Afþakkar pólitískan hræðsluáróður/ er það póltískur áróður að vilja spara

Afþakkar pólitískan hræðsluáróður Innlent | mbl.is | 23.3.2012 | 20:44 Björn Zoëga, forstjóri Landspítalans, segist vonast til þess að umræðan um nýjan Landspítala verði umræða um útlit og innihald í endurnýjuðu húsnæði en ekki hræðsluáróður með gömlum, pólitískum frösum. Þetta kemur fram í föstudagspistli forstjórans. „Enn einn áfangi í áttina að endurnýjun húsnæðis okkar náðist þegar 

skipulagsráð Reykjavíkur ákvað að setja af stað kynningu á deiliskipulagstillögunni, eftir margra mánaða umfjöllun innan ráðsins. Það er óskandi að sem flestir kynni sér þetta mál og skoði á faglegum grunni. Nú ættum við að fara að beina umræðunni að þeirri starfsemi sem fyrirhugað er að hafa í nýju byggingunni. Ekki veitir af endurnýjuninni, sjúklinganna vegna, öryggis sjúklinganna vegna og vegna framþróunar á starfsemi. Það húsnæði sem spítalinn rekur starfsemi sína í dag er dreift og algjörlega ófullnægjandi fyrir sjúklinga og starfsfólk, hvort sem litið er til dagsins í dag eða til framtíðar,“ skrifar Björn.///////Mikið er þetta skrítið af yfirlæknir að segja svona,er það nokkuð ljótt í henni pólitík að vilja fara vel með eins og honum er gert i dag,nei það er ekki hægt að tala um 30-40 milljarða verkefni án þessa að tala um það og vinna eftir því sem meirihlutinn vill þarna og það er einfaldlega ekki þessi staður als ekki,heldur nóg pláss til annarstaðar þar sem hægt er að byggja uppá 18-20 hæðir og er mikið ódyrara, ekki spurning,að hafa bara það sem Hásksólaborgarar segja er ekki betra en hja´okkur sem keyrum alla daga um Borgina okkar,þetta ber að skoða mikið betur//Halli gamli

Afþakkar pólitískan hræðsluáróður

Kosning hafin í vígslubiskupskjöri////Höfum ekkert með Vígslubiskup að gera!!!!

Kosning hafin í vígslubiskupskjöri Innlent | mbl.is | 28.3.2011 | 17:27 Kosning til embættis vígslubiskups í Skálholti hófst í dag og lýkur föstudaginn 8. apríl. Gert er ráð fyrir að talið verði miðvikudaginn 13. apríl og að niðurstöður liggi fyrir samdægurs. Fimm prestar eru tilnefndir í kjörinu. Á kjörskrá eru 151, bæði prestar og leikmenn. Réttkjörinn vígslubiskup er sá, sem fær meirihluta greiddra atkvæða. Ef enginn fær þann  atkvæðafjölda er kosið að nýju milli þeirra tveggja sem fengu flest atkvæði. Ef kemur til annarrar umferðar í vígslubiskupskjörinu er gert ráð fyrir að niðurstöður liggi fyrir í lok apríl. Fimm prestar eru tilnefndir í kjörinu: sr. Agnes M. Sigurðardóttir, sr. Jón Dalbú Hróbjartsson, sr. Karl V. Matthíasson, sr. Kristján Valur Ingólfsson og sr. Sigrún Óskars////þarna er eitt dæmið sem má spara þarna í okkar kirkjustarfi,Einn Biskup kemst alveg yfir þetta og vel það,við bara vikjum algjöran aðskilnað Ríkis og Kirkju- Amen/Halli gamli

Kosning hafin í vígslubiskupskjöri

Systir Guðrúnar svarar Bryndísi Schram//Það er hárrétt að málið er alvarlegt!!!

