Kurteisi að íhuga framboð///Kurteisi við hvern vinsti menn eða hvað???

Kurteisi að íhuga framboð Innlent | mbl.is | 25.3.2012 | 16:33 Ég fundið fyrir miklum stuðningi og hvatningu héðan og þaðan,“ segir Þóra Arnórsdóttir sjónvarpskona sem er fyrsti valkostur þeirra sem 

vilja sjá nýjan forseta á Bessastöðum. „Þessi könnun sýndi mér fram á að stuðningurinn er víðtækur. Mér finnst kurteisi gagnvart öllu þessu fólki að íhuga framboð.“ „Í stuttu máli: Já.“ segir Þóra Arnórsdóttir sjónvarpskona og aðstoðarritstjóri Kastljóssins þegar hún er spurð hvort hún velti fyrir sér af alvöru að bjóða sig fram til embættis forseta Íslands. Ný könnun Capacent Gallup leiddi í ljós að flestir þeirra sem vilja fá nýjan forseta á Bessastöðum myndu kjósa Þóru í embættið. Tekinn var saman listi yfir þá sem helst hafa verið nefndir í samhengi við framboð til kosninganna að undanförnu. Þriðjungur þátttakenda sögðust myndu kjósa Ólaf Ragnar til áframhaldandi setu á Bessastöðum, en næstflestir eða fjórtán prósent aðspurðra vildu sjá Þóru. Neðar röðuðust svo Elín Hirst og Salvör Nordal með um sjö prósenta fylgi. „Ég fundið fyrir miklum stuðningi, hef fengið heilan helling af bréfum og símtölum og mikla hvatningu héðan og þaðan,“ segir Þóra. „Þessi könnun sýndi mér fram á að stuðningurinn er víðtækur. Mér finnst kurteisi gagnvart öllu þessu fólki að íhuga framboð og það ætla ég að gera,“bætir hún við. „Þetta er auðvitað ekki eitthvað sem maður gerir einn, ég á stóra fjölskyldu og eins og menn hafa kannski giskað á þá var þetta ekki beinlínis á áætluninni,“ segir Þóra, en hún og eiginmaður hennar, Svavar Halldórsson eiga von á sínu þriðja barni saman eftir sex vikur. Þá verða alls 6 börn á heimilinu, en Svavar á þrjár dætur úr fyrra sambandi og saman eiga hann og Þóra tvö börn fyrir, þriggja og sex ára. „En þótt þetta hafi ekki verið á planinu kemur á móti að maður getur ekki lifað lífinu eftir áætlunum.“ Hún segir að vel ætti að vera hægt að tvinna saman fjölskyldulíf og forsetaembættið. „Við höfum tvinnað sman fjölskyldulíf og atvinnu hingað til, við erum bæði í mjög annasömum og krefjandi störfum og fyrir utan það myndi Svavar væntanlega láta af störfum og vera heimavinnandi, að minnsta kosti til að byrja með. Ég er viss um að það yrði ekki erfiðara en það er núna,“ segir Þóra. „Við vitum það að á Íslandi vinna foreldrar mjög mikið af því að það er dýrt að framfleyta stórri fjölskyldu.“ „Sleepover“ á Bessastöðum Hún segir að það þurfi að ráðfæra sig vel við fjölskylduna áður en ákvörðun af þessu tagi sé tekin. En hvernig skyldi eiginmanni og börnum lítast á þessa hugmynd? „Maðurinn minn segist einfaldlega standa með mér í hverju sem er, og litlu krakkarnir eru voðalega lítið að velta þessu fyrir sér. Þau eru vön því að fólk viti hverjir foreldrar þeirra eru og þeim finnst til dæmis ekkert merkilegt við að vera í sjónvarpinu. Ég veit ekki hvort þeim þætti það eitthvað merkilegt að vera forseti. Stóru stelpurnar eru líka bara jákvæðar. Þær segja bara „Já, af hverju ekki? Vera með sleepover á Bessastöðum, væri það ekki bara fjör?“ segir Þóra og hlær. „Þetta er þó ekki komið það langt að við séum búin að undirbúa börnin að einhverju ráði.“ Þóra segir að á meðan hún sé ekki búin að taka ákvörðun þá sé hún fréttamaður sem hafi ekki opinbera skoðun á forsetaembættinu. Björn Bjarnason, fyrrverandi ráðherra, var harðorður í bloggfærslu á dögunum þegar hann kom á framfæri þeirri skoðun sinni að Þóra „kynni ef til vill að hafa lokið ferli sínum á sjónvarpi ríkisins með því að ljá máls á framboði“. Um þessi ummæli segir Þóra „Björn Bjarnason er oft mjög skemmtilegur og ekkert meira um það að segja. Mér fundust ummælin og viðbrögðin sem hann fékk við þeim eiginlega bara svolítið skemmtileg að sjá. Ég get ekki séð tenginguna þarna á milli, en það verður hver að fá að hafa sína skoðun.“ Gefur sér vikuna til að ákveða Björn og fleiri hafa látið í veðri vaka að Samfylkingin standi á einhvern hátt á bak við framboð Þóru. „Ég skil það satt að segja ekki, ég held að það sé fyrst og fremst af þörf fyrir að taka fólk og flokka það í box, ég hef aldrei starfað fyrir Samfylkinguna. Ég er búin að vinna í fjölmiðlum í 15 ár og þessar kenningar finnast mér eiginlega meira hlægilegar en hitt,“ segir Þóra. „Ég var í Röskvu og Alþýðuflokknum þegar ég var tvítug, það er eina tengingin sem hægt er að finna,“ segir Þóra. Hún segist þó skilja þörfina fyrir að flokka fólk í pólitíska hópa, en hún segir að í þessu sé vel mögulegt að vera ópólitískur. Aðspurð hvort þetta boði skipti um starfsvettvang í hennar lífi segir hún svo ekki vera. „Fari svo að ég bjóði mig ekki fram mun ég halda því áfram sem ég hef verið að gera. Ég er í mjög skemmtilegu starfi og það er kannski einmitt þess vegna sem ég verð að hugsa það vel og vandlega hvort ég vilji einhverju breyta í því.“ Aðspurð hvenær hún komist að niðurstöðu segir Þóra „Það þýðir ekki að draga það allt of lengi. Ég býst við að gefa mér vikuna í þetta, eða þar um bil.“/////////Þóra Arnórdóttir er frambærileg kona,ekki spurning!!!En svo einnig að mínu áliti mikið til vinstri og uppalin við slíkt,að mínu álti þar sem faðir hennar var allavega mjög mikill kommi,en það eru vinstri menn flestir í þessir ætt,sem ekki er sagt til minkunar,en samt er þetta áthugandi vel,og ber að skoðast!!!Afi hennar Hannibal var Aþyðuflokksmaður sannur kallin,en þetta fólk sem studdi þann flokk er flest orðið kommar!!!En er þá ekki sagt að Ó.R.G. sé ekki kommi það var hann ekki alin upp við allavega,en var Framsóknarmaður siðar Aþýðubandalag, en póltik svo af þegar hann varð Forseti okkar,og staðið sig vel,að mati flestra nema vinstri manna,sem vilja ekki forseta með bein i nefi  að mínu áliti!! En það er öllum frjálst að bjóða sig fram,og við bara spyrjum að leikslokum//Halli gamli

