Obama og Pútín axli ábyrgð//Ekki gleyma Kína er það,?????

Obama og Pútín axli ábyrgð Erlent | AFP | 2.8.2012 | 22:39 Kofi Annan, fyrrverandi framkvæmdastjóri Sameinuðu þjóðanna, hvetur stjórnvöld í Rússlandi og í Bandaríkjunum til að axla ábyrgð grípa til aðgerða til að stöðva borgarastyrjöldina í Sýrlandi.

Þetta kemur fram í grein sem Annan skrifar í Financial Times. Hann tilkynnti í dag að hann hefði látið af störfum sem friðarerindreki SÞ og Arababandalagsins gangvart Sýrlandi. Annan segir að vestræn hernaðaríhlutun muni ekki ein og sér skila tilætluðum árangri.

Þá sagði hann ef menn komi ekki fram með yfirgripsmiklar pólitískar lausnir á ástandinu, þá séu þær lausnir dæmdar til að mistakast. „Það er enn hægt að bjarga Sýrlandi frá enn verri hörmungum.

En þörf er á hugrekki og leiðtogahæfni, þá aðallega frá öllum fulltrúum sem eiga fast sæti í öryggisráði SÞ, þetta á meðal annars við forsetana Obama og Pútín,“ skrifaði Annan. Sýrlensk ungmenni leika sér ofan á ónýtum skriðdreka rétt norðan við borgina Aleppo í dag.

AFP Hann segir að öryggisráðinu hafi mistekist að komast setja saman áætlun um hvernig eigi að taka á ástandinu í Sýrlandi og stöðva ofbeldisverkin sem hafa verið að færast í aukana. Þar hafi menn bent hver á annan og kallað hvern annan illum nöfnum í stað þess að vinna saman. Þá hefur Annan sagt að friðaráætlunin sem hann setti saman í apríl sl. hefði ekki fengið þann stuðning frá stórveldunum sem hún átti skilið./////Alveg rétt hjá Kofi Annan að taka svona á þessu,þetta gengur ekki legur fyrir heiminn ,að horfa á þetta að heil þjóð skuli murkuð niður af einræðisherra við völd!!! en það má heldur ekki gleyma Kína þeir hafa einnig neitunarvald,á meðan sameinuðuþjóðirnar ráðskast með þetta!!Eitthvað rótækt verður að gera ,annað en bara hafa áhyggjur af Írönum!!!!/Halli gamli

Obama og Pútín axli ábyrgð

Akureyringar í Fimmtudagsfíling/Þeir vonandi skemmta sér vel þarna!!!

Akureyringar í Fimmtudagsfíling Innlent | mbl.is | 2.8.2012 | 22:12 Góð stemning er á fjölskylduhátiðinni „Ein m

eð öllu“ sem fram fer á Akureyri nú um verslunarmannahelgina. Hátíðin hófst í kvöld á útitónleikum í Skátagilinu, svokölluðum Fimmtudagsfíling sem er í boði N4. Meðal þeirra sem fram koma eru Mannakorn, Ingó veðurguð, Friðrik Dór, Eyþór Ingi, Hvanndalsbræður. Að venju er dagskrá hátíðarinnar fjölbreytt og henni lýkur ekki fyrr en á sunnudagskvöld. Skipuleggjendur hátíðarinnar segja að í tilefni þess að Akureyrarbær eigi 150 ára afmæli í ár þá eru allir hvattir til að mæta í afmælisskapi með blöðrur í hönd.////Þarna er gaman að skemmta sér segja flestir,og ekki bara 150 ára afmælisár!!!!! heldur að hafa af því gaman, og það kunna þeir þarna,vildi að maður væri yngri mundi ég velja Akureyri ekki spurning,þarna var maður í gamla daga ,og endurminningar eru til frá þeim tíma,vonum bara að allt fari eftir bókinni og vel fram//Halli gamli

Akureyringar í Fimmtudagsfíling

Tæpur en frábær sigur á Svíum/Samt sigur og það flott!!!!!!!