Systir Guðrúnar svarar Bryndísi Schram Innlent | mbl.is | 23.3.2012 | 0:58 Halla Harðardóttir, systir Guðrúnar Harðardóttur sem fékk klámfengin bréf frá Jóni Baldvini Hannibalssyni þegar hún var táningur, svarar Bryndísi Schram í aðsendri grein í Fréttatímanum. Halla segir að auðvelt sé að biðjast fyrirgefningar en til að fyrirgefa þurfi sá seki að viðurkenna brot sín. Systir Guðrúnar svarar Bryndísi Schram

 Halla segir að þetta mál hafi plagað systur sína í mörg ár og að um árabil hafi bæði fólk úti í bæ og blaðamenn sótt að henni og fjölskyldunni til að biðja um upplýsingar um málið. Nú hafi henni fundist tími til að segja frá staðreyndum málsins. Viðtalið í Nýju lífi snúist ekki um „meint kynferðisbrot“ heldur um haldbærar staðreyndir og hegðun Jóns Baldvins sem opinbers embættismanns. örkin dregin við kynþroskaaldurinn? Bryndís Schram og Jón Baldvin Hannibalsson. Golli / Kjartan Þorbjörnsson Um viðbrögð Bryndísar Schram segir Halla að hún skilji að erfitt sé að hlusta á ásakanir í garð eiginmanns síns. „Það vekur athygli mína að það skuli „svíða sárt“ þegar 10 ára barn á í hlut, líkt og þú [Bryndís] nefnir í grein þinni í Fréttatímanum, en að það skuli vekja „afbrýðisemi og undrun“ þegar Guðrún var komin á kynþroskaaldurinn, eins og þú kallar upplifun þína í DV,“ segir Halla. Af þessu megi ráða að þau hjónin dragi einhvers konar siðalínu við kynþroskaalduinn. „Það virðist því vera nokkurn veginn í lagi, þótt það kallist dómgreindarbrestur, að girnast stelpur með brjóst en alls ekki í lagi að girnast stelpur sem eru að byrja að fá brjóst,“ segir í grein Höllu. Hún minnir á að kynferðisleg áreitni byggist á upplifun þolanda, ekki geranda, eiginkonu hans eða annarra. Halla segir út í hött að setja atvikin upp sem einhvers konar tepruskap af hálfu systur sinnar. Ekkert pólitískt samsæri Halla segir að auðvelt sé að biðjast fyrirgefningar og auðvelt sé líka að gefa hana. „En til að fyrirgefa þarf sá seki að viðurkenna brot sín, sem hefur ekki gerst í þessu tilfelli. Sá seki hefur alltaf borið fyrir sig ölæði og dómgreindarbrest en gleymir því að hann póstlagði bréfin allsgáður.“ Það er þreytandi til lengdar, segir Halla, að þurfa að sverja af sér lygar og geðveiki. Þess vegna hafi Guðrún viljað setja staðreyndirnar fram, til að fá uppreisn æru. Flóknara sé málið ekki. „Það er einfaldlega ekki hægt að smíða neina samsæriskenningu um þetta mál. Fyrst átti þetta allt saman að vera pólitískt samsæri, runnið undan rifjum kvenna úr gamla Kvennalistanum, og svo síðar sprottið úr „fjölskylduharmleik“. Að ýja að því að annað fólk sé að fylla hausinn á Guðrúnu af órum og neikvæðum áróðri til þess eins að klekkja á ykkur hjónum jaðrar að mínu mati við einhvers konar mikilmennskubrjálæði eða ofsóknaræði.“////////Engin vill að svona fjölskildumál komi í umfjöllum almens fólks,en þegar svona er komið er það óhjákvæmilegt,opinber starfsmaður á í hlut og þetta er bara orðið  opinbert sakamála að manni finnst,sem er auðvitað leiðinlegt en sanngjarnt stúlkunnar veggna,maður  er ekki að taka beint aftöðu þarna, en samt ransóknar þörf,ekki spurning,fyrst svona sættir ekki nást/Halli gamli

Systir Guðrúnar svarar Bryndísi Schram

Guðni Ágústsson: Nú þykir mér týra á tíkarskarinu, á Alþingi/satt hjá Guðna öllu bylt!!!!!

