Fluttu út fyrir 95 milljarða// maður bara spyr hvar værum við án þessa 3 Álvera í dag???

Fluttu út fyrir 95 milljarða
Viðskipti | mbl.is | 4.7.2012 | 9:11
Fjarðaál flutti út vörur fyrir um 95 milljarða króna á síðasta ári. Ál nemur um 40% af öllum vöruútflutningi frá landinu, sem er svipað hlutfall og útflutningur sjávarafurða, og nemur hlutur Fjarðaáls í honum um 17 prósentum.

Ekkert annað fyrirtæki flytur út meira vörumagn, segir í yfirliti um starfsemi Alcoa Fjarðaáls sem fyrirtækið sendi frá sér í dag.

33 milljarðar urðu eftir í landinu

Á árinu urðu um 35% af útflutningstekjum Fjarðaáls eftir í landinu, eða um 33 milljarðar króna, m.a. í formi launa, opinberra gjalda, innkaupa frá innlendum birgjum á vöru og þjónustu og samfélagsstyrkja. Innlendir birgjar Fjarðaáls eru á þriðja hundrað og keypti fyrirtækið vöru og þjónustu fyrir rúma 11 milljarða króna á árinu. Eru raforkukaup þá undanskilin.

Fjarðaál hefur frá því að álframleiðsla hófst árið 2007 varið tæpum 9 milljörðum króna til fjárfestinga vegna starfseminnar, þar af um 6 milljörðum á síðasta ári, aðallega til byggingar kersmiðju, sem tók til starfa í júní.

Eins og fram kom í fjölmiðlum nýlega hefur íbúum Mið-Austurlands fjölgað um rúmlega eitt þúsund frá 2002 eða um 13 prósent. Í sveitarfélaginu Fjarðabyggð, þar sem álverið er, hefur íbúum hins vegar fjölgað ívið meira samkvæmt upplýsingum Hagstofu Íslands, eða um rúm 15%, samkvæmt tilkynningu frá Fjarðaáli.

Rúmlega 480 manns starfa hjá Fjarðaáli auk um þrjú hundruð manns sem vinna hjá öðrum fyrirtækjum sem sinna dagegri þjónustu við álverið. Af því er varðar starfsmenn Fjarðaáls eiga um 86 prósent lögheimili í nærliggjandi byggðarlögum, 58% í Fjarðabyggð og 28% á Fljótsdalshéraði. Um 5% starfsmanna hafa lögheimili á höfuðborgarsvæðinu.

„Árlega framleiðir Fjarðaál rúmlega 340 þúsund tonn af hreinu gæðaáli og álblöndum, sem m.a. eru notuð í samgönguiðnaði, svo sem í bíla, flugvélar, járnbrautalestir, geimferjur og alls kyns íhluti sem tengjast viðkomandi iðngreinum. Álblöndur Fjarðaáls, einnig nefndar málmblendi, eru einnig notaðar í fjölbreyttum lausnum í öðrum iðnaði, m.a. hjá fyrirtækjum sem framleiða rafmagnskapla, háspennustrengi og fleira,“ segir enn fremur í tilkynningu frá Fjarðaáli./////////'Eg veit að menn eiga bágt með að viðurkenna þessa innkomu en hún er að bjarga okkur eins og fiskimiðin og útgerðin!! en þetta er viðkvæmt mál margra og ekki  þeirra stíll að viðurkenna slíkt ,þó svo það sé ekki annað hægt!!!!hvar værum við stödd núna ef þessara 3 álvera niti ekki við það er stöðugt verð á Áli eins langt og við sjáum eftirspurn eykst ef eitthvað er,en allt er best í hófi og við kláru allavega eitt en svo bara eiga rafmagnið í annað sem skilar kannski mikið meiri arði!!! en það er svo að ennþá er verið að tala um Kárahnjúka sem eitthvert brjálaðasta verk sem við höfum framið,en það verða flestir að éta ofan í sig,ég sé ekki að þessar virkjanir allavega sem ég hefi séð standi með sóma þar sem þær eru,og vegir og umhverfi skánað mikið,en svo kemur ferðamennskan næst á  eftir útgerð og Álverum svo og tæknigeirinn,þetta eru þessir blessaðir  umkverfissinnar á móti!!!/Halli gamli

Fluttu út fyrir 95 milljarða

Boða umbætur og meira gagnsæi/////Þetta þíðir ekkert hálfgang þarna taka þetta alvarlega í gegn!!!!

Boða umbætur og meira gagnsæi
Innlent | Morgunblaðið | 4.7.2012 | 10:30
Lagðar eru til ýmsar veigamiklar breytingar í lífeyrismálum og á vettvangi lífeyrissjóðanna í nýjum drögum að stefnu ASÍ í lífeyrismálum.

Í umræðuskjali þar sem drögin eru birt segir að mikill almennur vilji sé til þess innan ASÍ að lífeyrissjóðakerfið grundvallist á skylduaðild, samtryggingu, sjóðasöfnun og sjálfbærni kynslóðanna. En brýnt sé að auka gagnsæi í stjórnkerfi sjóðanna og efla þurfi alla upplýsingagjöf þeirra.

