Ótrúleg endurkoma hjá Arsenal í 12 marka leik//sá ekki leikin,en þetta frábært!!!

Ótrúleg endurkoma hjá Arsenal í 12 marka leik Íþróttir | mbl.is | 30.10.2012 | 22:24 Arsenal tryggði sér í kvöld á hreint ótrúlegan hátt sæti í 8-liða úrslitum ensku deildabikarkeppninnar í knattspyrnu þegar liðið lagði Reading á útivelli, 7:5.

Arsenal byrjaði leikinn hörmulega og var lent undir, 4:0, eftir 37 mínútur. Jason Roberts, Mikele Leighterwood og Noel Hunt skoruðu fyrir Reading auk þess sem Laurent Koscielny setti boltann í eigið net.

Theo Walcott minnkaði muninn rétt fyrir lok hálfleiks og Oliver Giroud og Laurent Koscielny skoruðu svo á 64. og 89. mínútu.

Það var svo Theo Walcott sem tryggði Arsenal framlengingu með því að skora jöfnunarmarkið, 4:4, á sjöttu mínútu í uppbótartíma

. Í framlengingunni kom Marouane Chamakh Arsenal yfir en Rússinn Pavel Pogrebnyak jafnaði metin, 5:5.

Það var síðan á lokamínútum framlengingarinnar sem Walcott og Chamakh innsigluðu sigur Arsenal með tveimur mörkum í leik sem lengi verður í minnum hafður.////////////Þetta var fjör er manni sagt,ég sá því miður ekki leikin,en vonandi sé hann seinna!!þetta sýnir að engin er unnin fyrr en leikurinn endar!!,við segjum bara áfram Arsenal!!!/Halli gamli

Ótrúleg endurkoma hjá Arsenal í 12 marka leik

Kerfið vaxið á kostnað borgarbúa///já af hverju eigum við Borgararnir ekki að njóta þessa???

Kerfið vaxið á kostnað borgarbúa Innlent | mbl.is | 30.10.2012 | 18:08 Reykjavíkurborg fær 32% meira í skatt

frá íbúum 2013 en árið 2010. Skatttekjur voru 50 milljarðar 2010 en eru áætlaðar 66,2 milljarðar 2013
. Þetta segir í yfirlýsingu frá borgarstjórnarflokki Sjálfstæðisflokksins í Reykjavík, sem gagnrýnir nýja fjárhagsáætlun borgarinnar. sem kynnt var í dag.

Sjálfstæðismenn segja að kerfið hafi þanist út um 30% á kostnað borgarbúa í meirihlutatíð Besta flokksins og Samfylkingarinnar.

Lítið sem ekkert hafi verið hagrætt í kerfinu en kostnaður þvert á móti aukinn. Ekkert bóli á því átaki í hagræðingu sem meirihlutinn ætlaði í við upphafi kjörtímabilsins.

„Hinsvegar hefur meirihlutinn fundið ný verkefni og hlaðið utan á kerfið þannig að það vex frá ári til árs og kostnaður eykst,“ segir í yfirlýsingu borgarstjórnarflokks Sjálfstæðisflokksins.

Að mati Sjálfstæðismanna væri það skynsamlegra, sanngjarnara og farsælla að nýta það svigrúm sem til staðar er til að hagræða í kerfinu

. „Þannig á borgarstjórn Reykjavíkur ekki að nýta auknar skatttekjur til að þenja út eigið kerfi heldur til að lækka álögur á heimilin í borginni,“ segir í yfirlýsingunni.

Yfirlýsing Sjálfstæðismanna vegna fjárhagsáætlunar Reykjavíkurborgar 2013

//////////////////Það er nátturlega alveg forkastanlegt,að í þessu kreppuástandi skulum við ekki njóta þessa að lækka á okkur útsvarið,við eigum þessa peninga!!!Hanna Birna er þarna með þetta!!! og við bara eigum að taka þetta að okkur öll að standa saman,ekki veitir okkur sem mynna megum okkar af!!!,þetta mætti vera tékjutengt!! lofa þeim sem betra hafaða að borga meira!!!en hvað varðar Dag og Jón Gnarr og c/o eru þeir allir verleikafyrtir,við skulum muna þetta næstu kosningar í vor og þar næsta vor!!!/Halli gamli 

Kerfið vaxið á kostnað borgarbúa

Gert ráð fyrir 7,6 milljarða afgangi///Uppgángur eins og hjá Ríkisstjórn??????

