Höfðu ekki áhuga á heimsókn Wen/Þetta er ekki búið að ríkissvæða,þetta er einka eiggn!!!

Höfðu ekki áhuga á heimsókn Wen Innlent | mbl.is | 21.4.2012 | 15:52 Hætt var við að koma við í Kerinu með Wen Jiabao, forsætisráðherra Kína, í dag líkt og til stóð þar sem Kerfélagið hafði ekki áhuga á að fá heimsóknir frá hvorki íslenskum né kínverskum stjórnvöldum að Kerinu. Óskar Magnússon, talsmaður Kerfélagsins, segir að Kerfélagið hafi fyrst frétt af fyrirhugaðri heimsókn Wen og fylgdarliðs hans, á annað hundrað manns, á mbl.is fyrr í dag en ekkert hafði verið rætt við félagið. Í nokkur ár hafa hópferðir verið bannaðar í Kerið vegna þess hve náttúran sé viðkvæm þar og eins hafi félagið engan sérstakan áhuga á að fá heimsóknir frá kínverskum og íslenskum stjórnvöldum. Að sögn Óskar þykir það sjálfsagður mannasiður að hafa samband við þá sem á að heimsækja áður en slíkar heimsóknir eru afráðnar. Það hafi ekki verið gert í þessu tilviki.//////Þetta er svo að um einkaeign er að ræða og það ber að spyrju viðkomandi,en þessi ríkissstjórn kann ekki svoleiðis heldur er verið að ríkissvæða allar auðlindir þarna einnig er það ekki,en þetta er réttur þeirra en sem eiga!!!!/Halli gamli

Höfðu ekki áhuga á heimsókn Wen

Óverðtryggð lán í boði hjá ÍLS í lok sumars//þetta bjargar ekki hinum sem eru með verðtryggt í svona mikilli verðbólgu!!!!

Óverðtryggð lán í boði hjá ÍLS í lok sumars
Innlent | Morgunblaðið | 21.4.2012 | 12:30
Íbúðalánasjóður (ÍLS) undirbýr nú upptöku óverðtryggðra lána og að sögn Sigurðar Erlingssonar, framkvæmdastjóra sjóðsins, er stefnt að því að geta boðið upp á slík lán í lok sumars.
ÍLS hefur aðallega boðið verðtryggð lán til þessa en heildarstaðan á þeim var 626 milljarðar króna til einstaklinga í árslok 2011, borið saman við rúma 606 milljarða króna árið áður.

Þær upplýsingar sem fram komu í Morgunblaðinu í gær, upp úr svari efnahags- og viðskiptaráðherra við fyrirspurn á Alþingi, benda til að fasteignaskuldir landsmanna hafi aukist á síðasta ári, sér í lagi óverðtryggð lán. Á sama tíma hafa verðtryggð lán einnig aukist, sem og verðbætur. Í svari ráðherra voru eingöngu tölur frá bönkum og lífeyrissjóðum en Íbúðalánasjóð og LÍN vantaði þar inn í.

„Heilt á litið hafa skuldirnar lækkað um 200 milljarða króna síðan þær náðu hámarki. Að miklu leyti má skýra það með þeim endurútreikningi sem hefur átt sér stað. Önnur endurskipulagning, eins og 110% leiðin, hefur einnig haft einhver áhrif,“ segir Þorvarður Tjörvi Ólafsson, hagfræðingur á hagfræði- og peningasviði Seðlabankans, um þær upplýsingar sem fram koma í svari efnahags- og viðskiptaráðherra. Hann segir skýringuna á þessari þróun einnig geta verið þá að margir hafi verið að fara úr gengistryggðum lánum yfir í óverðtryggð.

Þorvarður Tjörvi tók nýverið saman skýrslu, ásamt Karen Á. Vignisdóttur hagfræðingi, um skuldastöðu heimilanna fyrir og eftir hrun. Hún sýndi m.a. að í lok árs 2010 voru um 37% skuldsettra húseigenda í skuldavanda og tíundi hver var bæði í greiðslu- og skuldavanda. Í skýrslunni var tímabilið 2007-2010 tekið fyrir og á þeim tíma hækkuðu fasteignaskuldir landsmanna um 75%.

Þorvarður Tjörvi segir skuldavandann vera sambland af tvennu. Í fyrsta lagi hafi orðið gríðarleg skuldsetning á árinu 2007 og fyrstu mánuðum 2008, sérstaklega í gengisbundnum lánum, sem hafi reynst heimilunum ansi dýrkeypt. Í öðru lagi megi skýra þróunina með þeim áföllum sem dundu yfir í kjölfarið, þ.e. bankahruninu, aukinni verðbólgu og veikingu krónunnar.////////það er svo að þetta bjargar ekki þeim sem tóku vertryggðu lánin fyrir kreppu sem hækkuðu 35-40% við hana og geta ekki verðbólgunar bjargað af þessu,það er bara byrjað að veiða fólk í hækkandi óvertryggða vexti en áfram verðbólgu í hámarki,og það gerir sama nema ekki hækkar stuðullin bara  vexstirnir meira og meira/Halli gamli

Óverðtryggð lán í boði hjá ÍLS í lok sumars

Hótel þegar víða fullbókuð á álagstímum/Alltaf gott að fá einnig góðar fréttir!!!