Tæpur en frábær sigur á Svíum Íþróttir | mbl | 2.8.2012 | 21:45 Strákarnir okkar unnu nauman sigur á Svíþjóð í A-riðli á Ólympíuleikunum í kvöld, 33:32, en lokamínúturnar voru gríðarlega spennandi. Þetta er fyrsti sigur Íslands gegn Svíþjóð á stórmóti síðan 1964.

Svíþjóð byrjaði betur í leiknum og var yfir eftir átta mínútur, 6:3. Þá sögðu strákarnir okkar hingað og ekki lengra, spiluðu frábæra vörn, fengu fullt af hraðaupphlaupum og leiddu í hálfleik, 17:13. Það sama var uppi á teningnum í seinni hálfleik þar sem Svíarnir höfðu fá svör við íslensku vörninni sem var að skila hraðaupphlaupsmörkum. Þegar fimm mínútur voru eftir voru Íslendingar yfir, 32:27.

Síðasta hluta leiksins voru íslensku strákarnir mikið að láta reka sig út af og þannig komust Svíar aftur inn í leikinn. Þeir minnkuðu muninn í eitt mark, 32:31, á lokamínútunni en Ásgeir Örn Hallgrímsson skoraði síðasta mark Íslands og tryggði sigurinn.

Svíar skoruðu síðasta markið en það dugði ekki til. Ísland vann, 33:32. Aron Pálmarsson var í ham í leiknum en hann skoraði níu mörk úr þrettán skotum og var gjörsamlega óstöðvandi.

Einn besti leikur Arons fyrir íslenska landsliðið. Guðjón Valur Sigurðsson og Alexander Petersson voru einnig öflugir og þeir Sverre og Ingimundur flottir í vörninni. Ísland er með sigrinum búið að tryggja sér sæti í 8 liða úrslitum en næsti leikur er gegn Frökkum á laugardaginn. Kristján Jónsson, blaðamaður Morgunblaðsins í London, fjallar nánar um leikinn í íþróttablaði Moggans á morgun.

Mörk Íslands: Aron Pálmarsson 9 Guðjón Valur Sigurðsson 7 Alexander Petersson 5 Ólafur Stefánsson 5 Arnór Atlason 3 Ingimundur Ingimundarson 2 Róbert Gunnarsson 1 Ásgeir Örn Hallgrímsson 1////////Menn voru að fara á límingunum  síðustu mínóturnar,þegar Svíðar tóku völdin í restina og unnu upp 6 marka sigur en ekki,samt tóks okkur að vinna, og vorum vel að þvi komnir ekki spurning!!!SVÍAGRILAN endanælega dauð vonandi,það er sennileg best fyrir okkur að vinna Frakkana einnig á Laugardag, og fá svo í næsta riðli bara sterkt lið !!hinn riðillin er svo sterkur,en áfram Ísland!!/Halli gamli

Tæpur en frábær sigur á Svíum

Þremur nýjum listabókstöfum úthlutað///ÚR nógu verður að velja!!!!!

Þremur nýjum listabókstöfum úthlutað Innlent | mbl.is | 2.8.2012 | 16:07 Innanríkisráðuneytið hefur úthlutað þremur nýjum listabókstöfum til stjórnmálasamtaka. Innanríkisráðuneytinu hafa borist nokkrar fyrirspurnir og erindi sem varða tilkynningar um ný stjórnmálasamtök og umsóknir um listabókstafi.

Erindin hafa verið afgreidd með tilvísum til 38. gr. laga um kosningar til Alþingis, nr. 24/2000. Eftirfarandi stjórnmálasamtök hafa uppfyllt skilyrði laganna og fengið úthlutað listabókstaf. Samstaða – flokkur lýðræðis og velferðar.Forsvarsmaður Lilja Mósesdóttir. Sótti um og fékk úthlutað listabókstafnum C.

Bjartsýnisflokkurinn. Forsvarsmaður Einar Gunnar Birgisson. Sótti um og fékk úthlutað listabókstafnum E.

Hægri grænir – flokkur fólksins. Forsvarmaður Guðmundur Franklín Jónsson. Sótti um og fékk úthlutað um listabókstafnum G.

