Beygðu sig undir ofbeldi/"Sannleikurin oftast sagna bestur!!!!!

Beygðu sig undir ofbeldi
Innlent | mbl.is | 4.9.2011 | 13:22
Ólafur Ragnar Grímsson, forseti Íslands, segir góðar endurheimtur í þrotabúi Landsbankans staðfesta að íslensk stjórnvöld hafi látið undan þrýstingi og beygt sig undir ofbeldi Breta og Hollendinga í Icesave málinu. Þetta sagði hann í samtali við fréttastofu RÚV.

Forsetinn sagði að hann hefði alltaf haldið því fram að eignir bankans myndu duga fyrir Icesave skuldinni. Það væri rannsóknarefni fyrir Evrópusambandið hvernig ríki sambandsins gátu stutt fáránlegar kröfur Breta og Hollendinga.

Ólafur Ragnar sagði að réttast hefði verið að bíða og sjá hvað kæmi út úr eignum Landsbankans, frekar en að fallast á fáránlegar kröfur Breta og Hollendinga um að íslenska þjóðin gengist í ábyrgð fyrir Icesave skuldinni.

„Það var ekki gert heldur var bara látið undan þessum þrýstingi. Menn beygðu sig fyrir þessu ofbeldi af hálfu Evrópuþjóðanna og samþykktu fyrst samning sem var svo óheyrilegur að ekki aðeins hrópaði íslenska þjóðin hann af heldur hlupu Bretar og Hollendingar frá honum strax nokkrum mánuðum eftir að ákveðið var að setja þessa þjóðaratkvæðagreiðslu. Þannig að það sem er að gerast núna er bara einfaldlega sýn á það að ef haldið hefði verið á málinu af skynsemi frá upphafi þá var bara algjör óþarfi að setja íslenska þjóð og samstarf okkar við Evrópuríkin í þessa spennitreyju,“ sagði  forsetinn í samtali við RÚV.///mikið er maður sammála Forseta vorum þarna,við gerðum vitleysu að beygja okkur undir ofbeldið,ekki spurning og við samt björguðum þessu fyrir horn,sem hægt var,og vonandi alveg,ef allt fer vel sem það ætti að gera!! EN Forsetin var með okkur og skrifaði ekki undir og það ber að virða,en samt er Steingrímur en að segja að allt sé ekki búið,maður fer að halda að það sé hans vilji!! ljót að segja ,en svo er þetta/Halli gamli

Beygðu sig undir ofbeldi

Athugasemdir

[DoctorE (IP-tala skráð) 4.9.2011 kl. 16:58]

Það er kristaltært að ríkisstjórn þeirra skötuhjúa Steingríms og Jóhönnu er eins sú fáránlegasta sem sést hefur í siðmenntuðu ríki; Ef ekki hefði verið spornað við fótum gegn geðsýkisfráfræðisruglinu í þeim þá værum við í helvíti næstu hundrað árin.
Það er öllum ljóst að þeim verður að koma frá áður en þau skaða þjóðina meira en orðið er; Sagan mun ekki fara fögrum orðum um þau; Jóhönnu verður minnst sem mesta svikara/hræsnara landsins; Steingrím sem vanvitans mikla sem gerði allt til að leggja þjóðina í hlekki þrældóms.

Það gengur ekki að leyfa þeim að sitja út kjörtímabilið, það verður að hrekja þau úr alþingishúsinu.. með illu ef með þarf; Allt normal fólk myndi segja af sér sjálft eftir slík ofurmistök. Þau verða að horfast í augu við það að þau geta þetta ekki, það eina rétta er að segja af sér strax, ef þau bera umhyggju fyrir þjóðinni en ekki bara rassgatinu á sjálfum sér

[Jón Sigurðsson (IP-tala skráð) 4.9.2011 kl. 19:16]

Höfðum val á milli samningsleið og dómsstólaleið.

Ég spyr: Hvar er ofbeldið?

Þökk sé bullinu í þessum manni taka nú við löng málaferli sem geta endað með hundruða milljarða króna kostnaði.

60% þjóðarinnar lét gabba sig. Staðreynd.

[Haraldur Haraldsson, 4.9.2011 kl. 21:44]

Þakka innlitið ykkar sammála þessu sem þú segir DoctorE mikið!! ///en Jón þú talar um bull sem Forseti vor er að segja/ég segi þetta öfugmæli og ekkert annað/Kveðja

[Guðmundur Ásgeirsson, 4.9.2011 kl. 21:47]

Þökk sé bullinu í þessum manni taka nú við löng málaferli sem geta endað með hundruða milljarða króna kostnaði.

Nú? Steingrímur sagði ítrekað ríkisábyrgð myndi ekki kosta okkur neitt ef eignir þrotabúsins myndu duga fyrir innstæðunum. Þá yrði kostnaðurinn "bara núll" eins og hann sagði t.d. í útvarpsþættinum Harmageddon daginn fyrir þjóðaratkvæðagreiðsluna og endurtók í kvöldfréttum Stöðvar 2 sl. föstudag. Nú er komið á daginn að þetta gengur eftir að því leyti að eignirnar duga fyrir innstæðunum. Samkvæmt Steingrími og jábræðrum hans ætti það þá að þýða að málið sé þar með úr sögunni. Þeir sem hafa lesið samninginn vita hinsvegar að hann fól m.a. í sér vaxtagreiðslur af kröfunni upp á tugi milljarða sem munu aldrei nokkurntíma fást endurheimtar úr þrotabúinu. Steingrímur vildi reyndar líka samþykkja fyrri/verri samninginn, sem hefði hvað sem tautar og raular kostað okkur fleiri hundruði milljarða, ef ekki hefði verið fyrir ákvörðun forsetans að vísa því til þjóðaratkvæðagreiðslu.

60% þjóðarinnar lét gabba sig. Staðreynd.

Ég spyr, hver reyndi að gabba hvern og hver lét gabbast? Var Steingrímur kannski ekki að segja satt þegar hann sagði að ef heimtur úr þrotabúinu næðu 100% þá myndi "IceSave reikningurinn gufa upp" (orðrétt haft eftir).

Þau 40% sem greiddu atkvæði með síðasta samningi virðast heldur ekki hafa gert sér grein fyrir því að þau voru í raun að samþykkja að brjóta bann EES-samningsins við ríkisstuðningi handa einkareknu fyrirtæki. Brotið hefði haft í för með sér langdregin málaferli sem gætu endað með hundruða milljarða króna kostnaði til viðbótar við hinn óafturkræfa vaxtakostnað samningsins. Þetta eru engar getgátur, í byrjun apríl sl. var byrjaður að myndast hópur sem hefði farið fram með slíka kæru ef mál hefðu þróast á þann veg. Ég veit það því ég var sjálfur þar á meðal.

Það voru 40% sem létu gabbast. Staðreynd.

[Haraldur Haraldsson, 4.9.2011 kl. 21:57]

Þakka þér innleggið Guðmundur,Ef Halli gamli væri svona snillingur i orðavali ,gæti hann sennilega svarað svona vel og skilmerkilega /Kveðja