Hótel þegar víða fullbókuð á álagstímum
Innlent | Morgunblaðið | 21.4.2012 | 11:50
Bókanir á gistirými eru orðnar fleiri nú en á sama tíma í fyrra, að sögn markaðsstjóra hótela. Nú þegar er uppbókað á sumum hótelum á mesta álagstímanum í sumar.
Bókunarmynstrið hefur breyst frá því sem áður var. Nú ber meira á því að fólk ferðist á eigin vegum fremur en í hópferðum og það bókar gistingu með skemmri fyrirvara en áður.

Meira bókað en í fyrra

„Þetta lítur bara vel út,“ sagði Aðalheiður E. Ásmundsdóttir, markaðsstjóri Reykjavík Hotels, um bókanir á komandi sumri. Keðjan rekur þrjú hótel í höfuðborginni. Aðalheiður sagði bókanir vera fleiri en í fyrra og taldi það eiga almennt við hjá hótelunum, enda sé það eðlileg afleiðing fjölgunar ferðamanna.

Hún sagði breytingu hafa orðið á bókunum gistirýmis. „Ferðamenn virðast bóka með miklu skemmri fyrirvara en áður,“ sagði Aðalheiður.

Full bjartsýni

„Mér líst mjög vel á sumarið,“ sagði Hrönn Guðmundsdóttir, markaðsstjóri Fosshótela. Hótelin eru níu talsins, þar af tvö í Reykjavík. Hún sagði útlit fyrir betri nýtingu gistirýmis nú en í fyrra. „Landsbyggðin kemur mjög vel út og Reykjavík hefur verið mjög góð það sem af er ári. Það er töluverð aukning á mörgum stöðum á landinu. Við getum ekki annað en verið full bjartsýni,“ sagði Hrönn. Nokkur hótel eru þegar fullbókuð í júlí og útlit fyrir góða aðsókn í ágúst og fram í september.

Hrönn sagði ljóst að framboð á flugferðum og verð skipti miklu fyrir bókanir. „Við fögnum fleiri flugferðum og lægra verði á flugi til landsins,“ sagði Hrönn. Hún sagði flesta erlendu gestina koma frá Bretlandi, Bandaríkjunum, Þýskalandi og Norðurlöndunum. Þá er gestum frá Asíu, m.a. frá Japan og Kína, einnig að fjölga.

Hrönn sagði það vera til skoðunar að opna nýtt Fosshótel í gömlu Fiskiðjunni í Vestmannaeyjum. Fosshótel gerðu tilboð í þrjár efstu hæðir hússins með ýmsum fyrirvörum. Vestmannaeyjabær tók tilboðinu, að sögn Eyjafrétta.is.

„Horfurnar eru góðar en við erum alltaf hóflega bjartsýn þar til allt er komið í hús,“ sagði Hildur Ómarsdóttir, markaðsstjóri Icelandair Hotels. „Sumarið leggst vel í mig. Það er hvergi farið að gjósa!“

Álagstíminn í gistingu er nú frá miðjum júní og alveg fram í september. Þjóðverjar koma mikið fyrri hluta sumars og fara í hringferðir. Þegar líður á sumarið fjölgar ferðamönnum frá Suður-Evrópu. Bandaríkjamenn eru tíðir gestir og Bretar koma mikið í stuttar borgarferðir að vetri til.

Handboltamót slegið af

„Ég ætlaði að halda alþjóðlegt handboltamót í ágúst og var búinn að fá tvö erlend lið og ætlaði að fá það þriðja. Þetta leit allt vel út þar til kom í ljós að það var vonlaust að fá ódýra gistingu,“ sagði Stefán Arnarson, handboltaþjálfari Vals.

Hann sagði um 20 manns vera í hverjum liðshópi og því hefði vantað gistingu fyrir um 60 manns. Stefán segir að forsenda svona móts sé að fá ódýra gistingu. Eftir könnun á framboði á ódýru gistirými komst hann að því að það var mögulegt að fá gistingu á Suðurnesjum en ekkert á höfuðborgarsvæðinu.