,,Það er afdráttarlaust afstaða aðildarsamtaka Alþýðusambandsins að lífeyrissjóðirnir eiga að setja sér skýrar reglur um siðferði og samfélagslega ábyrgð, bæði hvað varðar fjárfestingar sínar og innri starfsemi,“ segir í drögunum.

Forystumenn ASÍ og SA sitji ekki í stjórnum lífeyrissjóða

Lagðar eru til fjölmargar breytingar, m.a. að við það verði miðað að forseti ASÍ og formaður SA ásamt framkvæmdastjórum samtakanna taki ekki sæti í stjórnum einstakra sjóða. Lagt er til í kafla draganna um örorku að tekið verði upp fjölþætt starfsgetumat sem liggi til grundvallar endurhæfingarlífeyri og „réttur til varanlegra örorkubóta verði fyrst til eftir 3 til 5 ára endurhæfingartímabil“.

Sú stefna er sett fram að tekjutenging örorkubóta verði aflögð, en bótaréttur skilgreindur miðað við starfsgetumat. „Tekjuviðmið í örorkubótarétti lífeyrissjóðanna verði eingöngu gagnvart atvinnutekjum en ekki gagnvart greiðslum frá TR.

Jafna verður örorkubyrði lífeyrissjóðanna með opinberum framlögum, m.a. til að mismunandi byrði af réttindaávinnslu ungs fólks sem lendir í örorku eftir takmarkaða atvinnusögu verði mætt með sanngjörnum hætti.“ Mikil áhersla er lögð á að gengið verði frá samkomulagi um jöfnun lífeyrisréttinda á milli almenna og opinbera lífeyriskerfisins. Lagt verði til grundvallar það viðmið að lífeyrir verði um 76% af meðaltekjum á starfsævinni miðað við 15,5% iðgjald í samtryggingarsjóði. Þá þurfi að gera upp bakábyrgð ríkisins á B-deild Lífeyrissjóðs starfsmanna ríkisins með löngu skuldabréfi og afnema eigi framvirka tengingu lífeyris við laun eftirmanns og afnema ríkis- og launagreiðendaábyrgðina.

Í drögum ASÍ segir að réttindagrunnur fyrir alla sjóði þurfi að vera samræmdur. Lagðar eru til verulegar breytingar á ellilífeyriskerfinu og settar m.a. fram eftirfarandi tillögur:

„Réttur til eftirlauna taki mið af 76% meðalævitekna viðkomandi á grundvelli 15,5% iðgjalds

Réttindakerfið verði aldurstengt sem tryggir sjálfbærni kynslóðanna

Eftirlaunaaldur miðist við 67 ár en breytist með breytingum á meðalævi landsmanna, þó þannig að fyrir liggi með 5-10 ára fyrirvara hver eftirlaunaaldurinn er hjá viðkomandi sjóðsfélaga

Aukinn sveigjanleiki verði til töku eftirlauna bæði hjá TR og lífeyrissjóðunum

Möguleiki á að hefja aftur greiðslur inn í kerfið eftir að taka lífeyris hefst.“

Verði þær breytingar gerðar sem lagðar eru til í drögum ASÍ verða reglur um skiptingu lífeyrisréttinda milli hjóna endurskoðaðar með það að markmiði að sameign hjóna verði meginreglan ,,í kynlausu kerfi“.

Í umfjöllun um stjórnkerfi lífeyrissjóðanna er lögð áhersla á fjölmargar breytingar, m.a. um að settar verði gagnsærri reglur um kjör fulltrúaráðs og stjórna sjóðanna þannig að tryggt sé að félagsmenn og sjóðsfélagar hafi tækifæri til að bjóða sig fram til ábyrgðarhlutverka.

Fulltrúaráð sjóðanna hafi mikilvægt hlutverk með höndum, m.a. að kjósa alla fulltrúa í stjórn lífeyrissjóðs á hverju vori. Í fulltrúaráði sitji sjóðfélagar eða greiðendur í viðkomandi lífeyrissjóð og framboð til setu í ráðinu verði auglýst hjá viðkomandi stéttarfélögum.

Siðanefnd lífeyrissjóða

Þá er lagt til að settar verði stífari reglur um stjórnir sjóðanna, m.a. um að sett verði 8 ára hámark á samfelldan seturétt í stjórn lífeyrissjóðs. Settar verði hæfisreglur og stjórnarmenn og starfsmenn lífeyrissjóðanna upplýsi um verðbréfaeign og viðskipti sín.

Í tillögum um fjárfestingarstefnu lífeyrissjóða segir að mikilvægt sé að auka aftur hlutdeild erlendra eigna í eignasafni lífeyrissjóðanna, þannig að þeir hafi heimild til að fjárfesta allt að helming eigna sinna í erlendum eignum og heimila þurfi að hlutdeild hlutabréfa verði allt að 60%, þó þannig að innlend hlutabréf verði að hámarki fimmtungur af því.

