Enn stefnt að nýrri stjórnarskrá//þessu blessaða fólki er ekki viðbjargandi,þetta er bara gerræði!!!!!

Enn stefnt að nýrri stjórnarskrá Innlent | mbl | 11.2.2013 | 15:19 Ríkisstjórnin hefur ekki hvikað frá þeim ásetningi sínum að leggja stjórnarskrárfrumvarpið fyrir þingið. Valgerður Bjarnadóttir, formaður stjórnskipunar- og eftirlitsnefndar, staðfesti þetta að loknum þingflokksfundi Samfylkingar fyrir stundu.

Mikil spenna var í alþingishúsinu í dag. Notaði Valgerður tækifærið til að gagnrýna umfjöllun fjölmiðla um stjórnarskrármálið um nýliðna helgi, þar með talið af hálfu Morgunblaðsins. Sú umfjöllun væri ekki reist á réttum upplýsingum.

Þá sagði hún að álit Feneyjanefndarinnar um stjórnlagafrumvarpið kæmi í hús á hverri stundu. Hvorki Jóhanna Sigurðardóttir forsætisráðherra né Árni Páll Árnason, nýbakaður formaður Samfylkingar, vildu tjá sig um málið. Þá vildi Össur Skarphéðinsson ekki ræða málið.

Steingrímur J. Sigfússon, formaður VG, gaf heldur ekki kost á viðtali. Ekkert hefur breyst Björgvin G. Sigurðsson, Samfylkingu, tók í sama streng og Valgerður og sagði ekkert hafa breyst í málinu. Þór Saari, Hreyfingunni, gaf hins vegar kost á viðtali.

Hann fór hörðum orðum um ríkisstjórnina og frammistöðu hennar með þeim orðum að hún mætti „fara til fjandans“ ef stjórnarskrárfrumvarpið færi ekki áfram inn í þingið. Ríkisstjórn VG og Samfylkingar væri „ein versta ríkisstjórn Íslandssögunnar“. Lýsti hann jafnframt yfir megnri óánægju með að fiskveiðistjórnunarfrumvarpið skyldi

fara inn í þingið og stjórnarskrármálið sett til hliðar. Fyrrnefnda frumvarpið væri klæðskerasaumað að óskum LÍÚ. Sagði hann andrúmsloftið í þinghúsinu spennuþrungið.

Mikil spenna var í þinghúsinu og voru nokkrir þingmenn Samfylkingar augljóslega í uppnámi að loknum fundi þingflokksins.

Mörður Árnason, Kristján Möller og Oddný Harðardóttir vildu ekki ræða málið né heldur deilu hjúkrunarfræðinga.//////////////////það  er auðsjáanlegt að þetta fólk í þessari Ríkisstjórn lætur ekki segjast,það telur að það sé með pálmann í höndunum,vegna þjóðaratkvæðagreiðslu um aðeins fá atriði hennar,og illa orðuð og torkenglega,að það kusu um 48% og þar var þetta samþykk!!! þetta er allt á sömu bókina lært,þetta er ekki svo að hún hafi öll þessu runa verið samþykkt,als ekki,það er bara gripið og sett á alveg ný stjórnarskrá sem er að sumu leiti bara vitleysa og á ekki heima þarna!!!!um þetta er og verður deilt og ekki samþykkt,nema ef fólk ætlar að spengja allt upp á Íslandi að setja á nýja stjórnarskrá með einföldum meirihluta og jafnvel minnihluta þjóðarinnar!!!en þessu fólki er ekkert heilagt brjóta allar hefðir skal gert til að brjóta þjóðina niður og leifa ESB að ganga hér inn á skítugum skónum,og hirða auðlindirnar!!!nei þetta verður ekki gefið eftir///Halli gamli 

Enn stefnt að nýrri stjórnarskrá

FBI ekki samkoma kórdrengja///það er þessi Ríkisstjórn vor ekki heldur,nema síður sé!!!!

FBI ekki samkoma kórdrengja Innlent | mbl.is | 11.2.2013 | 16:10 Össur Skarphéðinsson utanríkisráðherra segir að ekkert lögreglulið komi til Íslands til að hefja yfirheyrslu yfir íslenskum ríkisborgara án þess að það liggi fyrir skilgreind og rétt fram komin beiðni um réttaraðstoð.

Þetta sagði Össur í óundirbúnum fyrirspurnartíma á Alþingi í dag, en hann var spurður út í málefni bandarísku alríkislögreglunnar (FBI) hér á landi. Þorgerður Katrín Gunnarsdóttir, þingmaður Sjálfstæðisflokksins, lagði fyrirspurnina fram.

„Ég tel eins og þetta mál var lagt upp fyrir mér að þá hafi slík beiðni ekki legið fyrir. Ég tel það algjörlega af og frá að líta svo á að heimsókn þeirra hingað, sennilega sex vikum fyrr, með leyfi íslenskra yfirvalda til þess að kanna öryggisvarnir í tölvukerfum, það hafi náð yfir það að koma síðan aftur nokkrum vikum síðar og hefja yfirheyrslur yfir einstakling sem virtust beinast fyrst og fremst að WikiLeaks,“ sagði Össur.

