Dauði viðræðnanna stórlega ýktur/nei það vonar maður ekki,hættum þessum leik!!!!

Dauði viðræðnanna stórlega ýktur Innlent | mbl.is | 17.1.2013 | 17:14 Sendiráð Íslands í Brussel hefur séð sig knúið til þess að senda frá sér yfirlýsingu þar sem lögð er áhersla á að íslensk stjórnvöld hafi ekki frestað viðræðunum um inngöngu Íslands í Evrópusambandið heldur hægt á þeimYfirlýsingin er send út í kjölfar frétta erlendra fjölmiðla þar sem fjallað hefur verið um yfirlýsingu íslenskra stjórnvalda fyrr í vikunni, vegna ákvörðunar þeirra um að hægja á viðræðunum, þannig af ýmsum fjölmiðlum erlendis að verið væri að fresta (e. suspend) viðræðunum.

Þar á meðal bandaríska dagblaðið New York Times og fréttaveitan Reuters. Er sendiráðið ekki sátt við það orðalag.

Fram kemur í tilkynningu sendiráðsins sem undirrituð er af Þóri Ibsen, sendiherra Íslands, að fréttir af dauða viðræðnanna séu stórlega ýktar og þar vitnað í fræg ummæli bandaríska rithöfundarins Marks Twain.

Er síðan ítrekað að áfram verði unnið með þá kafla viðræðnanna sem opnaðir hafi verið og samningsafstaða liggi fyrir í af hálfu Íslands en kaflarnir um sjávarútvegs- og landbúnaðarmál og tveir tengdir kaflar geymdir fram yfir þingkosningar.

Fjallað er um málið á fréttavefnum Euractiv.com í dag og segir Þórir að núverandi ríkisstjórn hafi talið rétt að hægja á viðræðunum fram yfir kosningar meðal annars til þess að ekki þyrfti að taka ákvarðanir vegna þeirra rétt fyrir kosningar.

Það væri ekki lýðræðislegt svo nálægt kosningunum.

Greint er frá því að Samfylkingin hafi fengið mest fylgi í kosningunum 2009 og þar með ýtt Sjálfstæðisflokknum úr stóli sem stærsti flokkur landsins.

Skoðanakannanir bendi nú til þess að Sjálfstæðisflokkurinn, sem ég andvígur inngöngu í Evrópusambandið, hafi 36% fylgi en Samfylkingin 19%.

Þórir er spurður að því hvort hann telji að ný ríkisstjórn kunni að hafa meiri efasemdir um inngöngu í Evrópusambandið en núverandi stjórn en hann segir það ekki sitt að svara því.

Hins vegar standi vonir til þess að viðræðunum verði haldið áfram eftir kosningarnar.//////////////Þórir segir Þórir segir bara það sem Össur segir honum að segja,eða hver heldur annað??en eins og við vonum, sem ekki viljum fórna frelsinu og fara þarna inn erum við viss nokkuð að þessi ríkisstjórn verður ekki áfram eftir kosningar ,og þá er nokkur víst að hætt verður!! við lesum það að þeir ætla minka frelsi þjóðana 27 og auka yfirráðin yfir þeim,er þetta það sem við viljum,nei ábyggilega ekki,ég mundi vilja ganga úr EES og semja bara tvíhliða við hvar ríki,og flýta samningum við Kínverja Indverja og Japani,og einnig Rússa,það er þar sem framtíðin er!!!en ekki í henni Evrópu!!!!en í öllu þessu ferli er okkur best að vera vinir sem flestra,en ekki bara Norðurlanda,og Evrópu!!!!!//Halli gamli

Dauði viðræðnanna stórlega ýktur

Selur meirihlutann í Iceland/Það kemur ekki til af góðu,en vonandi nær Jóhannes sér aftur á strik: með heilsuna blessaður!!!

Selur meirihlutann í Iceland Viðskipti | mbl.is | 17.1.2013 | 15:32 Félag í eigu Árna Péturs Jónssonar hefur keypt 51% hlut í fyrirtækinu Ísland-Verslun sem á og rekur verslanirnar Iceland hér á landi.