Guðni Ágústsson: „Nú þykir mér týra á tíkarskarinu,“ á Alþingi Innlent | Morgunblaðið | 23.3.2012 | 8:08 Guðni Ágústsson skrifar grein í Morgunblaðið í dag þar sem hann gagnrýnir orðræðu á Alþingi. Hann segir að mikið hafi verið hrært í þingsköpum Alþingis síðustu ár og þau verði sífellt flóknari. og öllum erfiðari eftir því sem þeim er meira breytt með orðaflækjum. „Forseti Alþingis hefur þann nýja sið að djöflast á þingbjöllunni og reynir að hamra flóknar reglur sem enginn þingmaður nær að skilja eða nema þrátt fyrir löng námskeið í upphafi þingmennskunnar,“ skrifar Guðni. „Þetta þvarg setur ljótan blett á störf þingsins og er eyðilegging á ræðum þingmanna og virðingu Alþingis.“ Þá spyr Guðni hvort ekki sé rétt að einfalda reglurnar, minnka formleg heitin um hæstvirtan og háttvirtan og opna nefndirnar þannig að starf þeirra fari jafnvel fram í heyrandi hljóði. „Ellegar að banna tölvurnar og gemsann og þá fésbókina í leiðinni inni á fundunum og loka herlegheitunum.“ Grein Guðna má lesa í heild í Morgunblaðinu í dag.

 

Áskrifendur geta lesið greinina hérNú þykir mér tíra á tíkarskarinu,“ á Alþingi Eftir Guðna Hið nýja Alþingi kemur mér sífellt meira og meira á óvart. Ekki af því að það hvarfli að mér að þar sitji eitthvað öðruvísi fólk eða ver gefið en áður var. Ég býst við að greindarstigið sé svipað og að þingmennirnir vilji verða að gagni og ná árangri. Þeir eru alls ekki verri ræðumenn en þar hafa setið og margir nokkuð góðir. En Alþingi er ekki sá hornsteinn í umræðu og vinnubrögðum sem það á að vera. Enn er það hjáleiga ríkisstjórnarinnar og ber þess merki að margt gengur á afturfótunum á þeim bæ. Ætla ég þó alls ekki að halda því fram að ríkisstjórnin hafi ekki náð að vinna úr mörgum erfiðum verkefnum eftir hrun, það hefur vissulega tekist.

Það tókst einnig hinum sakfelda Geir H. Haarde, fyrrverandi forsætisráðherra, með neyðarlögunum haustið 2008. Neyðarlögin voru sett til að höggva skuldir óreiðumanna og einkabanka frá bryggju Íslands. Þar átti sér stað björgunaraðgerð sem skipti öllu máli þá og um alla framtíð og flestir þingmenn studdu. Líklega losuðum við Íslendinga við átta til tíu þúsund milljarða í þessari lagasetningu einni. Alþingi nær hinsvegar ekki sjálfstæði sínu og virðingu nema að taka ákvörðun um að sækja þau völd sem þingið á að hafa og styrkja Alþingi á kostnað framkvæmdavaldsins, ríkisstjórnar og ráðuneyta. Þar á ég við faglega lögfræðilega og skipulega. „Æi, þegiðu“ og ,,forsetaræfillinn“ Alþingi starfar fyrir opnum tjöldum í málstofunni og allir geta fylgst með orðræðunni sem þar fer fram. Hinsvegar er mikið talað um að opna allt og gefa fólki kost á að vera upplýst jafnóðum, þar fara stjórnarliðar oft fyrir liði. Mikið hefur verið hrært í þingsköpum Alþingis síðustu ár og þau verða flóknari og flóknari og öllum erfiðari eftir því sem þeim er meira breytt með orðaflækjum.

