Stóra systir fylgist með þér!/málið á mjög gráu svæði svo ekki sé meira sagt!!!!!

Stóra systir fylgist með þér!
Innlent | mbl.is | 18.10.2011 | 16:42
Neðanjarðarhreyfingin Stóra systir hefur afhent lögreglu lista með nöfnum 56 vændiskaupenda og 117 símanúmerum sem hreyfingin safnaði í rannsóknarvinnu sinni í undirheimum Reykjavíkur. Hreyfingin kynnti vinnu sína og kröfur á fjölmiðlafundi í Iðnó nu fyrir skömmu.

Á fundinum voru m.a. lesin samtöl karlmanna við ungar stúlkur þar sem rætt var um greiðslu fyrir kynlífsþjónustu. Eitt þeirra var á mili 15 ára stúlku og 48 ára karlmanns sem sagður er vera deildarstjóri hjá opinberri stofnun.

Stóra systir segir að þrátt fyrir að löggjöf Íslendinga í þessum málum sé almennt talin til fyrirmyndar grasseri hér vændi og þrífist með þegjandi samþykki.

Fer hreyfingin fram á að gripið verði til ýmissa aðgerða, t.d. að vefsíðunni einkamál.is verði lokað, hvers konar vændisauglýsingar í fjölmiðlum stöðvaðar og starfsemi síðustu klámbúllanna hætt.

Meðlimir hreyfingarinnar komu fram í Iðnó íklæddir búrkum og kjósa nafnleysi. Hyggst hreyfingin nýta sér það að vændiskaupendur óttast mest að upp um þá komisst.///eru konurnar þarna ekki á gráu svæði að manni finnst ,allavega er þetta lögreglumál að mínu mati,en þarna er verið að fremja að sem við köllum Borgarlega íhlutun að tagi sem ég og fl. allavega sætti mig ekki við!!! En það er svo að þetta er ein  elsta atvinnugrein kvenna,og lög segja að megi stunda en ekki kaupa???? Halli gamli

Stóra systir fylgist með þér!

Athugasemdir

[Guðmundur Ásgeirsson, 18.10.2011 kl. 23:23]

Það sem þessar konur gerðu er ólöglegt á minnst tíu mismunandi vegu!

[Hans Miniar Jónsson., 19.10.2011 kl. 16:18]

Það sem þessar konur hafa gert er með öllu ógeðfelt að mínu mati. Hafa þær eitthvað rætt við þær vændiskonur sem þær eru mögulega að hafa eina lífsviðurværið af? Eru þær tilbúnar til þess að borga matarkostnað og meira fyrir þær?

Ef við viljum koma í veg fyrir að nokkur manneskja "leiðist" út í vændi eða "neyðist" til þess úrráðs til þess að ná endum saman er þetta alls ekki leiðin!