Gert ráð fyrir 7,6 milljarða afgangi Innlent | mbl.is | 30.10.2012 | 13:35 Gert er ráð fyrir 7,6 milljarða afgangi afsamstæðureikningi Reykjavíkurborgar á árinu 2013 samkvæmt fjárhagsáætlun sem kynnt var á blaðamannafundi í dag.

Þar af er gert ráð fyrir að A-hluti reksturs borgarinnar skili 329 milljón króna afgangi á næsta ári. Reykjavíkurborg hyggst verja tæpum sjö milljörðum til fjárfestinga á árinu en meðal stórra verkefna sem fyrirhugað er að fara í á árinu 2013 eru til a mynda gagngerar endubætur á Hverfisgötu sem hefjast á því ári.

Ennfremur er gert ráð fyrir að miðað við óbreytt ástand muni fjárframlög til fjárhagsaðstoðar í Reykjavík hækka um rúman milljarð króna.

Rúmur helmingur útgjalda aðalsjóðs borgarinnar fer til skóla- og frístundamála. mbl.is/Reykjavíkurborg Samkvæmt fimm ára áætlun Reykjavíkurborgar er gert ráð fyrir mikilli niðurgreiðslu skulda og skiptir þar miklu máli að aðgerðaáætlun fyrir Orkuveitu Reykjavíkur hafi gengið eftir.

Gert er ráð fyrir að afkoma samstæðunnar batni um 5,6 milljarða króna fram til 2017 og jákvæð afkoma verði allt tímabilið. Þá er stefnt að því að skuldir og skuldbindingar dragist saman um 51,4 milljarða króna og nema 249 milljörðum við lok tímabilsins.

Samhliða því er gert ráð fyrir að eiginfjárhlutfall samstæðunnar batni verulega og verði rúmlega 194 milljarðar 2017.

Jón Gnarr, borgarstjóri, sagðist á fundinum mjög ánægður með fjárhagsáætlunina og hvernig til hefði tekist í fjármálum borgarinnar á kjörtímabilinu. Unnið hefði verið að því að koma á stöðugleika í rekstri hennar og greiða niður skuldir og það hefði tekist.

„Ég get ekki betur séð en að það sé bjart framundan hjá Reykjavík.

////////////Við auðvitað !!eigum að trúa þessu er það ekki,ekki gerir hann ég það,það er svo að þetta fólk stjórnar bæði Ríki og Borg,og er það trúlegar meða Borgina heldur en í landsmálunum,að allt sé  á uppleið??nei als ekki,af hverju þá ekki að lækka útsvarið eins og Steltjarnarnes og fl. eru að gera,nei þeir hækka bara fasteignagjaldið og Drulluskattinn sem átti bara að vera meðan Dælustöðvarnar voru byggðar,eða svo sagði Ingibjörg Sólrún!!! þessi áróður segir sig bara sjálfur ættli fókið finni það ekki sjálft á pyngjunni,við sem erum í þessum kröggum vitum það,hinir fá sennilega afslátt ein og gengur er það ekki!!!!/Halli gamli

Gert ráð fyrir 7,6 milljarða afgangi

Gætu leyst út tugi milljarða í arð////Stoppum þetta af með lögum,og gerum upp,við lántakendur fyrst!!!!

Gætu leyst út tugi milljarða í arð Viðskipti | Morgunblaðið | 30.10.2012 | 5:30 Takist slitastjórnum þrotabúa Kaupþings og Glitnis að klára nauðasamninga með þeim hætti sem stefnt er að, með því að gefa út ný verðbréf í erlendri mynt, gætu hinir erlendu eigendur greitt sér út í kjölfarið um 78 milljarða króna arð úr Arion banka og Íslandsbanka.