Þá segir að eðlilegt sé að lífeyrissjóðir nýti sér reynslu Norska olíusjóðsins, m.a. í tengslum við siðferði og samfélagslega ábyrgð og lagt er til að sjóðirnir setji sér samskipta- og siðareglur fyrir starfsmenn og stjórnarmenn, þ.m.t. reglur um þátttöku í boðsferðum, gjafir og risnu, takmörkun á samhliða fjárfestingum og þátttöku í atvinnurekstri./////loks er lagt til að stofnuð verði siðanefnd lífeyrisjóðanna!!! en það á ekki að vera þörf vegna hrunsins, hefðu menn átt að læra og gerðu sumir, en það er bara því miður ekki gert af hverju ekki??? ,vegna þess að þarna eru ekki nógu gott fólk sem gerir þetta eins og til stendur af heiðarleika  einum saman og hugviti!!!við sem þarna höfum borgað frá stofnun þeirra eru nú búin að sjá þetta ganga á ýmsa vegu og sumir farið mjög ílla þarna,en tal um hlutina er ekki nóg það verður að framkvæma og svo breyta annað hvort hækka framagið eða lengja aldurinn ,en ég tel að fleiri vilji borga meira þarna,og hafa bara þann kost að vinna til 67 eða 70 ára og fá þá herri lífeyrir!!!svo er þetta með sameininguna það þarf að ræða ekki spurning!!Atvinnurekendur eiga þarna ekkert að vera með nefið í þessu als ekki við eigum þetta að fullu sem í þá  borgum!!ASÍ ekki meira en aðrir svo og þarf að skipta umstjórnir á mynnst 4 ára fresti og einn gangi úr árlega og siðar þarf ekki mynna en 3.5% vexti þarna ekki mynna/Halli gamli

Boða umbætur og meira gagnsæi

Ótrúlegt að sjá þrautseigju fólks///Já það er ekki bara búið þegar slysið er skeð????

Ótrúlegt að sjá þrautseigju fólks
Innlent | mbl | 3.7.2012 | 19:42
Algjör skelfing er oft fyrsta viðbragð þess sem vaknar lamaður eftir bílslys. Á 10 árum hafa hátt í 2.000 manns slasast alvarlega í umferðinni. Margir eru mánuðum saman í endurhæfingu og sjúkraþjálfarar á Grensás segjast bera takmarkalausa aðdáun fyrir þrautseigju og aðlögunarhæfni fólks.

Ungur maður rankar við sér í sjúkrarúmi. Síðast man hann eftir sér úti á mótorhjóli. Síðan eru liðnir 16 dagar. Hann var í fullum rétti þegar keyrt var á hann og nú liggur hann á gjörgæslu með fjöláverka, sem algengir eru eftir umferðarslys. Fréttaflutningi af atvikinu lauk þegar ljóst var að hann var úr lífshættu, en þar með er ekki öll sagan sögð.

Umferðarslys umturnar lífinu

Hvað felst í fjöláverkum? Í tilfelli þessa unga manns var um að ræða alvarlegt mjaðmagrindarbrot og handleggsbrot, rof á slagæðum, mikla áverka á húð og taugaskaða í handlegg  með lömun í hægri hendi, ökklabrot með taugaskaða og lömun á ökkla, viðbeinsbrot, kjálkabrot, samfallin lungu og höfuðáverka. Um hálfu ári eftir slysið, eftir fjölda skurðaðgerða, langa dvöl á lýtalækningadeild og þrotlausa endurhæfingu, útskrifaðist ungi maðurinn af Grensásdeild Landspítala og gekk út við hækju. 

Árlega verða á bilinu 150-200 alvarleg umferðarslys sem enda mörg með fjöláverkum, mænuskaða, heilaskaða, taugaáverkum eða útlimamissi. Mbl.is/Elín Esther

„Þessi strákur á allt líf sitt framundan og náði alveg ótrúlegum bata, en hann nær sér aldrei að fullu eins og hann var áður," segir Sigrún Knútsdóttir yfirsjúkraþjálfari á Grensásdeild. Hún hefur um árabil starfað við endurhæfingu og segir það enn koma sér á óvart hve þrautseigja og aðlögunarhæfni fólks geti verið mikil þegar líf þess umturnast vegna slyss. „Það er alveg ótrúlegt. Maður hættir aldrei að dást að því.“

Hátt í 200 alvarleg slys á hverju ári

Árlega verða á bilinu 150-200 alvarleg umferðarslys hér á landi, þar sem ekki hlýst bani af en þeir sem í þeim lenda glíma við afleiðingarnar í langan tíma á eftir og jafnvel ævilangt. Það þýðir að frá aldamótum hafa tæplega 2.000 manns slasast alvarlega í umferðinni. Flestir þeir sem lifa af alvarleg slys og fara í gegnum endurhæfingu á Grensásdeild LSH hafa hlotið fjöláverka, mænuskaða, heilaskaða, taugaáverka eða misst fót.

