Nettóskuldir aukast um 345 milljarða//er þetta það sem við eigum að sætta okkur við???

Nettóskuldir aukast um 345 milljarða Viðskipti | mbl.is | 3.12.2012 | 16:42 Viðskiptajöfnuður mældist hagtæður um 29,4 milljarða á þriðja ársfjórðungi samanborið við 52,8 milljarða óhagstæðan jöfnuð fjórðunginn á undan.

Nettóskuldir þjóðarbúsins jukust um 345 milljarða milli ársfjórðunga, en það má reka til skráningar Seðlabankans á innistæðum þrotabúa gömlu bankanna sem gjaldeyrisforða. Afgangur í vöruskiptum við útlönd var 21,2 milljarðar og 34,8 milljarðar í þjónustuviðskiptum.

Jöfnuður þáttatekna var hins vegar neikvæður um 26,6 milljarða. Þetta kemur fram í tölum Seðlabankans sem kynntar voru í dag. Viðskiptajöfnuður án áhrifa innlánsstofnana í slitameðferð var hagstæður um 49,6 milljarða samanborið við 17,2 milljarða óhagstæðan jöfnuð fjórðunginn á undan.

Segir í frétt bankans að halli á þáttatekjum sé eins og áður að miklu leyti vegna innlánsstofnana í slitameðferð. Reiknuð gjöld vegna þeirra námu 24,9 milljörðum og tekjur um 4,6 milljörðum. Neikvæð áhrif innlánsstofnana í slitameðferð á þáttatekjujöfnuð nema 20,3 milljörðum.

Jöfnuður þáttatekna án áhrifa þeirra er því óhagstæður um 6,3 milljarða. Erlendar eignir þjóðarbúsins námu 4.399 milljörðum í lok ársfjórðungsins en skuldir 13.274 milljörðum. Hrein staða við útlönd var því neikvæð um 8.874 milljarða og lækka nettóskuldir um 230 milljarða á milli ársfjórðunga.

Að frátöldum innlánsstofnunum í slitameðferð námu eignir þjóðarbúsins 2.408 milljörðum og skuldir 3.525 milljörðum og var hrein staða því neikvæð um 1.117 milljarða og hækka nettóskuldir um 190 milljarða á milli ársfjórðunga.

Tæknilegar breytingar Í frétt bankans segir að vegna tæknilegra breytinga hafi þau mistök orðið að fyrirframgreiðslur Seðlabankans og íslenska ríkisins á lánum frá Alþjóðagjaldeyrissjóðnum og Norðurlöndunum sem fóru fram í júní voru ekki færðar til lækkunar á erlendri stöðu við síðasta uppgjör.

Það hefur nú verið leiðrétt og nam leiðréttingin um 155 milljörðum til lækkunar á nettóskuldum þjóðarbúsins án innlánsstofnana í slitameðferð. Nettóskuldir aukist um 345 milljarða Þegar þetta er tekið saman má því sjá að nettóskuldir þjóðarbúsins á þessum ársfjórðungi jukust um 345 milljarða, ef gert er ráð fyrir að 155 milljarða breytingin hafi átt að tilheyra fyrri ársfjórðungi.

Það passar næstum því við spá markaðspunkta greiningardeildar Arion banka frá 12. október, en þá var bent á að 328 milljarða innistæða innlánsstofnana í slitameðferð væri flokkuð sem gjaldeyrisforði en ekki erlend skuldbinding þótt greiða þyrfti hana út: „Ef tölur Seðlabankans um hreina stöðu við útlönd án innlánsstofnana í slitameðferð fyrir 2. ársfjórðung 2012 eru skoðaðar þá var hún neikvæð um 1.056 milljarða eða 65% af landsframleiðslu.

Í þessum tölum sést ekki að á þeim tímapunkti áttu innlánsstofnanir í slitameðferð ríflega 328 milljarða í gjaldeyrisinnlánum í Seðlabanka Íslands (sem er þá partur af gjaldeyrisforða Seðlabankans), sem var (og er) í raun að mestu erlend skuldbinding Seðlabankans, en er ekki flokkuð sem slík þar sem innlánsstofnanir í slitameðferð eru skilgreindar sem innlendur lögaðili.“////////////Eftir lestur þessa  talnaleiks!!! er maður ekki mikið nær!!þar er svo að þetta sínir bara í hnotskurn ,hvað okkur vantar í að borga skuldir og það sem fyrst,hvað haldið þið að sé vextir af þessu öllu!!!meiri en þjóðarframleiðslan,þessa vegna verður að fá fjárfesta og auka tekjur okkar um helming eða svo og til þessa þurfum við að framkvæma og nota auðlindir okkar skynsamlega,en þetta er ekki seinna en strax,sem þetta þarf að gerast,ef þessi ríkisstjórn sér þetta ekki,erum við bara ver sett þegar ný ríkisstjórn tekur við í vor,hver dagur sem líður á þess að gera ekkert er dýr!!!!/Halli gamli

Nettóskuldir aukast um 345 milljarða