Forseti Alþingis hefur þann nýja sið að djöflast á þingbjöllunni og reynir að hamra flóknar reglur sem enginn þingmaður nær að skilja eða nema þrátt fyrir löng námskeið í upphafi þingmennskunnar. Þetta þvarg setur ljótan blett á störf þingsins og er eyðilegging á ræðum þingmanna og virðingu Alþingis. Við hlið forsetans situr jafnan embættismaður oftast skrifstofustjórinn sjálfur sem stöðugt áminnir forsetann að leiðrétta þingmanninn og kenna honum rétta siði. Bjallan glymur og glymur.

En svo þegar kemur að ljótu orðbragði þá heyrir forsetinn ekkert og vítir ekki dólgslega framgöngu eins og dæmin sanna sem eru vissulega brot á þingsköpum. Einn þingmaður sagði nýlega í ræðu ,,forsetaræfillinn.“ Sá var að tala um forseta Íslands, þá voru engar vítur. Forsetinn er að vísu ekki vinsæll í stjórnarliðinu eftir að hafa skapað einn þjóðarvilja gegn Icesave. Voru það ekki 98% þeirra rúmlega 70% atkvæðisbærra manna sem tóku þátt í fyrstu þjóðaratkvæðagreiðslunni um það undarlega mál og höfnuðu samningi ríkisstjórnarinnar við Bretana og Hollendingana? Ísland væri trúlega gjaldþrota hefði sá ósanngjarni skuldabaggi verið samþykktur. Ráðherra sagði á dögunum ,,æi, þegiðu,“ við annan þingmann engar vítur áttu sér stað. Allt þetta hefur að vísu gerst í þingsögunni áður eins og orðin ,,skítlegteðli,“ „gunga og drusla“ og „þegiðu Vilhjálmur,“ bera með sér og eru oft rifjuð upp. Ég minnist þess að þingmaður sagði við mig einhverju sinni „æi, þegiðu Guðni“, við drukkum að vísu kaffi saman á eftir og jöfnuðum málin sjálfir. Auðvitað á forseti fyrst og fremst að víta svona munnsöfnuð og halda fast í prúðmennsku og drengilega umræðu. Nú færast víturnar út í nefndirnar. Svo gerðist það undarlega á dögunum að þingmaðurinn, Vigdís Hauksdóttir, skýrði frá því á fésbók sinni sitjandi á nefndarfundi, einum tuttugu mínútum eftir að erindrekar stjórnlagaþingsins höfðu yfirgefið nefndina. En þeir höfðu lagt til að horfið yrði frá skoðanakönnun sem fáir að vísu skilja um margorð drög að nýrri stjórnarskrá. Þá vítir forseti þingmanninn strax samkvæmt frétt sem óðamála flokkssystir forsetans flytur Alþingi. Hér áður fyrr fyrir tíma fésbókarinnar hefðum við Össur Skarphéðinsson gert okkur erindi og gengið út til að ,,pissa“, en í leiðinni hringt erindið til fréttamanna og engum þótt merkilegt að svo stór frétt færi strax í loftið. Frétt sem alla þjóðina varðar um og snýr að umræðu um stjórnarskrána. Stjórnarskráin er biblía réttlætisins og leikreglnanna í lýðræðisríki. Hvernig var nú hin brotlega frétt á fésbók Vigdísar skoðum það, hún skrifar ,,Stórfrétt – nú var eiginlega endanlega verið að slá út þjóðaratkvæðagreiðslu um skýrslu stjórnlagaráðs samhliða forseta kosningunum.“ Hvað er vítavert í þessari frétt, gestirnir farnir, erindið skýrt, ekki vitnað beint í þá eða nöfn þeirra nefnd. Kannski bara vont fyrir forsætisráðherra vegna gefinna loforða. Ætlaði nefndin að senda út fréttatilkynningu eða hvernig átti að koma skilaboðum þingmanna stjórnlagaþingsins til þingsins eða almennings? Var þessi mikla frétt ævarandi leyndarmál? Hvenær er fundur lokaður hálflokaður eða opinn? Allt sem gerist í nefndum eru upplýsingar fyrir þingmenn sem þeir ræða í flokkum sínum og þinginu og hafa gert alla tíð. Hvað er til ráða forseti vor? Auðvitað er þetta allt vitleysa og engin leið að framfylgja svona reglum. Svo varð ég vitni að því að stjórnmálaforingi kallaði flokk sértrúarsöfnuð í ákveðnu umdeildu máli. Þá sagðist forseti iðraðist þess að hafa ekki vítt hann, enda kölluðu sárþjáðir þingmenn safnaðarins ummælin argasta níð. Ekki ljótt orð trúarsöfnuður eða sértrúarsöfnuður, ja, stærri orð hafa nú fallið og umdeildari. Jæja, það er ekki auðvelt að venjast reglunum hjá hinu nýja Alþingi. Er ekki rétt, ágætu þingmenn og virðulegi forseti Alþingis, Ásta Ragnheiður Jóhannesdóttir, að einfalda reglurnar á ný, minnka formlegheitin um hæstvirtan og háttvirtan og opna nefndirnar þannig að starf þeirra fari jafnvel fram í heyrandi hljóði. Ellegar að banna tölvurnar og gemsann og þá fésbókina í leiðinni inni á fundunum og loka herlegheitunum. Höfundur er fv. alþm og fv. varaforseti Alþingis.////////Mikið er maður sammmála Guðna þaran i flestu sem er sagt og útá sett!!! ekki spurning og þessu verður að breyta aftur og laga að astæðum sem eru okkur sæmandi en sleppa mögum formsatriðum,við sjáum þetta byltast hjá þessum vinstri mönnum sem ekki vilja hafa þetta formlegt heldur bara sitt form!!!!Halli gamli 

