Chelsea 11 stigum frá Arsenal//mitt lið varð að lúta í gras einu sinni enn!!!!!


Frank Lampard skoraði annað mark Chelsea gegn Arsenal í dag.Chelsea 11 stigum frá Arsenal Íþróttir | mbl.is | 20.1.2013 | 15:22 Chelsea vann 2:1 sigur á Arsenal í fyrri stórleikdagsins í ensku úrvalsdeildinni.

Chelsea er nú með 45 stig í 3. sæti deildarinnar, ellefu stigum á undan Arsenal sem er í 6. sæti.

Chelsea er jafnframt tíu stigum á eftir toppliði Manchester United sem mætir Tottenham kl. 16.

Chelsea var mun betri aðilinn í fyrri hálfleiknum í dag og komst í 2:0 á fyrsta korterinu með marki Juan Mata og öðru frá Frank Lampard úr vítaspyrnu.

Theo Walcott minnkaði muninn þegar enn var rúmur hálftími til leiksloka en þar við sat. Fylgst var með gangi mála hér á mbl.is. /////////////////þetta var ekki gott hjá mínum mönnum í fyrri hálfleik,en mikið betri í seinni og hefðu allavega átt að jafna,en það fór sem fór,Wengar kaupa fleiri menn!!!!!áfram Arsenal!!!!/Halli gamli


mbl.is Chelsea 11 stigum frá Arsenal
Tilkynna um óviðeigandi tengingu við frétt

Framkvæmdir framundan á Keflavíkurvelli//hvað líður skuldum þessarar flugstöðvar???

FramkvLoftmynd af Keflavíkurflugvelliæmdir framundan á Keflavíkurvelli Viðskipti | mbl | 19.1.2013 | 10:30 Á síðasta ári fóru um 2,4 milljónir farþega um Flugstöð Leifs Eiríkssonar, en það var fjölgun um 12,7% frá árinu á undan.

Áfram er gert ráð fyrir töluverðri fjölgun ferðamanna um stöðina á komandi árum og því er nauðsynlegt að horfa nokkur skref fram í tímann varðandi frekari uppbyggingu og breytingar. Björn Óli Hauksson starfaði frá 2008 sem forstjóri Keflavíkurflugvallar, en frá árinu 2010 hefur hann verið forstjóri Isavia, sem annast rekstur og uppbyggingu allra flugvalla á Íslandi og stýrir jafnframt flugumferð í íslenska flugstjórnarsvæðinu.

Í viðtali við mbl.is ræðir hann um væntanlegar breytingar, áhrif gengissveiflna á reksturinn, fjölgun starfsmanna og lendingargjaldakerfið. Ný flugbraut í skoðun Norður-suður braut flugvallarins er sú braut sem er annasömust, en tæplega 70% af allri umferð um völlinn fer um hana. Björn segir þetta ekki vera neitt vandamál ennþá, það sé bæði hægt að dreifa umferð betur yfir daginn sem og árið.

Þegar horft sé til lengri tíma sé þó ekki vitlaust að huga að næstu skrefum varðandi stækkun vegna aukins fjölda ferðamanna. Björn Óli Hauksson, forstjóri Isavia Í fyrra var haldinn kynningarfundur þar sem lagðar voru fram tillögur að því að gera nýja norður-suður braut sem yrði bætt við vestan megin við núverandi flugbrautir. Björn tekur fram að þar sé verið að horfa til 10 til 20 ára, en það sé þó mikilvægt að fá svona hluti inn á aðalskipulag, bæði til hagsmuna fyrir flugvöllinn og nærliggjandi sveitafélög.

„Þetta er ekki á morgun eða hinn, en við við viljum tryggja að þetta sé til á skipulagi þannig að ef farþegafjöldinn sem kemur gegnum stöðina tvöfaldast þá væru allar líkur á að við myndum reyna að opna nýja braut.

“ Fjárfestingar á flugstöðvarsvæðinu Til skemmri tíma duga aftur á móti einfaldari aðgerðir að sögn Björns og nefnir hann í því samhengi að áætlað sé að ráðast í 1 til 1,5 milljarða fjárfestingar við flugstöðina til að auka nýtni hennar betur, bæta afgreiðslusvæðið og biðsvæði farþega í suðurbyggingunni.