Samhliða sölunni lætur Jóhannes Jónsson af störfum sem framkvæmdastjóri félagins og tekur við sem stjórnarformaður en ástæðan fyrir sölunni eru veikindi Jóhannesar.

Félag í eigu Árna Péturs Jónssonar hefur keypt 51% hlut í fyrirtækinu Ísland-Verslun hf. sem á og rekur matvöruverslanirnar Iceland hér á landi.

Kaupin eru gerð með fyrirvara um samþykki Samkeppniseftirlitsins. Hluturinn er keyptur af Jóhannesi Jónssyni sem eftir söluna á 12% hlut í Ísland-Verslun.

Annar hluthafi í Ísland-Verslun hf. er félag í eigu Iceland Foods í Bretlandi, sem á 37% hlut.

Samhliða sölunni lætur Jóhannes Jónsson af störfum sem framkvæmdastjóri félagins og tekur við sem stjórnarformaður, samkvæmt fréttatilkynningu.

Seldur vegna veikinda Haft er eftir Jóhannesi í fréttatilkynningu: „Þetta var nú ekki planið hjá mér. En í ljósi þess að veikindi mín hafa tekið sig upp aftur þá mun ég þurfa að verja tíma mínum og kröftum í að takast á við þau.

Ég mun því ekki geta sinnt þeirri uppbyggingu á Iceland búðunum eins og þarf að gera.

Ég verð því að eftirláta öðrum það verkefni. Jóhannes Jónsson, stofnandi Bónuss, opnaði Iceland verslun í lok júlí í Engihjalla í Kópavogi.

Morgunblaðið/RAX Ég treysti Árna Pétri fullkomlega fyrir því verkefni. Við höfum unnið saman áður og hann þekkir vel inn á matvörumarkaðinn.

Undirbúningur og opnun verslana Iceland hér á landi hefur verið ævintýri líkast og er ég þakklátur þeim miklu og góðu móttökum sem ég hef fengið hjá viðskiptavinum okkar og óska eftir áframhaldandi stuðningi frá þeim.

Það er von mín og trú að Iceland eigi eftir að vaxa og styrkjast á íslenska matvörumarkaðinum.“ Árni Pétur segir í fréttatilkynningu að kaupin séu spennandi tækifæri.

„Þrátt fyrir að ekki sé langt síðan að fyrsta Iceland verslunin hafi opnað hér á landi þá sé félagið og vörumerki þess þekkt.

Móttökur neytenda hafa verið góðar enda bjóði félagið upp á ýmsar vörunýjungar og lágt verð. Stefnt sé að áframhaldandi sókn inn á íslenska matvörumarkaðinn.

“ Árni Pétur Jónsson Árni Pétur keypti Tíu-ellefu verslunarkeðjuna af Arion banka sumarið 2011. Hann var áður forstjóri Teymis og Vodafone en lét af störfum hjá félögunum árið 2009. Hann stýrði áður matvælasviði Baugs./////////////Þetta voru slæmar fréttir af Jóhannesi og vonum við það besta um hans heilsu að hann berjist áfram með að halda henni með hjálp lækna og heilsuteymis!!!en þetta er þó gott að hafa þarna mann sem tekur við, sem öllu er vanur í svona matvöruviðskiptum,það er okkar sem verslum, mikils virði að halda verðinu niðri ekki veitir af á þessum síðustu verstu tímum!!Ekki þekki ég þennan Árna en hefi séð hann vonandi dugnaðarforkur eins og Jóhannes ,það eiginlega hlýtur að vera!!!En þetta eru fréttir sem slá alla sem þekkja Jóhannes af öllu góðu,þótt að menn séu en að skíta hann út meira og mynna/Halli gamli

Selur meirihlutann í Iceland

Ræðst hvort hægt verði að klára málið//Jóhanna er ekki í lagi fremur en hennar áherslur,als ekki!!!