Bankarnir myndu eftir sem áður uppfylla kröfu FME um 16% eiginfjárhlutfall. Sú staðreynd að hlutfall erlendra krafna í þrotabú Glitnis og Kaupþings er hærra en áður var talið – 93% í stað 80% – þýðir að eignarhlutur kröfuhafa í Arion og Íslandsbanka verður í enn meira mæli í eigu erlendra aðila.

Viðmælendur Morgunblaðsins segja hagsmuni vogunarsjóða vera þá að greiða sér út arð fremur en að selja eignarhluti sína.

Í fréttaskýringu um þetta mál í Morgunblaðinu í dag kemur fram, að það sé mikill þrýstingur af hálfu vogunarsjóða að bankarnir greiði út arð til eigenda um leið og tækifæri gefst til.

Ljóst þykir að arðgreiðslur upp á tugi milljarða, sem þyrfti að skipta í gjaldeyri, myndu setja mikinn þrýsting á gengi krónunnar.///////Er ekki bara hægt að setja Íslensk lög til að festa þetta fé,þar til búið er að leirétta láninn??Maður bara spyr í einfeldni sinni!!það gengur ekki að við seljum þetta á 35% og borgum svo það margfalt,til þessara braskara!!!Eða hvað????/Halli gamli

Gætu leyst út tugi milljarða í arð

Sandy telst nú hvirfilbylur/Ekki var á það bætandi,þetta er sæmt allt saman mjög!!!

Sandy telst nú hvirfilbylur Erlent | AFP | 29.10.2012 | 23:31 Neyðarástandi hefur verið lýst yfir í Vestur-Virginíuríki í Bandaríkjunum vegna fellibylsins Sandy, sem reyndar hefur verið endurskilgreindur og telst nú vera hvirfilbylur.

Búist er við mikilli snjókomu og snjóbyl í kjölfar Sandy. Nokkuð hefur dregið úr vindhraðanum, sem mældist tæplega 137 kílómetrar á klukkustund eða 38 metrum á sekúndu um klukkan 23 að íslenskum tíma.

Neyðarástandið nær til allra 55 sýslna í ríkinu, en áður hafði verið varað við snjóbyl í 14 þeirra. Snjókoman orsakast af því þegar raki sem fylgir hvirfilbylnum mætir köldum loftstraumum úr vestri.

Áhrifa Sandy er nú farið að gæta víða á austurströndinni; óveðrið fellir tré sem draga rafmagnslínur með sér í fallinu og við það verða milljónir heimila rafmagnslaus. Sjór fyllir sjö göng neðanjarðarlestakerfisins í New York í kjölfar þess að fellibylurinn Sandy lét til sín taka á svæðinu í nótt. Sex skemmur fyrir strætisvagna eru fullar af vatni.

Talsmaður almenningssamganga í borginni segir ástandið aldrei hafa verið jafn slæmt í sögunni. Hér má sjá kort sem sýnir hvar Sandy er og hvert hann stefnir.

Sjá einnig ítarlega frétt mbl.is: Glymjandi hrannir gengu á land. „Neðanjarðarlestakerfið í New York er 108 ára gamalt en það hefur aldrei orðið fyrir hamförum sem þessum,“ segir Joseph Lhota, stjórnarformaður Metropolitan Transportation Authority (MTA).

Í New York er ástandið einna verst á Manhattan. Um hálf milljón heimila og fyrirtækja eru nú án rafmagns. Veðurofsinn sem fylgir Sandy hefur myrkvað New York.

Fólk er áhyggjufullt og sumir skelfingu lostnir. Rafmagnslaust er á Manhattan og í fjármálahverfinu Wall Street. Enn er óljóst hvenær hægt verður að koma rafmagni aftur á. Mittisdjúpt vatn er á mörgum götum Manhattan. Fáir eru á ferli.