Sjúkraþjálfurum á Grensásdeildinni finnst alltaf jafngleðilegt að sjá fólk taka fyrstu skrefin eftir endurhæfingu. Mbl.is/Eggert Jóhannesson

Sumir eru  lengi á deildinni, frá þremur upp í sex mánuði eða jafnvel lengur. Markmiðið er að fólk verði eins sjálfbjarga og hægt er, eins fljótt og hægt er og komist út í samfélagið aftur. Í mörgum tilfellum verða þeir sem lenda í alvarlegum slysum þó að læra að lifa lífinu við breyttar aðstæður og auk líkamlegrar þjálfunar snýst endurhæfingin því einnig um að sætta sig við breytt hlutskipti. 

Algjör skelfing fyrst í stað

„Þú gerir þér auðvitað enga grein fyrir því í upphafi hvað það þýðir að vakna eftir alvarlegt umferðarslys lamaður, algjörlega ósjálfbjarga og þurfa hjálp við allar athafnir daglegs lífs. Þannig að fyrst í stað getur þetta auðvitað verið algjör skelfing og það tekur tíma að læra á sjálfan sig upp á nýtt," segir Sigrún. 

Fólk tekur áfalli með mismunandi hætti en að sögn Sigrúnar fara flestir í gegnum sorgarferli. „Þér er í raun hent inn í óraunverulegan og hræðilegan heim og fólk er oft í afneitun til að byrja með. Það er ósköp eðlilegt að maður reyni að bægja frá sér því sem er svo ógnvænlegt að þú getur ekki tekist á við það. Fólk fer í gegnum sorg, kvíða, reiði, depurð og loks sátt. Þetta krefst aðlögunar og við förum rólega í sakirnar þegar við byrjum endurhæfinguna."

Fyrstu skrefin alltaf gleðileg

Endurhæfing eftir umferðarslys getur því verið afar langt og strangt ferli. Herdís Þórisdóttir sjúkraþjálfari á Grensásdeild nefnir sem dæmi að fyrir mænuskaðaðan einstakling geti þurft þrotlausar æfingar dag eftir dag í 2-3 mánuði til að ná þeirri grunnfærni að snúa sér á hliðina og setjast upp í rúminu.

„Fyrstu vikurnar hér snúast oft um að þjálfa grunnfærnina, að geta sest upp og sjálfur, komist sjálfur fram úr rúmi og geta sinnt grunnþörfunum. Það getur tekið nokkra mánuði að finna út hver raunveruleg staða viðkomandi er. Smátt og smátt förum við svo að horfa til framtíðar, að hjálpa fólki að breyta lífi sínu og styðja það í að finna nýjar leiðir."

Margir litlir og stórir sigrar eru unnir á Grensásdeild. „Við gleðjumst með fólki yfir öllum framförum, hversu pínulitlar sem þær eru, af því það skiptir máli," segir Herdís. „Það er alltaf mjög gleðilegt að sjá fólk taka fyrstu skrefin. Það er gaman að fylgjast með því. Alveg rosalega gaman." 

Sárast þegar væntingarnar bregðast

Erfiðast er hinsvegar að sögn Herdísar að þurfa að horfast í augu við ef væntingar sem kviknuðu í upphafi endurhæfingar bregðist. t.d. ef um alvarlegan heilaskaða er að ræða. „Við vitum aldrei þegar við leggjum af stað hvar við munum enda og við höfum auðvitað upplifað að ná ekki því sem við ætluðum okkur. Þetta er það erfiðasta sem ég glími við."

Sigrún segir sömu sögu. Óhjákvæmilegt sé að fyllast stundum depurð yfir örlögum fólks. Í endurhæfingunni allri skipti hins vegar mjög miklu máli hvernig fólki tekst að glíma við andlega þáttinn. „Hér á Grensásdeild er mikil áhersla lögð á jákvæðni, bjartsýni og glaðværð. Við verðum að hjálpa fólki að læra að trúa áfram á sjálft sig og að það sjái einhverja von, að lífið sé ekki búið. Oft sjáum við að gildi fólks og áherslur í lífinu breytast,“ segir Sigrún. 

Fræðsla betri en hræðsla

Sigrún og Herdís eru báðar á því að mikilvægt sé að halda umræðu um umferðaröryggi- og slys stöðugt á lofti. Þær telja að fræðsla skili sér betur en hræðsluáróður til að auka meðvitund fólks. Ýmislegt hefur breyst til hins betra að þeirra mati, t.d. hafi dregið úr alvarlegum mænusköðum á allra síðustu árum með almennari notkun bílbelta. 

„Það er þó dapurlegt að enn er það svo að flestir sem fá alvarlega mænuskaða og lamast í umferðarslysum hafa ekki notað bílbelti. Þeir missa stjórn á bílnum, lenda í bílveltu og kastast út úr bílnum vegna þess að þeir voru ekki í belti. Þetta eru því slys sem hefðu ekki þurft að verða svona alvarleg.“

Þær benda einnig á að allt of algengt sé að fólk keyri aðeins of hratt. „Staðreyndin er sú að fólk er iðulega að keyra 10-15 km of hratt. Sumir vegarkaflar þola það alveg en aðrir alls ekki, “ segir Sigrún. Hún telur að breytilegur hámarkshraði þurfi að vera á þjóðvegunum í samræmi við það sem vegurinn þolir á hverjum stað. 

