Tákn um ævarandi vinskap/ það gott!! en það voru margir í þessari stöðu,þó þeim fækki ört!!!

Tákn um ævarandi vinskap
Innlent | mbl | 12.10.2011 | 13:42
Það var hjartnæm stund þegar Sigurður Guðmundsson á Goðafossi og Horst Koske loftskeytamaður á þýska kafbátnum U-300 sem sökkti skipinu í heimsstyrjöldinni síðari hittust á bókastefnunni í Frankfurt í dag og féllust í faðma.
Þetta er í fyrsta skipti sem menn úr áhöfnunum hittast og var varla þurr hvarmur í salnum.

Þetta var á blaðamannafundi sem haldinn var til að kynna bókina Goðafoss, sem kom út á þýsku í dag, en þar er fjallað um atburðinn hörmulega, 10. nóvember árið 1944. Höfundar bókarinnar eru Óttar Sveinsson og Stefan Krücken og er hún byggð að hluta á bókinni Útkall – árás á Goðafoss. Ekki fór á milli mála að mikill áhugi er á bókinni, enda var íslenski skálinn troðfullur af erlendum fréttamönnum og bókaáhugafólki.

Áður hafði Össur Skarphéðinsson utanríkisráðherra flutt ræðu, þar sem hann talaði um mikilvægi skilnings og fyrirgefningar, og leikarinn Joachim Krol lesið upp úr bókinni ásamt Thomas Böhm, bókmenntaráðunaut Sögueyjunnar Íslands í Þýskalandi.

„Þetta var óendanlega hjartnæm stund,” sagði Óttar Sveinsson. „Báðir mennirnir táruðust. Ég er í raun inni búinn að bíða eftir þessu augnabliki í átta ár og það var augljós vinskapur sem myndaðist. Ég vonast til að þetta verði til þess að það styrki vinskapinn milli Íslands og Þýskalands – verði tákn um ævarandi vinskap.”

Nánar verður fjallað um atburðinn og rætt við Sigurð og Koske í Morgunblaðinu á morgun.///auðvitað er þetta gott að fyrirgefa og faðmast þetta voru ekki aðstæður kannski þarna til að greina hvað var hvað,en svo er þetta að þessir menn tveir voru bara að sinna sinum störfum og það á ekki að hatast útí,þetta var hörmulegt og þeir báðir þarna gráti nær,og fl. en svo maður sýni skilning er það einmitt að sama sem manni dettur i hug með að faðir minn sem var stýrimaður a´B/V Jóni Ólafssyni sem var sökkt af Þýskum kafbáti 23/11 1942 og allir fórust 13 mans númer bátsins var U341 að' mig minnir en var sökkt aftur ári seinna af sprengju frá Breskri flugvél en það gæti verið skipt um áhöfn þessa vegna gæti einhver verið lifandi þar sem var um borð?? /en það gæti lyst betur atburðum!!!/Halli gamli

Tákn um ævarandi vinskap