Fleiri andvígir aðild að ESB/ Þetta hlaut að koma rétt út!!!!!!

Innlent | mbl.is | 4.8.2009 | 10:18
Fleiri Íslendingar eru andvígir aðild Íslands að Evrópusambandinu (ESB)en hlynntir samkvæmt skoðanakönnun sem Capacent Gallup gerði fyrir Andríki. Í sömu könnun kemur fram að meirihluti þeirra sem taka afstöðu, vildu fá þjóðaratkvæðagreiðslu um þá ákvörðun að Íslandi sæki um aðild að ESB. Spurt var;  Ert þú hlynnt/ur eða andvíg/ur inngöngu Íslands í Evrópusambandið? Varð niðurstaðan sú að „mjög hlynnt“ voru 17,1%, „frekar hlynnt“ 17,6%, „frekar andvíg“ voru 19,3% og „mjög andvíg“ 29,2%. „Hvorki né“ sögðust 16,9% vera.
 
Kemur fram að ef þeim, sem völdu svarið „hvorki né“, er sleppt úr niðurstöðunum, séu 58,3% frekar eða mjög andvíg inngöngu Íslands í Evrópusambandið, en 41,7% frekar eða mjög hlynnt.

Í sömu könnun kemur fram að meirihluti þeirra sem taka afstöðu, vildu fá þjóðaratkvæðagreiðslu um þá ákvörðun að Íslandi sæki um aðild að ESB.

Lögð var fram spurningin:  Ert þú hlynnt/ur eða andvíg/ur því að fram fari þjóðaratkvæðagreiðsla um hvort Ísland eigi að sækja um aðild að Evrópusambandinu?

Var niðurstaðan sú að „mjög hlynnt“ voru 45,3%, „frekar hlynnt“ 15,6%, „frekar andvíg“ voru 11,3% og „mjög andvíg“ 17,9%. „Hvorki né“ svöruðu 9,9% þátttakenda.
 
Fram kemur að ef þeim sem völdu svarið „hvorki né“, er sleppt úr niðurstöðunni, vilji 67,6% aðspurðra fá þjóðaratkvæðagreiðslum um það hvort "Ísland eiga að sækja um aðild að Evrópusambandinu" en 32,4% eru ekki hlynnt þjóðaratkvæðagreiðslunni.

Könnunin var gerð dagana  16. til 27. júlí 2009 og voru 1273 í úrtakinu. Af þeim svöruðu 717 og svarhlutfall var því 56,3%.//þetta hlaut að koma rétt út ,það gat ekki verið að við bara tökum þessu eins og sjaldsögðum hlut fólkið vill kjósa fyrst og svo fara i viðræður verði það samþykk ????/Halli gamli
 

Fleiri andvígir aðild að ESB