Ræðst hvort hægt verði að klára málið Innlent | mbl.is | 17.1.2013 | 13:57 Þingmenn Sjálfstæðisflokksins mótmæltu því harðlega í umræðum á Alþingi í morgun að verið væri að keyra umsagnarferli um frumvarp að nýrri stjórnarskrá á alltof miklu hraða í gegnum nefndir þingsins og án þess að eðlileg umræða gæti farið fram í þeim um málið.

Ræðst hvort hægt verði að klára Bjarni Benediktsson, formaður Sjálfstæðisflokksins, hóf umræðuna og sagði ljóst að þingið hefði runnið út á tíma fyrir nokkru síðan til þess að fara í heildarendurskoðun á stjórnarskránni. Vísaði hann þar meðal annars í gagnrýni sérfræðinga á málið.

Engu að síður hefði Jóhanna Sigurðardóttir, forsætisráðherra, lýst því yfir nýverið að málið væri eitt af forgangsverkefnum ríkisstjórnarinnar og að ekkert annað kæmi til greina en að halda því áfram.

Bjarni Benediktsson, formaður Sjálfstæðisflokksins. mbl.is/Kristinn Ingvarsson Bjarni sagði að síðast hefði það gerst á fundi utanríkismálanefndar Alþingis í morgun að komið hefði fram að óformleg ákvörðun hefði verið tekin um að stjórnskipunar- og eftirlitsnefnd þingsins, sem heldur utan um stjórnarskrármálið, lyki sínum störfum á allra næstu dögum.

Þess vegna lægi á að utanríkismálanefnd skilaði sínu áliti. Hins vegar væri ekki búið að ljúka umræðu um málið í nefndinni og fyrir vikið stefndi í að hún myndi aðeins skila inn einhvers konar sjónarmiðum til stjórnskipunar- og eftirlitsnefndar.

Viljað að málið væri komið lengra „Ég vil bera það upp við hæstvirtan forsætisráðherra hvort það sé virkilega svo að það sé ein af hennar helstu kröfum til þingsins að málið verði í heild sinni klárað núna bara á næstu dögum vegna þess að þetta setur stjórnskipunar- og eftirlitsnefnd í þá vandræðalegu stöðu að þurfa núna bara næstu sólarhringana að fara að senda frá sér algerlega ófullkomið og illa ígrundað álit undir stöðugum ábendingum sérfræðinga um að málið sé ekki nægjanlega vel undirbúið,“ sagði hann.

Jóhanna sagði það hafa legið lengi fyrir að ríkisstjórnin legði áherslu á að klára stjórnarskrármálið á kjörtímabilinu.

Málið hefði verið í gangi meira eða minna allt kjörtímabilið allt frá árinu 2009. Hún sagði málið komið styttra á veg en hún hefði sjálf óskað á þessum tímapunkti þegar ekki væri meira eftir af kjörtímabilinu.

Hins vegar væri það í höndum stjórnskipunar- og eftirlitsnefndar og beðið væri eftir því að nefndir þingsins skiluðu álitum sínum.

Til þess hefðu þær fengið mánuð sem væri fremur rúmur tími til þess en sú vinna hefði gengið hægt. Viðræður í gangi við stjórnarandstöðuna „Málið er bara í höndum stjórnskipunar- og eftirlitsnefndar.

Ég vona að hún komist að niðurstöðu um það hvernig best er að haga fyrirkomulagi í þessu máli.

Mér er kunnugt um það að forystumenn stjórnskipunar- og eftirlitsnefndar hafa verið í samtölum við forystumenn stjórnarandstöðunnar um þetta mál og hvernig best sé að halda á því.

Ég leyni því ekki að ég tel að það sé skynsamlegast að halda á því með þeim hætti að menn setji niður tímaplan í þessu máli þar sem að lagt verður upp með hvernig þetta mál verður rætt hér á Alþingi og síðan verður bara að leiða það í ljós hvort að menn klári þetta mál endanlega en það er mín eindregin ósk að svo verði,“ sagði Jóhanna.

