Gamla veldið Þyskaland ætti að hætta að gera grín af Rússum með henaðartæki!!!!

Þýsaka hernum allt að vanbúnaði Erlent | mbl | 2.10.2014 | 20:48 Ursula von der Leyen, varnarmálaráðherra Þýskalands, ræðir... Vandræðaganginum í kringum þýska herinn linnir ekki og hann er hafður að háði og spotti.

Mikið af búnaði hersins er ónothæft og eins og sakir standa getur hann ekki staðið við skuldbindingar sínar gagnvart Atlantshafsbandalaginu um herafla, sem á að vera til taks.

Þýska hernum allt að vanbúnaðiÞýska hernum allt að Sér­stak­lega er ástandið slæmt í flug­hern­um.

Bret­ar og Frakk­ar hafa sent orr­ustuþotur til að taka þátt í loft­árás­um á Ríki íslams með Banda­ríkja­mönn­um og Belg­ar, Dan­ir og Hol­lend­ing­ar hafa samþykkt að gera slíkt hið sama, en ekki Þjóðverj­ar, sem sam­kvæmt frétt­um hefðu ekki einu sinni bol­magn til þess þótt þeir vildu.

Mik­ill þrýst­ing­ur er á Ursulu von der Leyen, varn­ar­málaráðherra Þýska­lands, þessa dag­ana. Transall-vél frá þýska flughernum með lyf, mat og teppi á flugvellinumí Arbil á sjálfstjórnarsvæði Kúrda ... Transall-vél frá þýska flug­hern­um með lyf, mat og teppi á flug­vell­in­umí Arbil á sjálf­stjórn­ar­svæði Kúrda í Írak í ág­úst.

AXEL HEIM­KEN Hún er gagn­rýnd fyr­ir það hversu van­bú­inn her­inn er og vænd um að hafa blekkt þingið vís­vit­andi.

Bilaðar vél­ar og strandaglóp­ar Tvö at­vik í liðnum mánuði af­hjúpuðu ástandið.

Í liðinni viku fór von der Leyen til Norður-Íraks til þess að ræða við full­trúa Kúrda og þýska her­menn, sem eiga að þjálfa her­menn Kúrda í notk­un vopna frá Þýskalandi.

Af­lýsa þurfti hluta af dag­skrá ráðherr­ans. Bil­an­ir ollu því að ekki var hægt að fljúga með vopn­in, sem eiga að gagn­ast pes­h­merga-liðum Kúrda í bar­átt­unni við sam­tök­in Ríki íslams, og leiðbein­end­urn­ir sjö úr þýska hern­um voru strandaglóp­ar í Búlgaríu.

Send var vél til að bjarga mál­um, og svo önn­ur. Þegar þeir loks komust á áfangastað höfðu fjór­ar flug­vél­ar verið notaðar.

Vopna­send­ing­in barst líka seint og um síðir og þá var ráðherr­ann, sem hafði ætlað að nota ferðina til að slá sér upp í fjöl­miðlum, á bak og burt og gat ekki af­hent vopn­in í eig­in per­sónu.

Ekki gekk bet­ur með flutn­inga­vél af gerðinni Transall C-160, sem senda átti til Vest­ur-Afr­íku með gögn til hjálp­ar í bar­átt­unni við ebólufar­ald­ur­inn.

Ursula von der Leyen, varnamálaráðherra Þýskalands, og Angela Merkel kanslari á stjórnarfundi 24. september. Von ... Ursula von der Leyen, varna­málaráðherra Þýska­lands, og Ang­ela Merkel kansl­ari á stjórn­ar­fundi 24. sept­em­ber.

Von der Leyen ligg­ur und­ir ámæli út af hern­um, en nýt­ur stuðnings Merkel. ODD AND­ER­SEN Bil­un kom upp í vél­inni og þurfti að lenda á spænsku eyj­unni Gran Can­aria.

Senda þurfti aðra vél með vara­hluti og vél­virkja til þess að hægt væri að fljúga vél­inni áfram. „At­hlægi á alþjóðavett­vangi“

Á vefsíðu viku­rits­ins Die Zeit seg­ir að þýski her­inn hafi gert sig að „at­hlægi á alþjóðavett­vangi“. Um liðna helgi birt­ust síðan upp­lýs­ing­ar í viku­rit­inu Der Spieg­el um tækja­búnað hers­ins.

Þar kem­ur fram að af 56 Transall-vél­um hers­ins er 21 tæk til notk­un­ar, af 89 orr­ustuþotum af gerðinni Torna­do eru 36 að fullu til­bún­ar og af 13 eld­flauga­varn­ar­kerf­um af gerðinni Pat­riot eru sjö til­bú­in til notk­un­ar.

Varn­ar­málaráðuneytið hafði látið þingið fá lista yfir vopna- og tækja­búnað hers­ins og ástand hans.