Þá sé einnig nauðsynlegt að ganga í breytingar við bifreiðastæðin og þá sérstaklega varðandi pláss fyrir rútur sem hafi verið vanmetið við síðustu breytingu. Flugbrautir, flugvallarsvæði, öryggissvæði og flugstöðvarsvæði skv. gildandi aðalskipulagi 2005-2025. Fengið úr skýrslu VSÓ Ráðgjafar og Glámu Kím. Isavia tók í fyrra yfir rekstur bílastæðanna í kringum flugvöllinn, en áður höfðu sérstakir rekstraraðilar séð um þann þátt.

Björn segir að sú ákvörðun geri allt ferlið hentugra fyrir flugvöllinn í ljósi fyrirhugaðra breytinga þannig að ekki þurfi alltaf að breyta viðskiptaforsendum á hverju ári.

Aðspurður hvort einhverjar hugmyndir séu uppi um byggingu bílastæðahús segir Björn að slíkar hugmyndir hafi verið uppi áður fyrr.

Sá kostur sé aftur á móti mjög dýr og miðað við núverandi aðstæður og þann fjölda farþega sem fara gegnum flugvöllinn í dag þá sé það ekki á teikniborðinu.

Hins vegar verði fylgst með þróuninni á komandi árum með það fyrir augum hvort það verði álitlegur kostur í framtíðinni. Gengissveiflur hafa haft áhrif Hagnaður Isavia árið 2010 var um 2,1 milljarður og tæplega 600 milljónir í fyrra.

Sá mikli munur skýrðist að miklu vegna gengissveifla, en þær geta haft töluverð áhrif í rekstri sem þessum. „Frá því að ég tók við fyrirtækinu árið 2008 hefur fyrirtækið alltaf verið í sveiflu vegna gengisins,“ segir Björn, en hann segir að það sé alltaf unnið að því að minnka þessi áhrif. „Fyrst horfir maður á að tryggja reksturinn og svo að gengissveiflurnar hafi sem minnst áhrif á reksturinn. Það sem bjargar okkur aftur á móti er að Isavia hefur tekjur í erlendri mynt sem stefna á að vera um 6 milljarðar á næsta ári,“ segir hann. Um 3,5 milljarðar koma til vegna umsjónar með yfirflugi, en um 2,5 milljarðar í gjaldeyristekjur vegna lendingagjalda.

Segir hann að fyrirtækið hafi nú náð að byggja sig þannig upp að það eigi gjaldeyri til að verjast þessum sveiflum. „Varðandi afborganir og vexti, þá höfum við alveg nógan pening í sömu mynt og greiðslur af skuldum.“ Þegar Björn er spurður út í afkomu ársins 2012 segir hann að reksturinn hafi gengið vel og skilað afgangi en gengið sé enn aðeins stríða félaginu.

„Síðasti dagurinn í árinu var ekki góður dagur með gengisskráninguna og það lítur út fyrir að við verðum með tap á því ári vegna gengissveiflna. Þetta er ekkert sem við höfum áhyggjur af þar sem við fáum inn gjaldeyri og getum greitt skuldirnar með honum.“ Fjölgun starfsfólks Í sumar þegar allt sumarstarfsfólkið verður komið til starfa gerir Björn ráð fyrir að heildarfjöldi starfsfólks Isavia verði um eitt þúsund.

Það er töluverð aukning frá því fyrir fjórum árum, en samanlagður fjöldi starfsmanna þeirra stofnana sem sameinuðust í Isavia var um 100 til 150 færri þá. „Fjölgunin stafar sérstaklega af flugverndarpakkann. Þegar þú ert kominn með svona marga farþega þarf fleiri starfsmenn til að tryggja öryggið,“ segir Björn, en einnig hafa verið nokkrar tilfærslur á störfum.

Segir hann að fækkað hafi verið á einhverjum stöðum en fjölgað á öðrum. Gert er ráð fyrir að um 100 manns muni vinna að meðaltali við framkvæmdir í tengslum við flugstöðina á komandi misserum, en auk þess fleiri störf tengd viðhaldi og nýjum verkefnum, svo sem við malbikun flugbrauta segir Björn.