Engin stjórnmálasamtök á skrá gerðu athugasemdir við þessar óskir. C var síðast úthlutað til Bandalags jafnaðarmanna og E var úthlutað til baráttusamtaka eldri borgara og öryrkja 2007. Hvað varðar listabókstafinn G hefur hann ekki verið notaður síðan 1995.//////Það verður nóg úr  að velja í næstu kosningum,og kann að vefjast fyrir mörgum,en ekki mér allavega ,en svona í alvöru er þetta gott fyrir okkur allir þessir flokkar og framboð,nei segi ég hiklaust þetta bara ruglar fólk og póltík ekki spurning//Halli gamli

Þremur nýjum listabókstöfum úthlutað

Ofbeldismaðurinn sjaldan fjarlægður///Það ber að veita lögreglu meira vald til að fjarlægja ólátareggi!!!

Ofbeldismaðurinn sjaldan fjarlægður Innlent | mbl | 2.8.2012 | 15:20 Á hverjum degi sinnir lögreglan á höfuðborgarsvæðinu verkefnum sem snúa að ofbeldi eða ófrið inni á heimilum.

Á síðasta ári voru alls bókuð 850 verkefni sem sneru að ofbeldi eða ófrið inni á heimilum og er það svipað og árið 2010, þegar um 900 bókanir voru skráðar. Ekki liggja fyrir nákvæmar upplýsingar um þróun mála fyrri hluta árs 2012 en bráðabirgðatölur benda þó til þess að ofbeldismálin séu færri það sem af er ári. Stutt síðan farið var að skrá heimilisofbeldi sérstaklega

Áður fyrr voru ofbeldismál innan veggja heimilis skráð eins og hvert annað líkamsárásarmál. Í eðli sínu eru þessi ofbeldismál hins vegar talsvert ólík og árið 2006 var gerð gangskör í því að taka heimilisofbeldi fastari tökum. Síðan þá hafa slík útköll verið skráð sérstaklega. Hörður Jóhannesson aðstoðaryfirlögreglustjóri á höfuðborgarsvæðinu segir að þessi mál séu oft erfið við að eiga.

Á bak við þau 850 tilvik sem skráð voru sem heimilisofbeldi árið 2011 eru margvíslegar aðstæður að sögn Harðar. Lögreglan hefur afskipti af ofbeldi eða ófriði í heimahúsum ýmist vegna þess að nágranni hringir og lætur vita eða einhver innan heimilisins biður um hjálp. Ekki er alltaf á ferðinni langvarandi líkamsmeiðingar og kúgun maka, heldur getur t.d. verið um að ræða ungt fólk sem ógnar foreldrum sínum í kjölfar fíkniefnaneyslu, ofbeldi sem beitt er af fjölskyldumeðlimi með geðræn vandamál eða þegar sýður upp úr milli hjóna vegna forræðisdeilna eða skilnaðar, o.s.frv.

„Þótt þetta sé alltaf alvarlegt þá er sem betur fer ekki mikið um grafalvarleg tilvik eins og þessi grófu og langvarandi ofbeldismál eru," segir Hörður. Lögregla kölluð til í óþökk heimilisfólks Í ársskýrslu lögreglunnar á höfuðborgarsvæðinu 2011 kemur fram að í um fjórðungi tilvika af 850 hafi líkamlegu ofbeldi verið beitt, en þar sem fólk hafi ekki verið að skaða hvert annað hafi dauðir hlutir fengið að finna fyrir því.

Eignaspjöll og grófar hótanir fylgi oft sögunni. Stundum voru börn inni á heimilunum og segir í skýrslunni að það sé dapurlegur hluti af störfum lögreglu að koma að slíkum málum. Það sem hins vegar gerir aðkomu lögreglu flóknari er að sögn Harðar sú staðreynd að þessi mál eiga sér stað inni á heimilum fólks, þar sem lögregla hefur takmarkað vald til afskipta.