Bjarni var ekki sáttur við svörin og sagði Jóhönnu svara út og suður. Hann minnti á að málið snerist um stjórnarskrána og það væri ekki hægt að kasta til höndunum við endurskoðun hennar.

Sagði hann að svo virtist sem forsætisráðherra væri umhugað um það eitt að klára málið.

Hins vegar væri fullkomlega óraunhæft að ljúka heildarendurskoðun stjórnarskrárinnar á kjörtímabilinu. Jóhanna vísaði til sjálfstæðis þingsins og sagðist ekki stjórna störfum stjórnskipunar- og eftirlitsnefndar þess.

Sagði hún rétt að kanna með viðræðum við stjórnarandstöðuna hvort hægt væri að komast að sameiginlegri niðurstöðu um það að ljúka málinu. Málið væri í höndum þingsins.///////////////Frekjan og yfirgangur þessarar ríkisstjórnar og Jóhönnu er með eindæmum að ætla i trassi við tæpan minnihluta að koma þessu i gegn stjórnaskrá Íslands er til skammar og ekkert annað,það ber að samskoða þetta ofanný kjölinn og ná sáttum og það vel allavega 2/3 hlutum og þessi liggur bara ekkert á næsta þing sér um  það,eftir Apríl kosningarnar og ekki annað en nóg að gera fyrir því það bíður fullt af málum og ef ekki verður tekið á skuldum heimilanna þá er fokið í flest skjól og við gerum bara uppreystn ekki spurning og klára fleira!!!/Halli gamli

Ræðst hvort hægt verði að klára málið

Wenger staðfestir áhuga á Cavani/Flott þú verður að kaupa menn Wenger!!!!

Wenger staðfestir áhuga á Cavani Íþróttir | mbl.is | 17.1.2013 | 12:45 Arsene Wenger knattspyrnustjóri Arsenal hefur staðfest áhuga á Edinson Cavani, framherja Napoli.

Cavani hefur skorað 16 mörk í ítölsku A-deildinni á þessari leiktíð. Wenger var spurður um áhuga á Úrúgvæjanum í dag.

„Cavani er leikmaður sem ég kann vel að meta. Mun hann kosta mikið? Það er víst. Enginn myndi neita því en gjaldkerinn okkar býr við hliðina á mér í augnablikinu og er klár ef við finnum rétta leikmanninn,“ sagði Wenger sem staðfesti einnig áhuga á Wilfried Zaha, kantmanni Crystal Palace.

Zaha er einnig í sigti Manchester United. „Við erum að skoða Zaha en höfum ekki gert tilboð í hann. Ég veit ekki hvort Manchester United er að reyna að fá hann. Það er líka sama hvaða félag maður talar við, manni er alltaf sagt að Man.

Utd, Milan eða Real Madrid sé að reyna að fá leikmanninn og maður veit ekki hvort það er satt eða ekki,“ sagði Wenger.

Hann áréttaði einnig að 99% líkur væru á að Theo Walcott myndi gera nýjan samning við félagið líkt og greint var frá fyrr í dag.//////////////Það er svo að Wenger verður að bæta liðið ef hægt er og peningar eru til!!og þessu tækifærum á hann ekki að sleppa og við bara heimtum minnsta kosti Meistarasæti ekkert mynna,og það við sitjum við í að vinna deildina næsta ár!!!!Halli gamli

Wenger staðfestir áhuga á Cavani

Þurfum aðstoð frá Dönum/Það er svo að þessi úrslit eru okkur margþætt!!!

Þurfum aðstoð frá Dönum Íþróttir | Morgunblaðið | 17.1.2013 | 7:13 Ætli strákarnir okkar í íslenska handboltalandsliðinu að forðast fjórða sætið í B-riðlinum á HM á Spáni og þar með væntanlega viðureign gegn heims- og ólympíumeisturum Frakka í 16-liða úrslitum þarf tvennt að gerast.