„Þetta kemur ekki fyrir mig“

Svo betur má ef duga skal. Sigrún bendir á að hluti ábyrgðarinnar hvíli á yfirvöldum, t.d. að standa að því að útrýma svörtu blettunum í vegakerfinu og auka sýnileika löggæslu. Annað snúi að okkur sjálfum: Að hafa athyglina á akstrinum, draga úr hraðanum og nota alltaf bílbelti.

„Ég held að það hafi orðið viðhorfsbreyting, en ég held að hún þurfi að verða ennþá meiri. Fólk er ennþá með viðhorfið: „Þetta kemur ekki fyrir mig."," segir Sigrún og segist að lokum vilja óska þess að landsmenn njóti slysalauss sumars og komi heilir heim.

Á morgun...

...verður birt viðtal við unga mótorhjólamanninn sem slasaðist alvarlega eins og lýst var hér að ofan. Ótrúlegt má heita að hann hafi lifað af og náð svo góðum bata sem raunin er, en hann verður aldrei samur og er öryrki m.a. vegna heilaskaða.////////Þetta er þörf lesning mjög ,og við eigum að lesa og skoða svona dæmi og,svo taka á þessu mark og aka öll eftir aðstæðum,ekki bara segja það kemur ekkert fyrir mig!!ég T.D. segi að bílar dagsins í dag eru mikið öryggari en var  og komið í þá allskonar viðvaranir og öryggi,en sjálfur má maður ekki bila eina mínútu hún getur verið okkur dýr mjög,en við megum ekki heldur gleyna vegunum sem eru víða mjög hættulegir og meira en það!!og aka eftir aðstæðum,en við eigum að lesa þetta sem kemur eftir þennan manns sem í þessu lenti og afleiðingum hans/Halli gamli

Ótrúlegt að sjá þrautseigju fólks

Höfðu afskipti af ökumönnum////Róleg nótt hjá löggæsluni flott það!!!!!!

Höfðu afskipti af ökumönnum
Innlent | mbl | 4.7.2012 | 6:35
Nóttin var fremur róleg í flestum lögregluumdæmum landsins en þó hafði lögreglan á Selfossi afskipti af tveimur ökumönnum og var þeim gert að hætta akstri. Báðir eru þeir karlmenn og er annar grunaður um akstur undir áhrifum fíkniefna en hinn undir áhrifum áfengis.

Mennirnir voru báðir stöðvaðir skammt frá Selfossi við reglubundið umferðareftirlit lögreglu.

Þá hafði lögreglan á Suðurnesjum einnig afskipti af einum ökumanni í nótt sem grunaður er um akstur undir áhrifum fíkniefna.

Tveir voru einnig teknir fyrir of hraðan akstur í sama umdæmi, annar á Reykjavíkurvegi en hinn á Grindavíkurvegi./////////það er bara gott að þetta er rólegt hjá lögreglu annað slagið,samt er margt komið í Sumarfrí og töluverð umferð/"En batnandi mönnum er best að lifa" segir máltækið///Halli gamli

Höfðu afskipti af ökumönnum

Egill kærir stúlkuna//////Svo gera menn í nauðvörn :ef um Upspuna er að ræða????

Egill kærir stúlkuna
Innlent | mbl.is | 3.7.2012 | 13:19
Egill Einarsson hefur lagt fram kæru á hendur stúlku sem kærði hann fyrir nauðgun. Hann hefur einnig lagt fram kæru á hendur vinkonum hennar og óskað eftir lögreglurannsókn á kæru stúlkunnar.

Yfirlýsingin í heild:

„Ég finn mig knúinn til að bera hönd fyrir höfuð mér, nú þegar lögmaður stúlku sem kærði mig og unnustu mína fyrir kynferðisbrot hefur sent frá sér afar ósmekklega yfirlýsingu vegna málsins. Þar telur hann upp „gögn“ sem hann segir ríkissaksóknara hafa hundsað. Ég furða mig mjög á þessari yfirlýsingu sem er í senn villandi, ónákvæm og sumt í henni er beinlínis rangt.

Það er með sanni ömurleg staða að vera í, að þurfa að verja sig af yfirlýsingu frá réttargæslumanni stúlku, sem í niðurstöðu saksóknara kemur fram að hafi verið margsaga i frásögn sinni um meinta nauðgun. Um þetta sagði saksóknari orðrétt í rökstuðningi sínum fyrir því að fella niður málið:

„Ekki verður fram hjá því litið að hvorki var innbyrðis samræmi í framburðum brotaþola hjá lögreglu, né samræmi í því sem haft var eftir henni á Neyðarmóttöku strax í kjölfar hins meinta brots og þess sem hún skýrði frá hjá lögreglu.“

Við þetta má svo bæta að í öllum tilvikum, þar sem frásögn okkar og hennar stangaðist á og vitni voru að, reyndist frásögn hennar röng og okkar rétt. Um það sagði saksóknari jafnframt: „Ekkert í framburði þeirra [mínum og unnustu minnar] bendir þó til að þau hafi samræmt framburði sína í þeim tilgangi að fegra hlut sinn, enda fá framburðir þeirra stoð í öðrum gögnum málsins ...“

