Samið um fjárhagslega endurskipulagningu/Við fréttum daglega af svona niðurfellingu skulda fyrirtækja,en ekkert gert fyrir skuldir heimilanan!!!

Samið um fjárhagslega endurskipulagningu Viðskipti | mbl.is | 6.1.2012 | 15:54 Samkomulag hefur tekist við Landsbankann um fjárhagslega endurskipulagningu Olíuverzlunar Íslands hf. (Olís) og tengdra félaga. Felur samkomulagið í sér, að Landsbankinn leiðréttir og niðurfærir hluta af lánum félaganna meðal annars í samræmi við þegar kunnar niðurstöður dómsmála um ólögleg gengistryggð lán og að eftirstandandi lán félagsins eru endurskipulögð. Samkomulagið er endanlegt, þótt ekki liggi fyrir dómsniðurstaða, um allar tegundir gengistryggðra lána til félaganna. Af þeim sökum er ekki hægt á þessari stundu að leggja á það mat, hve stór hluti niðurfærslunnar er vegna leiðréttinga gengistryggðra lána og hve mikið eftirgjöf bankans, segir í tilkynningu frá Olís Samkomulagið felur ennfremur í sér, að núverandi hluthafar afli félaginu viðbótarhlutafjár og er samkomulagið þegar að fullu fjármagnað. Hlutafjáraukningin er háð samþykki Samkeppniseftirlitsins. Ekki mun liggja fyrir fyrr en eftir nokkrar vikur hvernig endanlegur hluthafahópur verður samsettur. Í Viðskiptablaðinu 22. desember sl. kom fram að samkvæmt heimildum Viðskiptablaðsins eru aðilar tengdir Samherja og Kaupfélagi Skagfirðinga meðal þeirra sem koma inn í hluthafahóp Olís. Olís er í dag í eigu þeirra Gísla Baldurs Garðarssonar og Einars Benediktssonar í gegnum félagið FAD 1830 ehf.////það eru daglegar fréttir að niðurfellingum fyrirtækja og það ekkert smáræðí!!! annað er að þaðer ekki tekið á skulda vanda heimilanna als ekki,er þetta ekki öfusúið eitthvað???það er hægt að telja hitt daglega,svona er ekki sama hver er,finnst ykkur þetta ásættanlegt/Halli gamli

Samið um fjárhagslega endurskipulagningu