Fyrst og fremst þarf Ísland að vinna Katar í lokaumferð riðilsins á morgun. Það er vissulega skylduverkefni fyrir íslenska liðið en Katar sýndi í gær að það er þó með betra lið en Síle með sigri í leik liðanna, 31:23.

Íslensku strákarnir eru þó ekki með örlögin í eigin höndum fyrst Makedóníumenn náðu í mikilvægt stig með ótrúlegu jafntefli, 29:29, gegn Rússlandi í gær.

Makedónía er með fimm stig, stigi meira en Ísland, og mætir Danmörku á morgun. Vinni Ísland sigur á Katar verða Danir í það minnsta að ná jafntefli gegn Makedóníu til að Ísland endi í þriðja sæti riðilsins. Liðin yrðu þá bæði með sex stig en Ísland fengi þriðja sætið á sigri í innbyrðis viðureign.

Vinni Makedónía aftur á móti Danmörku endar Ísland í fjórða sæti með sigri á Katar og mætir þá Frakklandi nær örugglega í 16-liða úrslitum.

Þetta miðast allt við sigur Rússa gegn Síle sem ætti að vera nokkuð borðleggjandi. Fari allt á versta veg og Ísland tapi óvænt fyrir Katar á föstudaginn enda strákarnir í fimmta sæti og fara þá ekki í útsláttarkeppnina heldur forsetabikarinn.

Þar sem liðin í A-riðli skiptast á að vinna hvort annað er ekki enn hægt að spá hverjum Íslendingar myndu mæta í 16-liða úrslitum.

Mótherjinn verður Þýskaland, Túnis, Brasilía eða Argentína. Í 8-liða úrslitum yrði mótherjinn nær örugglega sigurvegari D-riðils sem verður Króatía eða Spánn. //////////////////Þetta er orðið flókið mál og lesið það þarna en við bara vonum það besta að við verum heppnir og Danir vinni Makedoíu það bjargar okkur dálítið!! svo að við verum heppnir og í góður formi komumst við í 8 liða úrslit ekki meir að sinni,en vonandi áfram!!!!!En það er óskhyggja!!!!/Halli gamli

Þurfum aðstoð frá Dönum

Sakaði forsætisráðherra um ofríki/Það er ekki orðum aukið,mikið verðum við fegin þegar hún hættir!!!!

Sakaði forsætisráðherra um ofríki Innlent | mbl.is | 17.1.2013 | 12:00 Miklar umræður spunnust á Alþingi í morgun umumsóknina um inngöngu í Evrópusambandið.

Bæði í óundirbúnum fyrirspurnum og í umræðum um störf þingsins sem fram fóru í kjölfarið.

Snerust þær ekki síst um þá ákvörðun að víkja Jóni Bjarnasyni, þingmanni VG, úr utanríkismálanefnd. áður en tillaga, sem hann var einn flutningsmanna að og snýst um að viðræður við ESB verði lagðar til hliðar og ekki teknar upp aftur nema með samþykki í þjóðaratkvæði, væri tekin fyrir í nefndinni.

Var forsætisráðherra sakaður um að reyna með því að stjórna störfum þingsins og vega að sjálfstæði þess. Jón beindi þeirri fyrirspurn til Jóhönnu Sigurðardóttur, forsætisráðherra, hvort það væri ekki enn í fullu gildi sem kveðið væri á um í stjórnarsáttmála VG og Samfylkingarinnar að stjórnarþingmenn hefðu rétt á sinni sannfæringu í málinu og til þess að berjast fyrir henni innan og utan þings.

Hann lagði ennfremur áherslu á að umsóknin um aðild að ESB hefði ekki verið ríkisstjórnarmál enda hefði það verið lagt fram sem þingmannamál þar sem hluti þingmanna VG hefði ekki getað stutt það.

Sagði hann að líklega hefði aldrei komið til stjórnarsamstarfs flokkanna ef ekki hefði verið búið um hnútana með þeim hætti.