Ég hef hingað til forðast að fara í ítarlegar lýsingar á málavöxtum, enda eiga smáatriði þessa máls ekki erindi við almenning. Nú, þegar lögmaður stúlkunnar hefur vitnað í málsgögn á villandi hátt, að því er virðist í þeim tilgangi að varpa enn frekari rýrð á mannorð mitt, þá vil ég leyfa mér að nefna eftirfarandi:

Í yfirlýsingunni er gefið í skyn að ágreiningur sé um hvort samræði hafi átt sér stað. Enginn ágreiningur hefur hins vegar verið um það að samfarir áttu sér stað. Það verður að teljast undarlegt mat hjá lögmanninum að ríkissaksóknari ætti að meta til sönnunargagna örlitlar rifur sem staðfest er af læknum að gefi enga vísbendingu um ofbeldi og alvanalegt sé að komi fram við venjulegt kynlíf.

Hvaða merkingu lögmaðurinn leggur í það að túrtappi hafi verið fjarlægður er á huldu. Í gögnum málsins kemur ekkert fram um að stúlkan hafi þurft að gangast undir læknisaðgerð. Það er ekki „aðgerð“ að fjarlægja túrtappa, hann var tekinn sem hugsanlegt sakargagn og í læknaskýrslu kemur fram að leggangaskoðun hafi verið eðlileg.

Ekki veit ég hvað lögmaðurinn er að fara með að tala um marbletti sem stúlkan var með. Í skýrslu læknis á Neyðarmóttöku kemur skýrt fram að stúlkan hafi enga sýnilega áverka og að það samræmist frásögn hennar þar. Það kemur skýrt fram í gögnum að það voru engir áverkar sem bentu til ofbeldis.

Það er rangt að skjólstæðingur lögmannsins hafi horfið af heimili okkar í miklum flýti og hvað þá að hún hafi farið grátandi. Það er rétt að vitni staðfesta að stúlkan hafi verið í tilfinningalegu uppnámi þegar vinkonur hennar sóttu hana. Hún komst hins vegar ekki í það uppnám fyrr en eftir að hún fór frá okkur. Á meðan hún dvaldi hjá okkur var mikið hlegið og góð stemning og þessi áburður kom því eins og þruma úr heiðskíru lofti.

Þá er fráleitt að líta á það sem vísbendingu um glæp þótt stúlkan hafi skilið eftir fatnað og klætt sig í aðrar áþekkar sokkabuxur og kemur ekkert fram í gögnum málsins sem staðfestir þá túlkun.

Sálrænt ástand manneskju sannar ekki að hún hafi orðið fyrir ofbeldi. Þess eru mörg dæmi frá nágrannalöndunum að fólk sem síðar var dæmt fyrir rangar sakargiftir hafi að sögn sálfræðinga sýnt öll einkenni raunverulegra brotaþola. Þess má geta að þremur mánuðum eftir umrædda nótt tók stúlkan vakt á veitingastað sem ég sótti. Hún mætti mér að minnsta kosti fimm sinnum það kvöld. Nærvera mín fékk ekki meira á hana en svo að hún tók því fagnandi þegar hún var spurð að því daginn eftir hvort hún vildi taka fleiri vaktir. Forðun er hins vegar eitt af dæmigerðum einkennum brotaþola í nauðgunarmálum.

Það er rétt athugað hjá lögmanninum að það ætti að vera hverjum manni sem borinn er sökum um glæp umhugsunarefni hvað hafi orðið til þess. Ég hef einmitt velt því fyrir mér á hverjum einasta degi í sjö mánuði því ekki var ofbeldi af neinu tagi tilefni kærunnar.

Ég hef hugsað um það hvers vegna stúlkan er margsaga í öllum meginatriðum. Hvers vegna hún í skýrslutöku vitnar um sms-skilaboð og símtöl sem aldrei áttu sér stað eins og útprentaðar símaskýrslur staðfesta. Það er mér mikið umhugsunarefni hvers vegna tvær vinkonur hennar „staðfesta“ í smáatriðum þessi símtöl og sms, sem aldrei áttu sér stað, í skýrslutöku hjá lögreglu. Og ég get hreinlega ekki hætt að hugsa um það hvers vegna skilaboð frá handrukkara biðu mín þegar ég vaknaði daginn eftir.

Þrátt fyrir reiði mína og hryggð yfir þessu máli finn ég á vissan hátt til samúðar með stúlkunni því ég trúi ekki að það hafi verið meðvituð ákvörðun hjá henni að eyðileggja mannorð fólks sem hún á ekkert sökótt við. Ég hef þess vegna mikið velt því fyrir mér hvort eitthvað sé hæft í sögusögnum um að hún hafi orðið fyrir óeðlilegum þrýstingi frá tilteknu áhrifafólki. Komi slíkt i ljós þá eru allir aðilar þessa máls peð í pólitískum hráskinnaleik.  

Ég hef einsett mér að komast til botns í þessu máli. Ég hef því lagt fram kæru á hendur stúlkunni og vinkonum hennar og óskað eftir lögreglurannsókn á tildrögum þess að ég var, ásamt unnustu minni, borinn röngum sökum um svívirðilegan glæp.