Kurteisi að íhuga framboð

Verður þjóðaratkvæði í sumar?vonandi ekki, það sem þarf eru kosningar í haust!!!!

Verður þjóðaratkvæði í sumar? Innlent | mbl | 25.3.2012 | 14:00 Óvíst er hvort þjóðaratkvæði fari fram um tillögu stjórnlagaráðs að nýrri stjórnarskrá næsta sumar en stefnt er að því að kosið verði um hana samhliða forsetakosningum sem fyrirhugaðar eru 30. júní næstkomandi. Ljóst er að takmarkaður tími er til stefnu í þeim efnum og svo kann hæglega að fara að það markmið stjórnvalda náist ekki. Meirihluti stjórnskipunar- og eftirlitsnefndar Alþingis lagði fram þingsályktunartillögu þess efnis að þjóðaratkvæði um tillögu stjórnlagaráðs færi fram samhliða forsetakosningunum 20. mars síðastliðinn og var henni dreift sama dag á meðal þingmanna. Var stefnt að því að tillagan yrði tekin til umræðu í þinginu daginn eftir. mbl.is/Hjörtur Til þess þurfti hins vegar að fá samþykkt afbrigði frá þingsköpum en samkvæmt þeim má ekki taka þingsályktunartillögu til umræðu í þinginu nema liðnar séu að lágmarki tvær nætur frá því að henni var dreift. Afbrigði fengust ekki samþykkt en til þess þurfti atkvæði 2/3 þingmanna. Fyrir vikið verður þingsályktunartillagan líklega ekki tekin til umræðu fyrr en næstkomandi þriðjudag þegar næsti þingfundur fer fram samkvæmt dagskrá. Varaáætlun undirbúin Til þess að hægt verði að halda þjóðaratkvæðið samhliða forsetakosningunum þarf að ljúka afgreiðslu þingsályktunartillögunnar í síðasta lagi næsta föstudag 30. mars en samkvæmt lögum um þjóðaratkvæði verður að samþykkja að mál fari í þjóðaratkvæðagreiðslu þremur mánuðum áður en þjóðaratkvæðið fer fram. Ríkisstjórnin hefur því næstu viku til þess að koma þingsályktuninni í gegnum Alþingi ef hægt á að vera að halda þjóðararkvæðið samhliða forsetakosningunum. Til vara mun stjórnarmeirihlutinn vera að skoða þann möguleika að koma frumvarpi að breytingum á lögum um þjóðaratkvæði í gegn sem Vigdís Hauksdóttir, þingmaður Framsóknarflokksins, flutti síðastliðið haust. mbl.is/Ómar Óskarsson Frumvarp Vigdísar kveður á um að hægt verði að boða til þjóðaratkvæðis með skemmri fyrirvara en þremur mánuðum ef almennar kosningar fara fram innan þess tímaramma en hún flutti frumvarpið upphaflega í tengslum við mögulegt þjóðaratkvæði um það hvort halda ætti áfram með umsóknina um inngöngu í Evrópusambandið sem hún hefur meðal annarra kallað eftir. Verða forsetakosningar? Haft hefur verið eftir Jóhönnu Sigurðardóttur, forsæt