Málfrelsið ekki tekið af þingmönnum Jóhanna svaraði því til að hún vissi ekki betur en að samþykkt hefði verið í flokksstofnunum VG og Samfylkingarinnar að málið yrði sett í þann farveg sem gert hefði verið og kveðið væri á um í stjórnarsáttmálanum og umsóknin síðan samþykkt á Alþingi með drjúgum meirihluta atkvæða.

Þá sagðist hún ekki vita til þess að málfrelsi hefði verið tekið af Jóni eða öðrum þingmönnum vegna málsins.

Hitt væri svo annað mál að stjórnarsáttmálinn væri skýr um málsmeðferðina. Jón sakaði forsætisráðherra um ofríki gagnvart Alþingi og að beita sér gegn því að málið færi aftur til Alþingis eins og tillagan í utanríkismálanefnd kvæði á um. Lagði hann áherslu á að þingið réði framvindu málsins en ekki ráðherrann. Jóhanna ítrekaði að stjórnarsátt

málinn væri skýr í þessum efnum og sagðist hún ekki skilja hvers vegna þyrfti að stafa hann fyrir þingmenn.

Tillagan í utanríkismálanefnd hefði gengið gegn sáttmálanum ef hún hefði náð fram að ganga. Málið haldi áfram á næsta kjörtímabili Þá lagði Jóhanna áherslu á að þingsályktunartillagan sem samþykkt var á Alþingi sumarið 2009 um að sótt yrði um aðild að ESB gerði ráð fyrir því að málið héldi áfram á næsta kjörtímabili á meðan henni hefði ekki verið breytt.

Gunnar Bragi Sveinsson, þingflokksformaður Framsóknarflokksins, tók málið síðan upp í umræðum um störf þingsins og sagði forsætisráðherra hafa viðurkennt í umræðunni að hafa beitt hótunum til þess að hindra að tillagan í utanríkismálanefnd næði fram að ganga.

Fór hann fram á það við forseta Alþingis að hann tæki málið upp við forsætisráðherra. Þessum ásökunum hafnaði Jóhanna alfarið. Össur Skarphéðinsson, utanríkisráðherra, lagði orð í belg í umræðunni og sagði að tillaga eins og sú sem komið hefði fram í utanríkismálanefnd hefði þegar verið felld á Alþingis síðastliðið sumar. Þingviljinn hefði þar með komið fram í málinu.

Ásmundur Einar Daðason, þingmaður Framsóknarflokksins, benti hins vegar á að ýmsir þingmenn sem greiddu atkvæði gegn þeirri tillögu hefði rökstutt það með því að koma þyrfti fram sjálfstæð tillaga um málið en sú tillaga gekk út á að kosið yrði um málið í sömu kosningum og á sama kjörseðli og um tillögu að nýrri stjórnarskrá.

Sagði Ásmundur að slík sjálfstæð tillaga væri nú í utanríkismálanefnd.///////////////Oft ratast kjöftugum satt á munn,þetta er í raun ekki illa ,meint til Jóns Bjarnasonar,en hann er vel talandi ,og á engin neitt inni hjá honum,og lætur hann Forsætisráðherra hafa það óþvegið enda komin  tími y til að lýsa algjöru frati á hana,það mætti halda að þessi þráhyggja hennar sé  að versna en nóg var hún fyrir,þessi manneskja er ómannleg og eiginlega hættuleg okkur Íslendingum,við sirkjum ekki að lostna við hana!!!! og það komin tími til,þessi skoðun er  bara tölufest að engin hefur mynna fylgi í skoðunarkönunum en hún,svo sá næsti álistanum er Steingrímur sem ætlar að vara áfram að gera okkur allt til miska!!!!!En það er svo að þola verum við þetta ofræði í 38 daga ennþá það er að segja á Alþingi,svo vonandi kemur betri stjórn,ef allt fer eftir bókinni/Halli gamli 

Sakaði forsætisráðherra um ofríki