„Stundum kemur lögregla í óþökk þeirra sem inni á heimilinu eru. Þetta getur verið af öllu tagi, stundum er þetta drykkja á heimilinu sem leiðir til þess að fólk fer að rífast og slást og nágrannarnir láta vita en þegar lögregla kemur vill fólkið ekki tala við hana.

Við kunnum líka margar sögur af því þegar bráir af fólki eftir helgina og það hættir við að vilja gera eitthvað í málinu." Vísa fólki þangað sem það getur fengið hjálp Það hve fjölbreytt þessi ofbeldis- og ófriðarmál á heimilum eru þýðir líka að það er engin ein lausn sem lögregla getur gripið til á vettvangi. Fyrst og fremst er reynt að stilla til friðar og forða meiðslum og eyðileggingu. Úrræðin sem lögreglan hefur er fyrst og fremst að vísa fólki áfram eftir atvikum, t.d. á Kvennaathvarfið, eða kalla til barnayfirvalda ef velferð barna er í hættu.

Um svipað leyti og byrjað var að skilja heimilisofbeldi frá öðrum líkamsárásarmálum í skrám lögreglu endurvakti Félagsmálaráðuneytið sérstakt meðferðarúrræði fyrir karla sem beita ofbeldi á heimilum. Úrræðið nefnist Karlar til ábyrgðar og hefur reynst vel, því frá 2006 til ársloka 2011 hafa 162 karlar leitað sér hjálpar. Ekki er hægt að skikka menn í meðferðina ef þeir vilja hana ekki sjálfir og lögregla hefur að sögn Harðar reynt að beina mönnum þangað, með litlum árangri þó. „Við áttum eyrnamerkt pláss þarna og höfðum tilvísunarrétt, en menn virtust ekki tilbúnir til þess.

Einhverra hluta vegna eru fáir sem þiggja það eftir bein afskipti lögreglu.“ Austurríska leiðin lítið nýtt Eitt er það úrræði sem verið hefur til staðar í rúmt ár en lítið hefur reynt á, en það er hin s.k. austurríska leið, sem Alþingi samþykkti sem lög í júní 2011.

Samkvæmt austurrísku leiðinni hefur lögreglustjóri eða fulltrúi hans heimild til að fjarlægja ofbeldismanninn sjálfan af heimilinu og er hugsunin sú að styrkja réttarstöðu fórnarlambs ofbeldisins, sem þarf þá ekki að flýja heimili sitt í ofanálag við að vera beitt ofbeldi.

Sem fyrr segir hefur austurríska leiðin verið í gildi í rúmt ár en hefur aðeins tvisvar sinnum verið beitt á þeim tíma, nú síðast í maí. Auk þess nýtti lögreglan á Akureyri eitt sinn ákvæðið til að fjarlægja mann af heimili vegna ofbeldis, en þeirri ákvörðun var hnekkt í Héraðsdómi Norðurlands. 174 konur og börn flýðu heimili sín í fyrra Sigþrúður Guðmundsdóttir framkvæmdastýra Kvennaathvarfsins segir að miðað við þau mál sem komi inn á borð til þeirra eigi hún erfitt með að trúa því að ekki hefði verið hægt að beita þessu ákvæði oftar síðustu 14 mánuði.

Árið 2011 dvöldu samtals 174 konur á börn í Kvennaathvarfinu sem ekki gátu búið heima hjá sér vegna ofbeldis. „Við vissum að við myndum áfram vera með fullt hús hjá okkur, að þetta myndi ekki hafa það afgerandi áhrif strax, en það eru vonbrigði að það hafi ekki gerst oftar. Mér finnst allavega úrræðið sorglega máttlaust ef tilfellið er að það sé fullnýtt svona."//////Maður veit að þetta er erfitt verkefni lögreglu!!! og svo annarra,en það er svo að ég og sennilega flestir vilja ,að þessum lögum verði breytt endanlega ,allavega til eins árs í senn ,ef hægt er og skoða svo hvað breytist það er málið að lögregla getur ekki við svo búið lengur,og að sjálfsöðu ekki heldur þeir sem fyrir þessu verða,Lögregla hefur mikið meira en nóg á sinni könnu ekki spurning/Halli gamli

Ofbeldismaðurinn sjaldan fjarlægður

Hiti yfir meðallagi um allt land/Flott og við eigum þetta inni!!!!