Í fjarska heyrist sírenuvæl en annars er undarlega hljótt. Einu ljósin sem sjást eru kertalogar í gluggum húsanna og blikkandi ljósin á bílum lögreglunnar. „Þetta er hræðilegt.

Það eru engin ljós á götunum og ekkert fólk,“ segir Ilona, 22 ára gamall nemi frá Rússlandi er hún lítur yfir flóðið á götunum. Ekki einu sinni umferðarljósin loga.

Yfirvöldum tókst að opna George Washington-brúna svo að fólk gæti komist til New Jersey. Örvæntingarfullir verslunar- og fyrirtækjaeigendur athuga skemmdir og vona það besta.

Kona sem rekur föndurbúð þakkar fyrir að ekkert vatn hefur komst inn í verslunina - ekki einu sinni kjallarann. Sandy fylgir mikil úrkoma og East River flæddi yfir bakka sína. Vatnið fór inn í göng neðanjarðarlestarkerfisins.

Talið er víst að samgöngur muni ekki komast í samt horf á næstu dögum. Einhverra hluta vegna fór rafmagnið ekki af Goldman Sachs bankanum þó að öll hús í nágrenninu séu myrkvuð. Á götum og gangstéttum við bankann flæðir vatn.

Sorp er í flóðvatninu á nokkrum stöðum en byrjað er að hreinsa til. Björgunarsveitarmenn hafa þurft að fara til Staten Island og Coney Island til að sækja fólk sem hlýddi ekki fyrirmælum um að yfirgefa hús sín. Vatnið nær upp undir rjáfur á sumum húsanna.

Lögreglan óskaði eftir því að fá báta til að sinna björgunarstörfum á þeim svæðum sem verst hafa orðið úti í flóðunum. Augljóst er að skemmdir eru víða í borginni

. „Ég óttast um líf fólks,“ segir borgarfulltrúinn Vincent Ignizio. Að minnsta kosti einn maður hefur látist í borginni er tré féll á hann. Talið er að 13 manns hafi látist vegna fellibylsins á austurströnd Bandaríkjanna síðustu klukkustundir./////////Þetta er fauta veður og ekki það sem maðuur átti von á að færi að snjóa einnig,þetta mun setja allt á annan endann þarna í 55 Síslum!! ef fer sem horfir,og verður erfitt mjög!!!!!!/Halli gamli

Búist við snjókomu í kjölfar Sandy

Hvasst og ofankoma á Norðurlandi//Þetta er ekkert grín krakkar,ferðaveður slæmt mjög!!!

Hvasst og ofankoma á Norðurlandi Innlent | mbl.is | 30.10.2012 | 6:05 Í dag mun vindur ganga í allhvassa eða hvassa norðanátt með ofankomu fyrir norðan

. Ekki er búist við úrkomu að neinu ráði á sunnanverðu landinu, en þar má búast við snörpum vindstrengjum við fjöll.

Í dag mun vindur ganga í allhvassa eða hvassa norðanátt með ofankomu fyrir norðan.

Ekki er búist við úrkomu að neinu ráði á sunnanverðu landinu, en þar má búast við snörpum vindstrengjum við fjöll, að því er fram kemur á vef Veðurstofunnar. Útlit er fyrir enn hvassari vind á fimmtudag og föstudag.

Þess er ekki að vænta að veður batni að ráði fyrr en á laugardag eða jafnvel sunnudag. Næstu klukkustundir er spáð norðan 5-13 m/s og þurru veðri, en slyddu á Suðausturlandi og stöku éljum norðanlands.

Færist í norðan 13-20 m/s eftir hádegi og snjókomu norðantil á landinu. Úrkomulaust að mestu sunnantil, en snarpir vindstrengir við fjöll. Frost 0 til 5 stig þegar kemur fram á daginn, en frostlaust með S-ströndinni./////////Góðan dag gott fólk!!Það er ekki góð veðurspáin !!!og okkar ber að fara eftir þvi og vera ekki á ferð nema nauðsin krefji,og bændur komi bara fénaði i hús!!og við tökum allt sem getur fokið,og sennilega mikið ófærð Vestan Norðan og Austan!!!! Við tökum mark í þessu öll lítil og Stór!!!/Halli gamli

Hvasst og ofankoma á Norðurlandi

Frétt af mbl.is Segja Steingrím hóta útgerðinn//hverjum hótar hann ekki???