Stefán sagði að með gistingu fjarri höfuðborginni hefði ferðakostnaður orðið of hár. Mótið var því slegið af./////það er einnig gott að fá góðar fréttir annað slagið ,eða er það ekki!! það þvi miður nóg af bölmóði í  dag,vegna slæms stjórnarfars mjög/Halli  gamli

Hótel þegar víða fullbókuð á álagstímum

Wen á Þingvöllum/Jónanna einnig brosmilt þarna,óvanalegt að sjá!!!

Wen á 

Þingvöllum Innlent | mbl.is | 21.4.2012 | 9:29 Jóhanna Sigurðardóttir forsætisráðherra tók á móti forsætisráðherra Kína, Wen Jiabao, í Hakinu á Þingvöllum í morgun. Wen mun ferðast um Suðurland í dag ásamt forsætisráðherra. Meðal annars fara þau að Gullfossi og Geysi. Síðar í dag fer Wen að Kerinu og síðan tekur Össur Skarphéðinsson utanríkisráðherra á móti Wen og fylgdarliði í Hellisheiðarvirkjun síðdegis. Íslendingar og Kínverjar vinna saman að stóru jarðhitaverkefni í Kína um þessar mundir./////það er gaman að sjá þau þarna forsætisráðherrana brosandi, en manni bregður samt við að sjá þetta til Jóhönnu hún er oftast frosin og illa á svipinn blessuð her heima í pólitíkini//En Guð láti gott á vita//Halli gamli

Wen á Þingvöllum

Skuldamál heimila í biðstöðu/Hver kís þetta lið aftur???????

Skuldamál heimila í biðstöðu Innlent | mbl | 20.4.2012 | 23:40 „Við höfum ekki tekið endanlega ákvörðun. Það er verið að greina vandann betur og skoða hvað er hægt að gera,“ segir Guðbjartur 

Hannesson velferðarráðherra, spurður í hvaða farvegi skuldamálin eru hjá ríkisstjórninni. „Annars vegar erum við að glíma við það sem ég kalla skuldavanda, það að mörg heimili eru yfirskuldsett. Hins vegar er glíman við greiðslu- eða tekjuvanda, þar sem mörg heimili eiga í erfiðleikum með að láta enda ná saman. 30% heimila eru ekki með íbúðaskuldir og margir með hærri afborganir af öðrum lánum en af íbúðalánum. Svo virðist í þeim greiningum sem gerðar hafa verið að barnafjölskyldur með lágar og meðaltekjur og einhleypingar með lágar tekjur eigi í hvað mestum greiðsluvanda. Þar vega íbúðaskuldir ekki endilega þyngst. Margir eiga þó bæði við skulda- og greiðsluvanda að stríða,“ segir ráðherrann. Hátt í 1.400 en ekki 700 milljarðar Eins og rakið var í Morgunblaðinu í gær sýna nýjar tölur í svari Steingríms J. Sigfússonar, efnahags- og viðskiptaráðherra, við fyrirspurn Kristjáns Þórs Júlíussonar, þingmanns Sjálfstæðisflokksins, að verðtryggðar fasteignaskuldir heimilanna halda áfram að aukast. Voru þær þannig um 692 milljarðar í lok síðasta árs. Nema verðbætur á tímabilinu frá 2007 til ársloka 2011 um 143 milljörðum króna og er viðbúið að þær aukist enn frekar í ár í ljósi þess að verðbólgan er nú 6-7%. Eins og Guðbjartur bendir á í viðtalinu hér fyrir neðan segja þessar tölur ekki alla söguna þar sem í þær vantar tölur frá Íbúðalánasjóði. Hagfræðistofnun Háskóla Íslands hafi áætlað að útistandandi lán hjá Íbúðalánasjóði í lok október 2011 hafi verið um 670 milljarðar króna. Þessi tala fylgdi ekki með í umfjöllun Morgunblaðsins um svar efnahagsráðherra og er hér með beðist velvirðingar á því. Þar sem skuldir til Íbúðalánsjóðs eru verðtryggðar verður hins vegar að ætla að sú fullyrðing að verðbólguþróunin hafi ýtt undir skuldir heimilanna hvíli á traustum grunni, í ljósi þess að verðbólga er nú 6-7%. Fréttavefur Morgunblaðsins ræddi við Kristján Þór í tilefni þess að svarið hefur verið birt á vef Alþingis og lýsti hann sig þá fylgjandi lyklaleiðinni, þ.e. að yfirskuldsett heimili geti afhent lánastofnunum lykilinn að húsnæðinu og þannig orðið laus allra mála. Var einnig rætt við Lilju Mósesdóttur, formann Samstöðu, vegna svarsins. Hvert á að sækja peningana?　 Guðbjartur segir slíkar aðgerðir ekki auðveldar í framkvæmd. „Það sem hefur vantað í þessa tillögu Kristjáns Þórs og margra annarra er útlistun á því hvað á að gera. Ætla menn að fara í almennar leiðréttingar á lánum? Hvaðan á að sækja peningana? Kristján Þór kom með hugmynd í blaðagrein um þessa leið en Sjálfstæðisflokkurinn hefur ekki tekið undir hana. Stærsti vandinn er Íbúðalánasjóður sem er með helming af lánastaflanum. Þau lán eru ekki í tölunum í svarinu til Kristjáns Þórs. Hann spyr eingöngu um banka og lífeyrissjóði. Íbúðalánasjóður er með u.þ.b. helming allra íbúðalána og þau eru öll verðtryggð. Allar aðgerðir sem er gripið til hjá Íbúðalánasjóði lenda beint á ríkissjóði. Það þýðir að það þarf annaðhvort að borga það með skatti eða mæta því með frekara aðhaldi eða niðurskurði. Það er ekki auðvelt mál. Við getum ekki hlaupið upp á bankana með það sem er hjá Íbúðalánasjóði. Rétt um helmingur verðtryggðra skulda er hjá Íbúðalánsjóði eins og áður sagði og mér telst til að sú upphæð hafi verið nálægt 670 milljörðum í lok síðasta árs og svo eru um 180 milljarðar hjá lífeyrissjóðunum, þannig að í svarinu til Kristjáns Þórs er aðeins verið að tala um lán banka og lífeyrissjóða sýnist mér,“ segir Guðbjartur en fram kemur í svari efnahagsráðherra að verðtryggðar húsnæðisskuldir banka og lífeyrissjóða hafi verið um 692 milljarðar króna um síðustu áramót. Verða að koma í haust　 Stefnir í að ákvörðun um aðgerðir verði tekin eftir næstu þingkosningar? „Það er ekki búið að smíða neina áætlun um þetta en aðgerðir verða að koma í haust og/eða í fjárlögum fyrir næsta ár. Við þurfum fyrst og fremst að ná tökum á verðbólgunni sem svar við vanda skuldara en um leið verðum við að bæta úr greiðsluvanda þeirra hópa sem eiga í hvað mestu erfiðleikum. Þarna liggur vandinn. Á móti skuldavandanum kemur að íbúðaverð er að færast upp. Fasteignamatið hækkaði um 9% í janúar síðastliðnum. Skuldastaðan breytist við það," segir Guðbjartur og bendir á að lyklaleiðin, sem felur í sér að bjóða fólki að skila inn fasteign sinni, setji um leið fólkið á götuna. Enginn hafi svarað því hvernig vandi þessa fólks verði leystur. „Hvar á að setja allt þetta fólk? Við höfum valið að verja fólk í sínu húsnæði, ef hægt er. Við erum ekki komin svo langt að geta byggt upp nægilegt framboð á leiguhúsnæði og jafna stöðu leigjenda og húseigenda á húsnæðismarkaðnum, en það er markmiðið og að því er unnið. Á meðan nægt framboð á leiguhúsnæði á sanngjörnu verði er ekki til staðar er ég hræddur við þessa leið. En við höfum aldrei útilokað hana. Þessu var svarað á sínum tíma með því að stytta gjaldþrotatímann í tvö ár.“ Tímabundinn vandi á evrusvæðinu　 Guðbjartur heldur áfram og segir íslensku krónuna hafa boðið upp á ítrekaðar kollsteypur fyrir lántakendur og raunar fært til fjármagn og íþyngt heimilisbókhaldinu. „Það er sífellt verið að fella krónuna, gamla gengisfellingin aftur og aftur. Viljum við búa við það til langframa? Þó verðtryggingin hafi ótal galla þá jafnar hún árlega greiðslubyrði lána en gallinn er að höfuðstóllinn hækkar. Nú þegar bjóða bankarnir upp á óverðtryggð húsnæðislán og Íbúðalánasjóður vinnur að því að bjóða einnig upp á slík lán, en rétt er að skoða vel kjörin á slíkum lánum og greiðslubyrði. Því miður eru þessi lán enn sem komið er til of skamms tíma og vextir geta hækkað,“ segir Guðbjartur sem kveðst enn eindregið fylgjandi upptöku evrunnar þrátt fyrir „tímabundinn vanda á evrusvæðinu“. Hann segir nýjan gjaldmiðil þýða endalok verðtryggingarinnar.//////Þarna fer Velferðaráðherra með sennilega rétt mal þessir eiginhagsmuna kommar gera ekkert fyrir fólkið bara,lofa þvi að missa sitt,hjálpa bönkum og sparisjóðum og olífélögum,þar feldar niður skuldir í milljörðum,svo segir hann bara evran reddar þessu,þar er engin vertrygging það er að segja innganga í ESB ,þetta er eina leiðin sem þeir sjá/Halli gamli

Skuldamál heimila í biðstöðu