„Í þeirra eig­in tækjalista var þing­inu gefið til kynna að allt sem keyr­ir, flýg­ur og sigl­ir væri að öllu leyti til reiðu,“ sagði Rainer Arnold, talsmaður sósí­al­demó­krata í varn­ar­mál­um, við Der Spieg­el. „Við þing­menn lát­um ekki draga okk­ur á asna­eyr­um.

“ Get­ur ekki staðið við skuld­bind­ing­ar Von der Leyen gekkst við því í viðtali á sunnu­dag að þýski her­inn gæti ekki staðið við all­ar sín­ar skuld­bind­ing­ar gagn­vart Atlants­hafs­banda­lag­inu vegna vand­ræða með tækja­búnað.

Þjóðverj­ar gætu þó staðið við sitt í yf­ir­stand­andi verk­efn­um og brugðist við neyðarástandi til skamms tíma, sagði hún við Bild am Sonntag. Hún sagði hins veg­ar að þýski flug­her­inn gæti ekki staðið skil á þeim flug­vél­um og búnaði, sem til­kynnt var fyr­ir ári að Atlants­hafs­banda­lag­inu yrðu til reiðu inn­an 180 daga í neyðar­til­felli.

Gagn­rýn­in á von der Leyen , sem er kristi­leg­ur demó­krati (CSU), kem­ur ekki bara frá stjórn­ar­and­stöðunni.

Sam­starfs­flokk­ur kristi­legra demó­krata í rík­is­stjórn, sósí­al­demó­krat­ar, hafa einnig gagn­rýnt hana.

Nýt­ur stuðnings Merkel Ang­ela Merkel kansl­ari sagði hins veg­ar á mánu­dag að von der Leyen nyti fulls stuðnings síns við að leysa úr vanda hers­ins og auka gagn­sæi.

„Kröf­ur til hers­ins hafa auk­ist mikið á und­an­förn­um árum,“ sagði hún. Joachim Krause, ör­ygg­is­sér­fræðing­ur við ör­ygg­is­mála­stofn­un Há­skól­ans í Kiel, seg­ir hins veg­ar að staðan á vopna­búnaði hers­ins sé í mol­um.

Í sam­tali við AFP hélt hann því fram að Wolfgang Schäu­ble fjár­málaráðherra hefði árum sam­an „dæmt sam­bands­her­inn til að hætta að vaxa“ og varn­ar­málaráðherr­um hefði ekki tek­ist að setja fram „hernaðarlega sýn“.

Reynd­ar má deila um það hvort þýski her­inn hafi verið í fjár­svelti.

Ein ástæðan fyr­ir því að búnaður hers­ins er úr sér geng­inn er að pant­an­ir á nýj­um búnaði hafa ekki skilað sér.

Transall-vél­arn­ar, sem orðnar eru að tákn­mynd fyr­ir van­búnað hers­ins, eru frá sjö­unda ára­tug liðinn­ar ald­ar.

Búið er að panta nýj­ar vél­ar hjá Air­bus og þær fyrstu átti að af­henda 2010.

Ekk­ert hef­ur orðið af því, ann­ars veg­ar vegna vand­ræðagangs í fram­leiðslunni og hins veg­ar vegna þess að lönd­in, pöntuðu vél­arn­ar, hafa ít­rekað komið með nýj­ar kröf­ur. Varn­ar­mál 11% fjár­laga Von der Leyen hef­ur sagt að hún þurfi meiri pen­inga, en það er ekki eina ástæðan fyr­ir ástand­inu.

Útgjöld hers­ins hafa verið minni en gert var ráð fyr­ir vegna þess að ekki hef­ur þurft að borga fyr­ir vopna­búnað, sem ekki hef­ur verið af­hent­ur.

Í fyrra notaði varn­ar­málaráðuneytið ekki 1,5 millj­arða evra af þeim pen­ing­um, sem skammtaðir voru á fjár­lög­um, og bú­ist er við því að um­tals­verð fjár­hæð verði einnig af­gangs á þessu ári. 32,4 millj­arðar evra fara í varn­ar­mál eða 11% þýskra fjár­laga.

Bent hef­ur verið á að þetta af­gnags­fé hefði mátt nota til að leigja búnað í stað þess til dæm­is að nota úr sér gengn­ar Transall-vél­ar, sem með herkj­um er haldið gang­andi með því að búta hluta véla­flot­ans niður í vara­hluti.

Að aðrir beri byrðarn­ar Þetta ástand á hern­um hef­ur vakið spurn­ing­ar um það hvort mesta efn­hags­veldi Evr­ópu geti leyft sér að láta aðra bera byrðarn­ar og hvort það hafi hernaðarburði til að leggja sitt af mörk­um. „Við ætt­um að finna til veru­legra ónota,“ sagði Har­ald Kujat, fyrr­ver­andi yf­ir­maður þýska her­ráðsins, í sam­tali við Bild.

„Banda­menn okk­ar fljúga til árása gegn Ríki íslams, eru semsagt í hernaði til að gæta sam­eig­in­legs ör­ygg­is okk­ar, og við erum ekki með.