Segja Steingrím hóta útgerðinni Innlent | mbl.is | 29.10.2012 | 23:50 „Þetta held ég að útvegsmenn ættu nú svona í gegnum tárin að rýna aðeins í,“ sagði Steingrímur J. Sigfússon atvinnuvegaráðherra á aðalfundi LÍÚ á fimmtudaginn var.

Steingrímur sagði valið standa milli veiðigjalda eða útboðs á nýtingarrétti á afla. Útgerðarmenn telja þetta hótun gegn útgerðinni

. „Ég ætla örlítið að nefna og snúa mér aðeins að auðlindaákvæði í kosningunum á laugardaginn var og frumvörpunum um sjávarútveginn.

Þessi spurning var borin undir þjóðina og útkoman var svona: Áttatíu og tvö og hálft prósent af þeim sem afstöðu tóku svöruðu þeirri spurningu játandi að inni í stjórnarskrá yrðu náttúruauðlindir sem ekki væru í einkaeigu lýstar þjóðareign ... Þetta er í fullu samræmi við fyrstu grein laga í frumvarpi sem lagt var fram í fyrra um að fiskistofnarnir við Ísland væru ævarandi sameign þjóðarinnar og þar með væri það ríkið fyrir hennar hönd sem ráðstafaði henni með tilteknum hætti. Þetta tók mið af tillögum stjórnlagaráðsins eins og þær stóðu á árinu 2011 og rekur sig allt aftur til skýrslu auðlindanefndar á árinu 2000.

Þar var niðurstaðan í stórri nefnd með aðild útvegsmanna að í raun þyrfti að skilgreina einhvers konar nýtt form eignarréttar eða sameignar sem væri einhvers konar þjóðareignarréttur...

Tillaga stjórnlagaráðs eins og hún liggur fyrir í drögum að frumvarpi er hins vegar svona, þ.e.a.s. þetta eru fyrsta og fjórða málgreinin í tillögum stjórnlagaráðs sem varðar þetta viðfangsefni, að auðlindir í náttúru Íslands sem ekki séu í einkaeigu séu sameiginleg og ævarandi eign þjóðarinnar.

Enginn geti fengið auðlindirnar eða réttindi í þeim til varanlegra afnota eða veðsett þær ... Fjórða málsgreinin er kannski ekki síður umfjöllunarefni fyrir ykkur og okkur öll.

En þar stendur: Stjórnvöld geta á grundvelli laga veitt leyfi til afnota eða hagnýtingar auðlinda eða annarra takmarkaðra almannagæða, gegn fullu gjaldi og til tiltekins hóflegs tíma í senn. Svona er þetta orðið í þessum drögum sem Alþingi fær til nú að vinna með og klára upp úr frumvarpinu. Þetta er önnur nálgun en sú sem var í frumvarpinu til laga um stjórn fiskveiða sem var lagt fram í fyrravor og í lögum um veiðigjöld.

Ég vek athygli ykkar á þeim mun af því að þar teljið þið vera um mikinn vágest að ræða.“ Hvað er fullt gjald? Steingrímur sagði valið standa milli tveggja kosta, veiðigjalda eða útboðs á nýtingarrétti á afla í samræmi við tillögur stjórnlagaráðs. „En áttum okkur aðeins á skilgreiningunum sem hér eru undir. Hvað er verið að tala um? Skilgreiningu á svonefndri auðlindarentu og eðlilegan hlut þjóðarinnar í henni á góðum tímum.