Hiti yfir meðallagi um allt land Innlent | mbl.is | 2.8.2012 | 15:00 Júlímánuður var mjög hlýr um landið suðvestan- og vestanvert og hiti var yfir meðallagi um land allt. Úrkoma var nær allstaðar undir meðallagi en þó var ekki nærri því eins þurrt og í júní. Sólskinsstundir voru óvenjumargar norðanlands og vel yfir meðallagi syðra.

Hægviðrasamt var í mánuðinum. Þetta kemur fram í yfirliti Veðurstofunnar. Meðalhiti í Reykjavík mældist 12,5 stig, 1,9 stigi ofan meðallags og er þetta tíundi hlýjasti júlímánuður sem vitað er um i Reykjavík.

Í Stykkishólmi var meðalhitinn 11,8 stig og er það 1,9 stigum yfir meðallagi. Á Akureyri var meðalhitinn 11,7 stig, eða 1,2 stigum yfir meðallagi, og á Egilsstöðum var hiti í meðallagi. Þetta er hlýjasti júlímánuður síðan mælingar hófust á Stórhöfða í Vestmannaeyjum haustið 1921. Meðalhiti mánaðarins var hæstur í Skarðsfjöruvita, 13,1 stig, og 12,8 stig í Surtsey. Lægstur var meðalhitinn á Brúarjökli, 3,3 stig. Á láglendi var meðalhitinn lægstur í Seley, 7,6 stig. Tvö landsdægurmet féllu í mánuðinum. Þann 1. mældist frost -3,5 stig á Gagnheiði – eldra met var -3,0 stig sett á Staðarhóli í Aðaldal 2001. Þ. 10. mældist frostið -2,8 stig á Gagnheiði – eldra met var sett á Vöglum í Fnjóskadal 1963. Úrkoma Fremur þurrt var á landinu og úrkoma alls staðar minni en í meðalári. Ekki var þó jafnþurrt og verið hefur mánuðina á undan.

Úrkoma mældist 35,0 mm í Reykjavík og er það um tveir þriðju hlutar meðalúrkomu. Á Akureyri mældist úrkoman í júlí 25,4 mm og er það um 77 prósent meðalúrkomu. Á Höfn í Hornafirði mældist úrkoman 59,0 mm. Á Stórhöfða í Vestmannaeyjum var heildarúrkoma mánaðarins 39,7 mm sem er 42 prósent meðalúrkomu. Sólskinsstundir Sólríkt var bæði í Reykjavík og á Akureyri. Í Reykjavík mældust sólskinsstundirnar 219,7 og er það 48 stundum umfram meðallag. Á Akureyri mældust sólskinsstundirnar 237,4. Þetta er nærri því jafnmikið og mest hefur mælst þar í júlí áður, en í sama mánuði 1929 skein sól í 238,6 stundir.

Í Reykjavík eru sólskinsstundirnar síðustu þrjá mánuði nú orðnar 836,6 og hafa aldrei orðið fleiri í þessum sömu mánuðum ársins. Sól hefur skinið í samtals 783 klukkustundir síðustu þrjá mánuði á Akureyri (maí til júlí) og er það nýtt met í þessum mánuðum. Fyrstu sjö mánuðir ársins Hlýtt hefur verið á landinu það sem af er ári og er tímabilið í hópi þeirra allra hlýjustu sem vitað er um hér á landi.

