Taka milljarða úr Landsbanka//Þetta er einskonar bófaháttur að mínu áliti??

Taka milljarða úr Landsbanka Innlent | mbl.is | 28.11.2012 | 16:49 Samkvæmt tillögum meirihluta fjárlaganefndar er gert ráð fyrir að arðgreiðslur á næsta ári verði auknar og eru þær áætlaðar 13,5 milljörðum kr. hærri en í fjárlagafrumvarpinu og munar þar langmest um áætlaðan arð Landsbanka ÍslandsSamkvæmt tillögunum er gert ráð fyrir að arðgreiðslur til ríkissjóðs nemi 16,4 milljörðum á næsta ári, en fjárlög þessa árs gera ráð fyrir að arðgreiðslur nemi tæplega 3,2 milljörðum. Aukningin milli ára er því 13,2 milljarðar.

Meiri hlutinn gerir breytingartillögu við tekjuáætlun frumvarpsins sem nemur 9.276 milljónum króna til hækkunar og að útgjöld hækki um 7.755 milljónir.

Á rekstrargrunni verða því heildartekjur ársins 579.621,8 milljónir og heildargjöld 580.900,3 milljónir. Nú er því gert ráð fyrir heldur minni halla á A-hluta ríkissjóðs en var í frumvarpinu, eða 1.278 milljónum í samanburði við 2.799 milljónir sem áætlað var í frumvarpinu.

Arðgreiðslur eru nú áætlaðar 13,5 milljörðum kr. hærri en í frumvarpinu og munar þar langmest um áætlaðan arð Landsbanka Íslands. Þá er áætlað að skattar á tekjur og hagnaður hækki um 4,8 milljarða kr., en á móti vega 4,1 milljarðs kr. lægri vaxtatekjur, 4 milljarða kr. lækkun á söluhagnaði af eignasölu og 1,5 milljarða kr. lægri áætlun um innheimtu tryggingargjalda

. Á gjaldahlið munar mest um fjárfestingaráætlun sem boðuð var í frumvarpinu og kynnt 8. nóvember sl. Gjaldaheimildir hækka um 5,6 milljarða kr. vegna áætlunarinnar, auk heimildar til þess að veita 500 m.kr. stofnframlag til stofnunar græns fjárfestingarsjóðs.

Milljarður í byggingu fangelsis Samkvæmt tillögum meiri hluta fjárlaganefndar verður rúmlega einn milljarður settur í byggingu nýs fangelsis á Hólmsheiði.

Settur verður hálfur milljarður í Náttúruminjasafn og Landspítalinn og fær 600 milljónir til að kaupa tæki og búnað og Fjórðungssjúkrahúsið á Akureyri 50 milljónir.

Meðal tillagana sem meiri hluti nefndarinnar leggur til er að Kvikmyndasjóðir fá 470 milljónir. 450 milljónum verður varið í að endurgreiða virðisaukaskatt vegna kvikmyndagerðar. 248 milljónum verður varið í sanngirnisbætur vegna misgjörða á vistheimilum fyrir börn.

Háskóli Íslands fær 104 milljónir til viðbótar og 800 milljónir til byggingarframkvæmda og tækjakaupa. Vestmannaeyjaferja fær 463 milljónir til viðbótar. Landeyjahöfn fær 266 milljónir til viðbótar sem þýðir 510 milljónir samtals á næsta ári.

Samningur við fjarskiptafyrirtækið Farice ehf. kostar ríkissjóð 418 milljónir. Jöfnunarsjóður sveitarfélaga fær einn milljarð til viðbótar með sérstakri fjárveitingu. Íslenska upplýsingasamfélagið – Netríkið Ísland fær einnig sérstaka fjárveitingu upp á 200 milljónir. Sjúkratryggingar fá 785 milljónir vegna lyfja með S-merkingu. Landlæknir fær 129 milljónir til viðbótar.

Fjármálaeftirlitið fær 122 milljónir til viðbótar. Fjárveiting til embættis umboðsmanns skuldara er aukin um 170 milljónir sem þýðir að dregið er talsvert úr upphaflegum áform um niðurskurð hjá embættinu.

Samkvæmt frumvarpinu verður greiddur einn milljarður til viðbóta vegna lífeyrisskuldbindinga. Vaxtabætur verða lækkaðar um einn milljarða, sem þýðir að þær verða 11 milljarðar en ekki 12 milljarðar eins og frumvarpið gerði ráð fyrir. Umhverfisstofnun fær 105 milljónir vegna þjóðgarða og friðlýstra svæða.

Þá fara 347 milljónir í framkvæmdir við Vatnajökulsþjóðgarð. 280 milljónum verður varið til Græna hagkerfisins og til ýmissa verkefna sem tengjast því.

Gerð er tillaga um að fjárveitingar til framhaldsskólanna verði auknar um 325 milljónir.//////////Þegar maður les þetta er þetta manni þannig í hug að þarna fari menn í Kosningar og eru að reyna að breiða yfir skítinn sem yfir okkur hefur gengið og ætla að sleikja upp fólk til að kjósa sig,en hvernig er forgangurinn það er málið Landspítali og heilsugæsla svelta af tækjaskorti og manskap spanaður þar fari jafnvel í manslífum,þá að að bruðla með peningana svona eins og Þið lesið þarna miljarða stolið af fólkinu sem er að missa sitt og Bankarnir hirða af því allt,voru seldir vogunarjóðum fyrir slikk og svo allt rukkað á fullu vertryggt,er þetta það sem fólkið vill nei ábyggilega ekki þetta eru bara þjófar og bófar sem haga sér svona/Halli gamli

 

 

 

Taka milljarða úr Landsbanka