Virðingarfyllst

Egill Einarsson“///////Þetta er kannski alveg rétt að gera ,allavega hreinsa mannorð sitt ef hægt er,undir þessu er ekki hægt að lykja án þess að hið rétta komi fram,eða það finnst manni sjálfum!!og allir hljóta að skilja það,svo er engin að fullyrða neitt!! en þetta er leiðin til að vita sannleikan ,önnur ekki??? eða er það ekki????/Halli gamli 

Egill kærir stúlkuna

Gunnar tekur við af Arnari/////Þessu lífeyrismálum verður að breyta,og það sem fyrst!!!

Gunnar tekur við af Arnari
Viðskipti | mbl.is | 3.7.2012 | 15:43
Gunnar Baldvinsson er nýkjörinn formaður stjórnar Landssamtaka lífeyrissjóða en hann hefur átt sæti í stjórn samtakanna frá árinu 2005. Hann tók við af Arnari Sigurmundssyni sem gegnt hefur formennsku samtakanna undanfarin sex ár.

Gunnar Baldvinsson er framkvæmdastjóri Almenna lífeyrissjóðsins en því starfi hefur hann gegnt allt frá árinu 1990. Hann lauk viðskiptafræðiprófi frá HÍ árið 1985 og MBA frá University of Rochester árið 1988. Gunnar tók próf í verðbréfaviðskiptum árið 1994.

Hann hefur skrifað fjölda greina um lífeyrismál og eftirlaunasparnað og má þar nefna að hann er höfundur bókarinnar „Verðmætasta eignin“ sem kom út árið 2004 og fjallar ýtarlega um ýmsa þætti í uppbyggingu lífeyrissjóða, samkvæmt tilkynningu.////////Nú bíðum við lífeyrisþegar eftir breytingum hjá okkar lífeyrisjóðum!!rætt hefur verið um sameiningu og annað og jafnvel allir landsmenn í einn sjóð sem er þá einnig fyrir Ríki og Bæjarfélög,þetta þarf allt að ræða,það er svo að talað er einnig um að hækka aldurinn uppí 70 ár áður en taka hans hefst,þetta er  allt á umræðustigi og verður að ske,annars verður þetta engin lífeyrir ?? en eitthvað verður að gera þetta er gengið sér til húðar allt,eins má hækan töluvert,það % sem við borgum,það kemur einnig til greina,og seilega er það besta laustnin???/Halli gamli

Gunnar tekur við af Arnari

Villas-Boas ráðinn stjóri Tottenham////Vonandi að Gylfi komi svo þarna við bíðum spennt!!

Villas-Boas ráðinn stjóri Tottenham
Íþróttir | mbl.is | 3.7.2012 | 13:06
Portúgalinn André Villas-Boas hefur verið ráðinn knattspyrnustjóri enska úrvalsdeildarliðsins Tottenham og er samningur hans til þriggja ára.

„Það er með ánægju sem félagið tilkynnir að André Villas-Boas hefur verið ráðinn knattspyrnustjóri félagsins,“ segir á opinberu twitter síðu Tottenham

Villas-Boas tekur við Tottenham-liðinu af Harry Redknapp, sem á dögunum var sagt upp störfum, og kom sú ákvörðun mjög á óvart.

Tottenham verður annað Lundúnaliðið sem André Villas-Boas stýrir en hann var síðastliðið sumar ráðinn knattspyrnustjóri Chelsea. Hann gerði þriggja ára samning við Chelsea í júnímánuði 2011 en var rekinn frá störfum í mars á þessu ári.

Gylfi Þór Sigurðsson verður mjög líklega fyrsti leikmaðurinn Villas-Boas kaupir til Tottenham en búist er við því að Gylfi verði kynntur til sögunnar sem nýr leikmaður Tottenham í vikunni.//////Við bara hlökkum til að sjá Gylfa spila þarna með þessu liði ekki spurning að þarna á hann heima ,við bara bíðum spennt sem horfum á góða knattspyrnu,þó svo liðið okkar sé ekki Tottenham,Bara áfram Gylfi og vonandi fær hann að spila nóg/Halli gamli

Villas-Boas ráðinn stjóri Tottenham

Ódýrast að ferðast til Tékklands/////Þetta er athugavert mjög að skoða!!!!!!

Ódýrast að ferðast til Tékklands
Viðskipti | mbl.is | 3.7.2012 | 15:51
Ísland er áttunda dýrasta land Evrópu sé litið til helstu útgjaldaliða heimilisins samkvæmt markaðspunktum greiningardeildar Arion banka. Er Ísland 14% dýrara en meðaltal Evrópusambandsríkjanna út frá reiknuðum verðlagsmuni.

