Undrast orð ráðherra/það gerum við öll sem viljum landi okkar vel!!!!!!

Undrast orð ráðherra
Innlent | Morgunblaðið | 4.7.2011 | 5:30
„Ég á nú erfitt með að trúa því að þarna sé rétt eftir haft. Ef svo er hins vegar, er ljóst að ummælin ganga á svig við álit meirihluta utanríkismálanefndar Alþingis sem fylgdi þingsályktunartillögunni um að sótt skyldi um aðild að ESB,“ segir Jón Bjarnason, sjávarútvegs- og landbúnaðarráðherra.

Tilefnið er þau ummæli Össurar Skarphéðinssonar utanríkisráðherra í samtali við fréttastöðina Euronews í Brussel síðastliðinn mánudag að Íslendingar þyrftu „ekki neinar sérstakar undanþágur“ í sjávarútvegsmálum ef af inngöngu í Evrópusambandið yrði.

Í umfjöllun um mál þessi í Morgunblaðinu í dag kemur fram, að ummæli Össurar vekja furðu forystumanna annarra stjórnmálaflokka sem sæti eiga á Alþingi.

„Þessi ummæli eru auðvitað bara með ólíkindum. Það er eins og utanríkisráðherrann hafi tungur tvær, tali með sitt hvorri eftir því hvort hann er hér á landi eða í Brussel,“ segir Bjarni Benediktsson, formaður Sjálfstæðisflokksins, um ummæli Össurar.

Gunnar Bragi Sveinsson, þingflokksformaður Framsóknarflokksins, tekur í sama streng. Ummælin beri það með sér að strax sé farið að gefa afslátt í sjávarútvegsmálum gagnvart Evrópusambandinu og það áður en viðræður hefjast um þann málaflokk.

„Mér finnst nú ekki að menn eigi að vera að tjá sig með þessum hætti rétt áður en viðræðurnar hefjast,“ segir Þór Saari, þingmaður Hreyfingarinnar. //////Ég mundi áætla að þetta í venjulegu tilliti yrðu bara stjórnaslit ef eitthvað væri að marka stjórnaráttmálan,þetta er svo alverlegt að það jaðrar við að bilun bara og ekkert annað,þetta er orðið alvarlegt mjög og hlýtur að vera stoppað/Halli gamli

Undrast orð ráðherra