Hann tekur þó fram að ekki sé búið að ákveða nákvæmlega hvenær ákveðnar framkvæmdir verði, en heimild sé þó komin frá stjórn fyrir nokkuð myndarlegum útgjöldum.

Vilja eiga fjármuni fyrir öllum fjárfestingum Það vekur athygli að á síðasta ársreikningi félagsins var nokkur aukning á eigin fé félagsins. Björn segir það eiga sér eðlilegar skýringar þar sem áætlunin hafi verið að safna í sarpinn til að félagið muni eiga fyrir framkvæmdum í stað þess að auka við lántökur. „Við hægðum svolítið á okkur í fyrra með fjárfestingar vegna þess að við vorum ekki alveg vissir með það hvernig við ætluðum að framkvæma verkin.

Frekar vildum við vanda vel til verka. Nú eigum við til fjármagn og allar fjárfestingarnar í ár verða greiddar með eigin fé.“ Á næstu tveimur árum er áætlað að fjárfesta fyrir um 4 milljarða, en stærsti hlutinn af því er í Keflavík fyrir um 2,7 milljarða.

Auk þess er gert ráð fyrir fjárfestingum í flugleiðsögunni fyrir um 600 milljónir og 400 milljónir í innanlandsflugvöllum.

Björn segir að þessu verði dreift eftir því hvað félagið eigi mikið af fjármunum, en að ekki verði eytt umfram það sem félagið eigi. „Mikið af þessu er minni verkefni þannig að við getum frestað því eftir því sem hentar“ segir hann.

Afslátturinn á að stækka kökuna Nokkuð hefur verið rætt um lendingargjöld og það afsláttarkerfi sem Isavia býður upp á. Björn segir að með því sé verið að ýta undir fjölgun ferða og meiri umferð um völlinn. „Hugmyndin er að þetta sé notað í að stækka við kökuna,“ segir hann og bætir við að þetta sé styrkur til þeirra flugfélaga sem séu tilbúin að auka farþegaflæðið.

Afslátturinn er tvískiptur. Í fyrsta lagi er veittur afsláttur af gjöldunum þegar aukning verður á farþegastreymi á tiltekinni flugleið.

Þannig hafi til dæmis orðið um 12% fjölgun ferðamanna milli ára hérlendis. Björn segir „því allar líkur á því flugfélögin hafi fengið svolítið út úr þessu“, þó að Isavia horfi mest til þess að þetta fjölgi farþegum og auki hag þess og Íslands.

Ef flugfélag ákveður svo að fljúga á nýjan áfangastað sem ekki hefur verið flogið á fær það einnig bónus.

Í báðum tilfellum skiptir ekki máli hvort um er að ræða innlent eða erlent flugfélag og því fá íslensku flugfélögin þessa afslætti þegar ákveðið er að fara á nýja staði.///////////////////Þetta er skrítin lesning,að mínu viti er þetta Ísavía  orðið ríki í ríkinu eins og seðlabanki!!!!vissi ekki annað en eyjulíft skuldabars væri á þessari flugstöð eftir að hún var byggð,og einnig þegar hún var stækkuð,mikið bruðl í byggingunni sem ekki nýtist og er bara loftrími!!en þetta var byggt fyrir okkar peninga en ekki einkaframtaks,en virtist vera rekið samt sem slíkt??maður eiginlega skilur þetta ekki enda viðist okkur ekki koma það við,en ég vil láta rannsaka þetta ævintýri allt og taka það út,það er maðkur í misuni þarna!!þegar við í innanlands fluginu getum látið bjóða okkur skúrana þarna í vatnsmýrinni,þá getur þessi flugstöð á keflavík með smá breytingum bara gengið nokkuð lengi  enn!!en lagið innanlands flugið!!!!!


mbl.is Framkvæmdir framundan á Keflavíkurvelli
Tilkynna um óviðeigandi tengingu við frétt

Segir Hörpu kosta 17,5 milljarða///af hverju þarf alltaf lygi,en ekki sannleikan!!!!