Til að reikna út verðlagsmun milli landa er gert ráð fyrir að öll ríki hafi sama kaupmátt, eða eins og greiningardeildin segir: „Fyrst er eins konar tilbúið gengi reiknað á milli landa með því að gera ráð fyrir að allar myntir hafi sama kaupmátt (þetta er kallað kaupmáttarjafnvægi mynta, PPP). Ef hamborgari kostar til dæmis 1000 krónur á Íslandi en 5 pund í Bretlandi þá ætti gengi myntanna að vera 200 krónur fyrir pundið miðað við kaupmáttarjafnvægi – borgarinn kostar það sama í báðum löndunum.“ Með þessari aðferð má sjá að Ísland er í þriðja sæti hvað varðar verð á fatnaði, áfengi og tóbaki, en í tíunda sæti með verð á matvöru.

Greiningardeildin setti einnig upp sumarleyfisvísitölu þar sem nokkrir undirflokkar eins og gisting og veitingahús fengu meira vægi en önnur matvara og tóbak fengu minna. Voru skoðaðir vinsælir áfangastaðir íslenskra flugfélaga og kom þá út að Tékkland er ódýrasta landið til að ferðast til en Noregur það dýrasta./////////Þetta er merkilegt að skoða að Norðmenn skuli vera dýrastir og Tékkar ódýrari við eigum að skoða þetta með meiri áhuga og fara þarna ,ekki spurning !!þetta munar svo miklu að það hálfa væri nóg//Halli gamli

Ódýrast að ferðast til Tékklands

Wenger mun gera allt til að halda Van Persie///Það er alveg rétt hjá Wenger að gera!!!

Wenger mun gera allt til að halda Van Persie
Íþróttir | mbl.is | 3.7.2012 | 16:39
Arsene Wenger, knattspyrnustjóri Arsenal, heitir því að gera allt sem í hans valdi stendur til að halda hollenska framherjanum og markakóngi síðustu leiktíðar, Robin van Persie, hjá félaginu. 

Persie á aðeins eitt ár eftir af samningi sínum við Arsenal og hefur ekki enn skrifað undir nýjan samning. Nú þegar hefur Juventus reynt að gera tilboð í Hollendinginn sem var hafnað.

Manchester City hefur einnig mikinn áhuga á að fá Persie í sitt lið og er tilbúið að greiða honum 200.000 pund á viku í laun.

„Við viljum halda Robin sama hvað það kostar því við reiðum okkur á hann sóknarlega. Ég hef alltaf stutt hann, líka á erfiðum tímum. Ég vona að hann endi ferilinn sinn hjá Arsenal,“ skrifar Wenger í pistli á Eurosport./////////'Eg er þarna alveg sammála Wenger þó svo hann taki nú  ekki mikið mark á mér!! en satt þarf hann þennan snilling þarna frami hjá okkur,en liðsheildin er samt númer eitt og þar þarf Wenger að skoða vel og velja einnig varnarmenn góða ,hann er að fá markmann og svo fleiri varnarmenn,þá erum við góðir og vinnum næsta úrvaldeildina!,Áfram ARSENAL!!/Halli gamli

Wenger mun gera allt til að halda Van Persie

Íslenskar kartöflur í búðir á morgun/það er gott því íslenskar kartöflur eru bestar!!!

Íslenskar kartöflur í búðir á morgun
Innlent | mbl.is | 3.7.2012 | 16:39
„Kartöflurnar sem koma í búðir á morgun verða teknar upp í kvöld og nótt, svo þær ættu að geta verið mjög ferskar,“ segir Kristján Gestsson í Forsæti IV, sem hefur ræktað kartöflur í rúma fjóra áratugi.
Fyrstu verða komnar um hádegið á morgun, þetta hefur gengið vel, bæði verið þokkalegur raki og sólríkt,“ segir Birkir Ármannsson á Brekku í Þykkvabænum. Þau rækta mest af Gullauga og segir Birkir að margir spyrjist fyrir um kartöflurnar og að fólk bíði spennt eftir því að fá þær í búðir. Það er tegundin Premiere sem kemur þó fyrst á markað en Gullauga og Rauðar íslenskar koma eftir hálfan mánuð.

„Þetta hefur gengið ágætlega, það hefði þó mátt rigna meira, en að öðru leyti gengið vel,“ segir Kristján Gestsson í Forsæti IV. Kristján og Anna Guðbergsdóttir hafa ræktað kartöflur í yfir 40 ár.

„Kartöflurnar sem koma í búðir á morgun verða teknar upp í kvöld og nótt, svo þær ættu að geta verið mjög ferskar,“ segir Kristján. Bæði Birkir og Kristján eru fyrstu bændurnir til að senda frá sér nokkuð mikið magn af nýjum íslenskum kartöflum þetta árið./////////Allt sem er íslenskast er oftast gott og einnig bæði kjöt og kartöflur enda sparar það gjaldeyrir og veitir okkur vinnu við ræktun ,við eigum að geta ræktað allt grænmeti sjálf nógur er hítin og rafmangnið ver svo að tala um að selja það utan í strengjum,út til Bretland,þetta er ekki í lagi einnig er þá komin á okkur kvöð að selja á sama veði innanlands að mínu áliti vegna EES eða svo!!!Nei við skulum bara nota þetta rafmang okkar innanlands!!!!!/Halli gamli

 

Íslenskar kartöflur í búðir á morgun