Guðni Ágústsson: „Nú þykir mér týra á tíkarskarinu,“ á Alþingi

Talning í biskupskjöri í dag/það má einnig spara þarna i kirjunum,bara einn Biskup og svo meira í hjálparstofun en einkverja vixlubiskupa og yfirmenn!!!

Talning í biskupskjöri í dag Innlent | mbl.is | 23.3.2012 | 9:45 Talning hefst í kjöri til biskups Íslands í dag klukkan 13 og er gert ráð fyrir að henni ljúki á milli klukkan 17 og 19. Átta eru í framboði, sex karlar og tvær konur. Frambjóðendur eru Kristján Valur Ingólfsson, Agnes M. Sigurðardóttir, Sigríður Guðm-

arsdóttir, Sigurður Árni Þórðarson, Örn Bárður Jónsson, Þórir Jökull Þorsteinsson, Þórhallur Heimisson og Gunnar Sigurjónsson. Fram kemur í tilkynningu frá biskupsstofu að komi til þess að kjósa þurfi í annarri umferð á milli tveggja efstu frambjóðendasé gert ráð fyrir að ný kjörgögn vegna þess geti verið send út 2. apríl næstkomandi og að talning færi þá fram 20. apríl. Tekið er þó fram að þessar dagsetningar séu til viðmiðunar og verði endanlega ákveðnar síðar.///////Gott og gilt að hafa einn Biskup ekki meira og siðan spara og gefa meira í hjalparstofnannir,allir aðskilanaður fjarhagslega  við Ríkið skal þarna  burt,og þeir sem vilja borga til safnaða,við getum ekki i landi þar sem trúfrelsi gyldir hafa þjoðkirku ,við eigum bara að reka þetta sjálf en biða ríkið að innheimta þetta fyrir okkur og söfnuðinna,við eigum það inni og munar engu fyrir þá,þarna má spara milljarað ekki spurning,og jafnvel þó ekkert sparist er þetta rettlætið,verðið nú sanngjörn og gerum þetta,við sem erum trúuð eigum að,virða trúfrelsi!!!!!/Halli gamli

Talning í biskupskjöri í dag