Segir HörTónlistar- og ráðstefnuhúsið Harpa.pu kosta 17,5 milljarða Innlent | mbl.is | 20.1.2013 | 13:04 Heildarkostnaður við byggingu tónlistarhússins Hörpu eftir að núverandi eigendur tóku við húsinu er áætlaður 17,5 milljarðar króna.

Þetta kemur fram í svari Jóns Gnarr borgarstjóra við fyrirspurn Kjartans Magnússinar borgarfulltrúa Sjálfstæðisflokksins.

Í svarinu segir að í áætlunum sem gerðar voru við yfirtöku verkefnisins var áætlað að kostnaður við að ljúka Hörpu, að meðtöldum fjármagnskostnaði á byggingartíma, yrði um 14.500 millj. kr. miðað við verðlag í október 2008 eða um 16.700 millj. kr. á núverandi verðlagi sé miðað við hækkun neysluverðsvísitölu.

Ákveðið var að á byggingartíma yrði verkefnið fjármagnað með sambankaláni sem síðar yrði endurfjármagnað með langtímafjármögnun.

Í síðustu útkomuspá er áætlað að kostnaður við að ljúka Hörpu verði um 17.500 milljónir sem er um 800 millj. kr. hærri en upphafleg áætlun þegar tillit hefur verið tekið til verðlagsbreytinga samkvæmt neysluverðsvísitölu.

Það er fyrst og fremst óhagstæðari gengisþróun sem þessu hefur valdið. Þegar útkomuspá var sett fram í febrúar sl var fyrirvari gerður um óútkljáð ágreiningsmál við aðalverktakann ÍAV sem einkum snérist um verðbótaþáttinn.

Nú liggur fyrir niðurstaða í því máli sem felur í sér að kostnaðarmatið hækkar um 69 milljónir.

Kjartan bendir á að í þessu svari sé ekki tekið tillit til kostnaðar sem féll til áður en núverandi eigendur tóku við Hörpu í þeim tilgangi að ljúka byggingunni. Þar er um að ræða nálægt 10 milljörðum, sem sú upphæð hefur verið afskrifuð.

Hann segir því réttar að tala um að heildarkostnaður við byggingu hússins sé nærri 30 milljörðum.///////////þetta er þeirra ær og kýr að nota lygina,það er svo að það gengur í fólkið!!!Jón Gnarr kann það vel enda góður leikari,ekki Borgarstjóri!!!þessar tölur eigum við heimtingu á að vita réttar,því þetta verðum við að borga á næstu 30 árum með vöxtum og vaxtavöxtum Borgin helmengin og Ríkið hinn,svo hver á að vita réttu tölurnar nema við sem borgum!!!það var nógu umdeilt þetta hús svo að sannvirði verði gert upp!!en upp komið og flestir orðnir sáttir,nema við staðsetninguna,það eru ég og mjög margir ósáttir við!!!en 101 menn  kátir!!!!/Halli gamli


mbl.is Segir Hörpu kosta 17,5 milljarða
Tilkynna um óviðeigandi tengingu við frétt

Bloggfærslur 20. janúar 2013

Höfundur

Haraldur Haraldsson
Haraldur Haraldsson
Haraldur Haraldsson Innfæddur Reykvikingur og foreldrar minir báðir fæddir i Rvik,Er bara sæmilega virðulegur eldri Borgari og var áður Verksmijustjóri í Málnigarverksmiðju hjá Slippfelaginu i Rvik h/f Stofnað 1902 vann þar i 46 ár!!! geri aðrir betur!!!!Hefi mikin áhuga á Stjórnmálum og þjóðmálum yfirleitt!!!En hefi bara barnaskólapróf,er það ekki Lásy eins og börnin segja????En eg er lika Sjálfstæður Sjálfstæðismaður!!! með fyrirvara um að við göngum ekki i ESB!!! bara als ekki  !!!, svo og einnig allt sem kemur að sjálfstæði þjóðar vorar,og er það ekki gott!!!!!
Júlí 2025
S M Þ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Heimsóknir

Flettingar

  • Í dag (8.7.): 1
  • Sl. sólarhring: 5
  • Sl. viku: 12
  • Frá upphafi: 1047931

Annað

  • Innlit í dag: 1
  • Innlit sl. viku: 12
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband