Del Bosque: Óska leikmönnum til hamingju/Það gerum við öll knattspyrnuáhugamenn!!!!

Del Bosque: Óska leikmönnum til hamingju Íþróttir | mbl.is | 1.7.2012 | 21:51 „Að vinna þrjá titla er næstum því ómögulegt,“ sagði kampakátur þjálfari Spánar, Vincente Del Bosque, eftir að Spánn lyfti Evrópumeistarabikarnum í kvöld„Ég vil bara óska leikmönnunum til hamingju,“ sagði Del Bosque sem vill nú að liðið haldi áfram að verða betra. „Ég vildi ekkert endilega vera þjálfarinn sem vinnur heldur þjálfarinn sem kennir. Ég vil undirbúa liðið fyrir framtíðina,“ sagði þjálfari EvrópumeistarannaSpánverjar eru Evrópumeistarar í knattspyrnu eftir 4:0 sigur á Ítölum í úrslitaleik og urðu þar með fyrstir til að sigra á þremur stórmótum í röð

. Spánverjar voru sterkari aðilinn í leiknum og gerðu tvö mörk í fyrri hálfleik, David Silva það fyrra á 14. mínútu og það síðara gerði vinstri bakvörðurinn Jordi Alba á 41. mínútu. Fernando Torres bætti síðan við þriðja markinu seint í síðari hálfleik og lagði upp mark fyrir Juan Mata áður en yfir lauk. Ítalir voru varla búnir að gera allar þrjár breytingarnar á liði sínu þegar einn varamannanna varð að fara meiddur af velli og lék liðið einum færri síðasta hálftímann. Spánverjar höfðu titil að verja og gerðu það, en auk þess eru þeir Heimsmeistarar þannig að það er ljóst að fáar þjóðir standast þeim snúning á knattspyrnuvellinum./////Þetta var ekki spurning að Spánverjara eru þarna í aðalhlutverki!!Þvi miður gátu Íatallir bara ekki rassgat!!!! voru bara aumir og búin algjörlega á því komu okkur stuðningsmönnum þeirra bara í vont skap!!!Jæja svona fór þetta og ég er bara ánægður fyrir hönd Spanverja þetta vara verðskuldað mjög þeir eru snillingar,en það eru ítalir einnig ef vel tekst til en það bara gerðist ekki/Halli gamli

Del Bosque: Óska leikmönnum til hamingju

Fróði sigurvegari í A-flokki gæðinga/Landsmóti lokið og R.víkingingum til sóma i alla staði!!!!

Fróði sigurvegari í A-flokki gæðinga Íþróttir | mbl | 1.7.2012 | 14:58 Þá er Landsmóti hestamanna lokið. Því lauk með A-úrslitum í A-flokki gæðinga þar sem Fróði frá Staðartungu bar sigur úr býtum í sterkri keppni með 8,94. Það var ansi blautt á landsmótsgestum en knapar og hestar létu það ekki á sig fá og voru me ð gríðarlega góðar sýningar. Í öðru sæti endaði Fláki frá Blesastöðum 1A með 8,88. Hástökkvari A-flokksins var Lotta frá Hellu og Hans Þór Hilmarsson sem komu upp úr B-úrslitum í tólfta sæti og enduðu í fjórða sæti með 8,78 í einkunn. Lotta var eina hryssan í efstu fimmtán A-flokks-gæðingunum. Úrslitin fóru á þessa leið: 1. Fróði frá Staðartungu, Sigurður Sigurðarson - 8,94 2. Fláki frá Blesastöðum 1A, Þórður Þorgeirsson 8,88 3. Stakkur frá Halldórsstöðum, Sigurbjörn Bárðarson - 8,86 4. Lotta frá Hellu, Hans Þór Hilmarsson - 8,78 5. Grunnur frá Grund II, Sigursteinn Sumarliðason - 8,73 6. Hringur frá Fossi, Sigurður Vignir Matthíasson - 8,71 7. Hnokki frá Þúfu, Mette Mannseth - 8,57 8. Sálmur frá Halakoti, Atli Guðmundsson - 8,47///////Verð að segja að allar fortölum um að Reykjavík gætti ekki með sóma haldið Lansmót hestamanna er orðin að óþöfu spjalli og tólks með afbryggðumm vel og veðri eftir þvi!!Það er eiginlega sama og einn másttsjórin sagði þetta vara allt frábært,get ekki verið betra slo meirað segja þvi út sem fer fram erlendis,og er þá mikið sagt,en auðvitað ber ekki að lasta alla hina staðina,ég var að horfa i dag á RÚV þátt sem Samúel var með meiri háttar að sjá allt þetta fyrir okkur sem þarna langaði en en gátum ekki verið/Þetta er bara það besta!!!/Halli gamli

Fróði sigurvegari í A-flokki gæðinga

Óskar Ólafi til hamingju með endurkjörið/Það gerum við vonandi öll!!!!!

Óskar Ólafi til hamingju með endurkjörið Innlent | mbl.is | 1.7.2012 | 14:33 Lilja Mósesdóttir, alþingismaður, hefur óskað Ólafi Ragnari Grímssyni til hamingju með endurkjör hans sem forseta Íslands. Þetta kemur fram á Facebook-síðu hennar í dag. en tilefni skrifanna er frétt á Vísir.is í hádeginu um að enginn þingmaður hefði þá óskað Ólafi til hamingju. „Ég er búin að senda forsetanum tölvupóst, þar sem ég óska honum til hamingju með glæsilegan sigur í forsetakosningunum. Val þjóðarinnar á forseta stjórnast nú í meira mæli en áður af mati hennar á því hverjum hún treystir til að tryggja beint lýðræði þegar gjá myndast milli þjóðar og þings,“ segir Lilja. Þá hafi flokkur hennar Samstaða, flokkur lýðræðis og velferðar, einnig „óskað forsetahjónum og þjóðinni allri til hamingju með úrslit kosninganna.

„Ljóst er að Ólafur Ragnar fékk mikinn stuðning bæði frá fólki sem kýs til vinstri og hægri í alþingiskosningum og það fylgi fékk hann vegna afdráttarlausrar afstöðu sinnar til málefna sem sameina mikinn meirihluta þjóðarinnar,“ segir Ragnar Arnalds, fyrrverandi fjármálaráðherra og forveri Ólafs Ragnars Grímssonar, forseta Íslands, á formannsstóli Alþýðubandalagsins en Ragnar var einn þeirra sem hvöttu Ólaf til þess að gefa kost á sér til endurkjörs í vetur. Vísar Ragnar þar einkum til Icesave-málsins og andstöðunnar við inngöngu í Evrópusambandið. „Ótvíræð afstaða Ólafs gegn ESB-aðild og framganga hans í Icesave-málinu varð til þess að jafnvel hörðustu andstæðingar hans frá fyrri tíð þyrptust á kjörstað til að styðja hann og margir þeirra sögðu: Ég veit hvað ég hef. En ég veit ekki hvað ég fæ!“ segir Ragnar á vefsíðunni Vinstrivaktin gegn ESB í dag. Ragnar segir niðurstöðu forsetakosninganna varpa ljósi á stöðu mála innan Vinstrihreyfingarinnar - græns framboðs fyrir komandi þingkosningar sem fram fara í síðasta lagi næsta vor. „Flokkurinn mun ganga haltur og hokinn til næstu þingkosninga og sligast mjög undan þeirri þungu byrði sem hann tók á sínar herðar með aðildarumsókninni – nema því aðeins að hann varpi þessu óþverrahlassi af sér með góðum fyrirvara fyrir næstu kosningar og segi við Össur og Jóhönnu: Nú er nóg komið! Þessum könnunarleiðangri er lokið! Hingað og ekki lengra!“ segir Ragnar.

 

„Mér er efst í huga þakklæti,“ sagði Ólafur Ragnar Grímsson, forseti Íslands, í hádegisfréttum Ríkisútvarpsins. Hann sagði að niðurstaða kosninganna væri stuðningur við störf hans til þessa og áherslur í forsetaembættinu. Hann sagði það mikilvægasta við kosninguna væri sú lýðræðisbylting sem átt hefði sér stað hér á landi sem fælist í aukinni kröfu fólks um að koma að ákvörðunum. Hann sagði kosningarnar ekki hafa snúist um hann sem forseta heldur um þessa lýðræðisbyltingu. Spurður um kjörsóknina hafnaði hann því að hún væri óeðlilega lítil og vísaði meðal annars í því sambandi til minnkandi kjörsóknar í Evrópu og góðs veðurs. Hann sagðist hins vegar telja að minnkandi kjörsókn væri fyrst og fremst Reykjavíkurvandi eins og hann orðaði það enda hefði þátttakan almennt verið mun betri á landsbyggðinni. Þá sagðist Ólafur umræðu um baklands hans vera á nokkrum villigötum. Stuðningsmenn hans hefðu komið úr öllum stjórnmálaflokkum en ekki aðeins úr flokkum í stjórnarandstöðunni

 

Ég tel þetta vera verulega góða niðurstöðu fyrir Ólaf enda var mjög hart að honum sótt,“ segir Stefanía Óskarsdóttir, lektor í stjórnmálafræði við Háskóla Íslands, um úrslitin í forsetakosningunum þar sem Ólafur Ragnar Grímsson náði endurkjöri sem forseti Íslands. Hún bendir á að hann hafi fengið meirihluta í öllum kjördæmum og að Þóra Arnórsdóttir, sem fékk næstmest fylgi, hafi hvergi ógnað stöðu hans. Hvað kosningaþátttökuna varðar, sem var um 69%, og umræðu um að hún hafi verið slök segir Stefanía ekki hægt að túlka hana sem áfellisdóm yfir Ólafi Ragnari. Ýmsar ástæður geti verið fyrir því að töluvert af fólki hafi ákveðið að kjósa ekki. Þar geti bæði til að mynda spilað inn í áhugaleysi á kosningunum og gott veður. „Það er í það minnsta erfitt að draga þá ályktun að þeir sem kusu ekki hafi viljað breytingar enda stuðlar það ekki að miklum breytingum að taka ekki þátt í kosningum,“ segir hún. Stefanía segir ljóst að niðurstaða kosninganna feli það í sér að kjósendur Ólafs Ragnar séu að lýsa yfir stuðningi við þær breytingar sem hann hafi gert á forsetaembættinu í embættistíð sinni. Þá sé kosning Ólafs einnig ákveðin vantraustsyfirlýsing á stjórnmálaforystuna í landinu. Gera megi ráð fyrir að það sé til að mynda ein skýringin á miklum stuðningi sjálfstæðismanna við Ólaf.///////Sitt sýnist hverjum ein og gengur en er ekki svo að við öll erum bara sátt,og óskum bara Foseta vorum!Ólafi Ragnar til hamingjumeð endurkjörið!!!samsæriskenningar munu ganga ekki spurning það er alltaf en svo er þetta og við bara vonum hið besta og ekki síst ef kosningarnar í Vor eða fyrr fari í sjórnaskipti ekki mun af veita!!!!/Halli gamli

Óskar Ólafi til hamingju með endurkjörið