Stærsta hag­kerfi Evr­ópu og ein mik­il­væg­asta þjóðin í NATO get­ur ekki hegðað sér svona.

“ Mart­in Schä­fer, talsmaður ut­an­rík­is­ráðuneyt­is­ins, sagði að það væri „þvætt­ing­ur“ að skuld­bind­ingu Þýska­lands við banda­lagið gegn Ríki íslams ætti að meta ein­göngu út frá því hvort Þjóðverj­ar tækju þátt í loft­árás­um. „Við virðum alla þá sem taka þátt í loft­árás­un­um,“ sagði hann.

„En við njót­um einnig virðing­ar og viður­kenn­ing­ar fyr­ir það, sem Þýska­land er til­búið að gera.“

Fælni við hernaðarbrölt Þýsk stjórn­völd brutu blað þegar þau ákváðu í sept­em­ber að senda vopn til Kúrda í Írak. Arf­leiðfð nas­ism­ans gerði það að verk­um að eft­ir seinni heims­styrj­öld fóru Þjóðverj­ar með mik­illi gát og sendu ekki herlið út fyr­ir land­stein­ana.

Það breyt­ist eft­ir að járntjaldið féll og hafa þýsk­ir her­menn meðal ann­ars tekið þátt í friðargæslu á Balk­anskaga og í Af­gan­ist­an. Þjóðverj­ar hafa hins veg­ar einnig verið gagn­rýnd­ir fyr­ir að halda sig utan átaka, til dæm­is í Líb­ýu.

Vilja láta að sér kveða Nú er umræða um það í Þýskalandi að Þjóðverj­ar eigi að láta meira að sér kveða á alþjóðavett­vangi.

Von der Leyen, Frank-Walter Stein­meier ut­an­rík­is­ráðherra og Joachim Gauck for­seti eru meðal þeirra, sem á þessu ári hafa sagt að Þjóðverj­ar eigi að axla meiri ábyrgð og grípa til vopna ef þess þurfi. Stein­meier ávarpaði alls­herj­arþing Sam­einuðu þjóðanna á laug­ar­dag og ít­rekaði að Þjóðverj­ar væru reiðubún­ir til að axla ábyrgð í og með Sam­einuðu þjóðunum til að hjálpa til við að draga úr raun­um fólks á átaka­svæðum heims­ins.

„Bara orð, eng­ar gerðir“ Örygg­is­sér­fræðing­ur­inn Krause seg­ir að metnaður þýskra leiðtoga til að láta meira að sér kveða sé „lofs­verður“ en gef­ur til kynna að Þjóðverj­ar hafi ekki burði til að standa und­ir hon­um þrátt fyr­ir að hafa „einn stærsta her Evr­ópu“ og bæt­ir við að þetta sé „ekki aðeins vand­ræðal­egt held­ur van­ræksla“. Í

dag­blaðinu Frankfur­t­er All­gemeine Zeit­ung sagði að ekki væri nóg að Banda­ríkja­menn létu að sér kveða þar sem mesta hætt­an væri á að Ríki íslams léti til skar­ar skríða í Evr­ópu þegar flótta­menn og víga­menn sneru aft­ur heim.

„Kveðjur kæru banda­menn! Við fylgj­umst með ykk­ur og á meðan töl­um við um hvernig vijð öxl­um meiri ábyrgð í heim­in­um,“ sagði í blaðinu

. Blaðið Bild gekk lengra: „Á skóla­lóðinni yrði sagt um yf­ir­lýsta stefnu Þjóðverja, bara orð, eng­ar gerðir.“

Heim­ild­ir: Der Spieg­el, Die Zeit, AFP, Frankfur­t­er All­gemeine Zeit­ung, Bild.////////////////Ástandið er í einu orði mjög slæmt,hjá hinum stóru Þjóðverjum sem hafa komið af stað tveimur Heimstyrjöldum,þessu hefi maður ekki trúað þá svo í samningum eftir seinni Heimstyrjöldina samþykktu að eiga ekki her og ekki hervæðast,en nú þegar þeir geta gert gagn eru allt í volli með hergögnin Flugvélar og Skip,þetta er lýsandi um þá sem tala hæðst,og geta svo ekkert þegar á hólminn er komið,svona vara umhorfs í Sovétríkjunum,þegar þjóðverjar réðust inn í Rússland,engin nema úrelt vopn jafnvel hastar og gamli rifflar,enda óður þeir áfram Þjóverjar,en baráttan um Leníngrað var torsótt og að koma harður vetur,og Bandaríkjamenn sendu þeim skotvopn sprengjur og Skriðdreka af brestu gerð og einnig marðarbyrgðir,þetta reið úrslitum um stríðið!!!En þetta lýsir þvi að þjóverjar voru góðir hermenn,en kuldinn og klæðnaður komst ekki til þeirra,svona vara þetta en er öfugt á dag!!!/Halli Gamli

Þýska hernum allt að vanbúnaði