Hvort viljið þið heldur? Það sem er boðið upp á í þessum frumvörpum eða orðalag í stjórnarskrá af þessu tagi, að það megi aldrei afhenda þessi réttindi á neinn hátt nema gegn fullu gjaldi. Hvað er fullt gjald? Hvernig finna menn það út? Er það með svona nálgun, með því að skoða fjármunamyndunina og viðbótarfjármunamyndunina í góðum árum og taka hlutdeild af henni til þjóðarinnar, eða er það með því að láta markaðinn ráða. Munu ekki margir hafa tilhneigingu til þss að segja að það er markaðurinn einn sem getur skorið úr um það hvað er fullt verð. Jú, það verða örugglega einhverjir til þess. Og hvað þýðir það? Jú, væntanlega uppboð á öllum réttindunum. Þetta held ég að útvegsmenn ættu nú svona í gegnum tárin að rýna aðeins í. Hvort er betri nálgun, frumvarpið sem liggur fyrir og lögin um veiðigjöld fela í sér eða kannski þessi hugsun?“

Auðlindarentan besta leiðin „Ég held því enn fram að auðlindarentunálgunin sé sú besta. Hún sé eðlileg. Hún sé hugmyndafræðilega vel ígrunduð að því tilskyldu að við séum sammála um að um aðgang að sameiginlegri auðlind sé að ræða. Þá eru bara eftir átökin um það hvað er eðlileg hlutdeild. Hvenær leyfir afkoman að tekið sé af henni til eigandans, þjóðarinnar, og í hve miklum mæli. Það er eitthvað sem á að vera hægt að nálgast með rökum, rökræðum, með vinnu, með skoðun, með deilum og það er það sem veiðigjaldanefndinni er ætlað að gera. Nákvæmlega. Hún hefur frumkvæðisskyldu í þeim efnum. Henni ber að gera stjórnvöldum viðvart og senda þeim tillögur ef hún kemst að þeirri niðurstöðu að það þurfi að gera leiðréttingar eða breytingar,“ sagði Steingrímur og vék að veiðigjaldanefndinni. Engir já-menn í veiðigjaldanefndinni

„Ég vona að menn séu sæmilega sáttir við skipan nefndarinnar og hvernig hún var mönnuð. Þar voru ekki tíndir upp einhverjir þrír já-menn stjórnarflokkanna, heldur þvert á móti aðilar sem höfðu gagnrýnt stjórnvöld, jafnvel fyrir að fara offari í þessum efnum, eins og Daði Már Kristófersson. Vonandi treysta menn sæmilega fyrrverandi fjármálastjóra HB Granda og sömuleiðis Arndísi Á. Steinþórsdóttur eftir langa veru hennar í sjávarútvegsráðuneytinu sem forystumanneskju á þessu sviði,” sagði Steingrímur.

Dulbúin hótun ráðherrans Eiríkur Tómasson, framkvæmdastjóri Þorbjarnar ehf. í Grindavík, túlkaði ræðu Steingríms sem hótun í garð útgerðarinnar, líkt og Adolf Guðmundsson, formaður LÍÚ, gerir einnig í samtali við Morgunblaðið í dag, þriðjudag. „Þetta er eignaupptaka. Stærstur hluti hagnaðarins er tekinn út úr rekstrinum.

Stjórnvöld miða við framlegðina eins og hún er áætluð 2011 og er það albesta sem hefur sést. Ef við skoðum meðaltal síðustu fimm ára er verið að gera upptækt megnið af hagnaðinum í sjávarútvegi og það eru engir peningar eftir til að viðhalda framleiðslutækjunum, skipum og búnaði.

Þetta er ekkert annað en þjóðnýting. Til hvers eiga menn að vera í atvinnugrein sem ekkert gefur af sér og getur ekki endurnýjað sig? Þegar Steingrímur vék að auðlindaákvæðinu var það hótun um eignaupptöku

. Ég tók þetta allt sem hótanir hjá honum. Í mínum huga er þetta þannig að það á að eyðileggja þessa atvinnugrein.“//////////////Hvernig ber að taka þetta öðru vísi en hótun,það er ekkert annað,aðferðir hans mynna á bara einræði og ekkert annað,ljótt  að segja,en satt en ekki logið///Halli gamli

Segja Steingrím hóta útgerðinni