var 16,1% árið 2009 og 12,2% árið 2008.

Í janúar 2011 mun Hagstofa Íslands breyta aðferð við útreikning á útvarpsgjaldi í vísitölu neysluverðs.//////sko er það ekki markmið okkar allra að verðtrygging verði tekin af það mun flýta því að ná niður verðbólgunni,að mínu mati ,og það getur bjargað mörgum frá gjaldþroti þegar fram liða stundir og afborgannir lánum verða allt aðrar og Bankarnir sina meir aðhald í rekstri að því maður ætli!!! þetta vesen með verðtryggingu er orðið, nú stórt vandamál og ekkert annað,//Halli gamli

Verðbólgan í samræmi við markmið