isráðherra, í fjölmiðlum að ef ekki takist að halda þjóðaratkvæði um tillögu stjórnlagaráðs samhliða forsetakosningunum í sumar sé sá möguleiki fyrir hendi að því verði frestað fram á næsta haust en báðar hugmyndir hafa verið harðlega gagnrýndar af þingmönnum í stjórnarandstöðunni og þá einkum fyrir það að leggja eigi í dóm þjóðarinnar tillögu sem ekki verði þá orðin endanlega frágengin. Takist hins vegar ekki að afgreiða þingsályktunartillögu meirihluta stjórnskipunar- og eftirlitsnefndar Alþingis tímanlega í næstu viku og heldur ekki frumvarp Vigdísar Hauksdóttur er ljóst að ekkert verður af þjóðaratkvæðinu samhliða forsetakosningunum. Ef það hins vegar tekst einungis að koma frumvarpi Vigdísar í gegn getur farið svo að ekki verði ljóst fyrr en í lok maí hvort af þjóðaratkvæðinu verði samhliða forsetakosningunum. Helgast það af því að frumvarp Vigdísar gerir ráð fyrir því að almennar kosningar þurfi að fara fram í millitíðinni til þess að falla megi frá þeim þriggja mánaða fyrirvara sem annars þarf að vera til staðar frá því að mál er sett í þjóðaratkvæði og þjóðaratkvæðið fer fram. Það þarf fyrst að liggja fyrir hvort forsetakosningar fari fram í sumar eða ekki. Ekki ljós fyrr en í lok maí? Frambjóðendur í forsetakosningunum hafa frest til þess að skila inn nægjanlegum fjölda meðmælenda þar til fimm vikum fyrir fyrirhugað forsetakjör. Samtals þurfa þeir að safna minnst 1.500 meðmælendum en mest þrjú þúsund og þurfa ákveðið margir að koma úr öllum fjórðungum landsins miðað við íbúafjölda þeirra. Því kann sú staða að koma upp að ekki verði ljóst fyrr en í lok maí næstkomandi eins og áður segir hvort forsetakosningar fari fram allt eftir því hvernig frambjóðendum gengur að safna meðmælendum og fyrir liggur hvort fleiri en einn verði endanlega í framboði. Þetta gæti þó skýrst fyrr ef frambjóðendum gengur vel að safna meðmælendum. Enn sem komið er hafa þrír lýst yfir framboði til forsetaembættisins, Ólafur Ragnar Grímsson sitjandi forseti, Jón Lárusson lögreglumaður og Ástþór Magnússon. Ýmsir fleiri munu þó vera að íhuga stöðu sína. Hvernig málin annars þróast með fyrirhugað þjóðaratkvæði um tillögu stjórnlagaráðs skýrst væntanlega að miklu leyti í næstu viku./////það er svo að sitt sínist hverjum með þetta,ég persónulega vill bara kosningar í haust til Alþingis,og það vilja heldur maður flestir,annað er bara ekki boðlegt að sitja þarna áfram með eins mann meirihluta ,og mikinn minnihluta þjóðarinnar á móti ríkisstjórn,eða hvað er það ekki lýðræðið,og svo einnig með þessa nýju stjórnaskra´!!!sú gamla er ágætt þarf bara að skoða þar mjög fá mal,en als ekki bylta henni eins og þessi sitjandi ríkisstórn vill!!!En kosningar þarf eins fljótt og hægt er það er það sem þarf nauðsinnlega,en ekki vera nú áður að kjósa um einkver sér mál,þau koma bara með í Alþingiskoningum!!!!Halli gamli

Verður þjóðaratkvæði í sumar?