Í Reykjavík, Stykkishólmi og Vestmannaeyjum hafa aðeins fjögur tímabil verið hlýrri en nú – miðað við sjö fyrstu mánuðina, sex ár hafa verið hlýrri á Akureyri en 14 á Teigarhorni. Tafla sýnir hlýjustu tímabilin á hverjum stað. Þrátt fyrir þurrkana í vor og framan af sumri er úrkoma enn yfir meðallagi á landinu miðað við fyrstu sjö mánuði ársins því óvenju úrkomusamt var fyrstu mánuðina. Sólskinsstundir hafa verið óvenjumargar í Reykjavík og hafa aðeins einu sinni verið fleiri fyrstu sjö mánuði ársins. Það var 1924. Sólskinsstundir fyrstu sjö mánuðina ársins hafa tvisvar að auki verið nánast jafnmargar og nú. Það var 2007 og 1928

. Tölurnar frá Akureyri eru enn óvenjulegri því sólskinsstundir þar hafa aldrei verið fleiri fyrstu sjö mánuði ársins – og munar miklu, eða um hundrað stundum, umfram næsthæsta gildið (2000). Sólskinsstundir það sem af er árinu 2012 eru nú orðnar jafnmargar og var á heilu ári að meðaltali á árunum 1961 til 1990.////////Manni finnst sem kannski er frekt!!! að við bara eigum þetta inni!!!! eða svoleiðis að mínu mati,þetta er dásamlegt að fá svona mikið gott blíða og sól,þó svo þurkar hafi verið miklir er það rigning, sem kom og bjargaði mörgum þó ekki öllum!!!,en þetta er með því betra sem við höfum fengið lengi/Halli gamli

Hiti yfir meðallagi um allt land

Halda úreltu skipulagi í Kvos til streitu///Við bara látum þetta ekki viðgangast!!!

Halda úreltu skipulagi í Kvos til streitu Innlent | mbl.is | 2.8.2012 | 13:40 Stjórn Íbúasamtaka miðborgar lýsir yfir vonbrigðum með þá afstöðu Reykjavíkurborgar að halda til streitu meginþáttum Kvosarskipulags frá 1987.

Þrátt fyrir yfirlýsta stefnu borgarinnar um að ný byggð bæti hina eldri fremur en að rýra gæði hennar verður ekki annað séð en gengið sé á almannrými og ný hús meðal hinna eldri séu í hróplegu ósamræmi við þau vegna hæðar og umfangs.

Eru þá einkum höfð í huga fyrirhuguð hús við Vallarstræti. Þá telur stjórnin að mikil eftirsjá sé að Nasasalnum eða gamla Sjálfstæðishúsinu. Stjórnin hefur efasemdir um að mikil fjölgun gistirýma muni stuðla að fjölbreytilegu og skapandi mannlífi í miðborginni. Þetta kemur fram í samþykkt samtakanna sem gerð var á fundi þeirra 31. júlí.

Stjórnin telur ljóst að skipulagið frá 1987 sé úrelt og nýlega hugmyndasamkeppni ekki breyta þeirri niðurstöðu. „Það hlýtur að vera krafa Reykvíkinga að þetta skipulag miðborgarinnar sé endurskoðað með hagsmuni íbúa og almennings að leiðarljósi í stað þess að áhersla sé enn einu sinni lögð á að mæta fjárhagslegum hagsmunum lóðarhafa. Stöðug hræðsla borgaryfirvalda við bótaskyldu má ekki leiða til þess að bersýnileg skipulagsmistök séu látin standa lítt eða óhreyfð.

Gera ber kröfu um að lóðarhafar sýni fram á raunverulegt tjón af endurskoðuðu skipulagi, eftir atvikum fyrir dómstólum. Með því að láta skipulagið 1987 standa í verulegum atriðum óhreyft á kostnað íbúa og almennings telur stjórn Íbúsamtaka miðborgarinnar að meiri hagsmunum sé fórnað fyrir minni til lengri tíma litið,“ segir í samþykkt Íbúasamtaka miðborgarinnar.//////Svona aðferðir verða ekki liðnar als ekki ,hverslags yfirgangur er þetta!!! að verða innan skipulags Borgarinnar okkar bara vaðið á súðum og við að engu höfð sem erum Borgara hér fæddir og uppaldir Reykvíkingar,við mótmælum þessu kröftulega og látum þessa spekinga ekki eyðileggja  miðbæjin okkar !!!og ekki bara hanna, heldur ættla að leggja 101 í rúst að mínu áliti,við eigum jú þetta saman er það ekki???/Halli gamli

Halda úreltu skipulagi í Kvos til streitu