Þorgerður segir að afskipti utanríkisráðherra hafi ekki verið til þess fallin að tryggja réttarhagsmuni þess einstaklings sem um ræðir, heldur að rýra hans hagsmuni.

Hún segir að íslensk lög séu mun skýrari hvað það varðar að þeir sem yfirheyri hverju sinni verði að gæta hagsmuna þess sem sé yfirheyrður. Í Bretlandi og í Bandaríkjunum sé þessu farið með öðrum hætti en á Íslandi.

„Þess vegna er mikill munur á íslenskum lögum og bandarískum lögum, og ég tel að með inngripi utanríkisráðherra hafi m.a. hagsmunir þessa einstaklings frekar verið fyrir borð bornir heldur en hitt,“ sagði Þorgerður.

„Það er nú ekki eins og FBI sé einhverskonar samkoma kórdrengja,“ sagði Össur þegar hann svaraði öðru sinni

. „Hingað vaða ekki erlend lögreglulið til þess að yfirheyra íslenska borgara án þess að hafa þar til bær leyfi samkvæmt lögum og alþjóðlegum samningum frá íslenskum yfirvöldum,“ sagði Össur.///////////////////Þetta mál er komið í okkar skömm og ekkert annað ,ég skil ekki í de Gasberi-Össuri að taka þarna málstað kommana,við erum  og verðum vinveitt Bandaríkjamönnum og viljum hafa það áfram!!!þetta mál verður krufið til mergjar ekki spurning,við biðjum ekki um samvinu og rekum svo viðkomandi burt frá landinu,þetta mál er eitthvað í átt við að þegar ágætur Sendiherra Bandaríkjanna var að hætta og fara úr landi en átti að taka við krossi frá Forseta vorum honum var skyndilega snúið frá,þá komin vinstri stjórn!!þetta var hneyksli og ein heldur þetta áfram!!!!/Halli gamli

FBI ekki samkoma kórdrengja

Páfinn segir af sér/rétt ákvörðun að manni finnst,kannski kemur einkver sem vill fylgja samtíðinni!!!

Páfinn segir af sér Erlent | AFP | 11.2.2013 | 11:08 Benedikt XVI páfi ætlar að láta af embættinu í lok mánaðar samkvæmt frétt breska ríkisútvarpsins. Talsmaður páfa, Federico Lombardi, staðfestir þetta í samtali við AFP fréttastofuna.

Mun hann láta af embætti klukkan 20 (klukkan 19 að íslenskum tíma) þann 28. febrúar nk. Verður Benedikt páfi fyrstur til þess að láta af embætti páfa í margar aldir en nánast alltaf gegnir páfi starfinu til dauðadags.

Benedikt XVI (sem er 85 ára að aldri) tók við embætti páfa í apríl 2005 við andlát Jóhannesar Páls II páfa, og er einn sá elsti til þess að taka við embættinu eða 78 ára að aldri. Hann segist láta af störfum sökum aldurs.

Hann hafi ekki lengur heilsu til að gegna starfinu. Benedikt XVI er þýskur og heitir réttu nafni Joseph Ratzinger.

Hann er númer 265 í röð páfa hinnar kaþólsku kirkju en alls eru rúmlega milljarður jarðarbúa í kaþólsku kirkjunni. Bæði Angela Merkel, kanslari Þýskalands, og François Hollande, forseti Frakklands, segja ákvörðun páfans virðingarverða en fjölmiðlar um allan heim greina frá ákvörðun páfans sem markar tímamót í sögu kaþólsku kirkjunnar.

Ratzinger er níundi Þjóðverjinn sem gegnir embætti páfa. Hann er sagður orðheppinn og heillandi í viðkynningu og talar nokkur tungumál reiprennandi.

Hann var einn nánasti samverkamaður og vinur Jóhannesar Páls II og þótt fræðimaðurinn þýski væri ólíkur hinum alþýðlega Pólverja voru þeir sagðir vera skoðanabræður í öllu sem máli skipti.

Ratzinger var oft kallaður hægri hönd páfa sem gerði hann árið 1981 að yfirmanni Safnaðar kenningarinnar, valdamikillar stofnunar í Páfagarði.//////////////Þetta þykja fréttir og ekki skeð oft,kannski tvisvar í aldarsögum!!en eins og með þessa trú sem er mjög lík okkar evangelísku,bara kreddumeiri,er þetta stór hópur um allan heim,sem þarna hefur þessa trú,en svona í framhjáhaldi spyr maður sig hvert hann hafi frétt af Jóhönnu þau eru svolítið lík mjög einstrengileg,en þetta var bara svona jók!!!en semsagt ,við fáum vonandi kristið fólk nýjan Páfa sem er ögn framfarasinnaðri en forverar hans!!!!/Halli gamli

 

Páfinn segir af sér

Breytt verðtrygging lykilatriði///Margt er gott þarna,annað orkar tvímælis!!!

 
Breytt verðtrygging lykilatriði Innlent | mbl | 11.2.2013 | 9:10 „Við lögðum fram tillögur strax í byrjun árs 2009 oghöfum síðan við og við þróað þær eða lagt fram nýjar tillögur til þess að taka á ástandinu eftir því sem það þróast,“ sagði Sigmundur Davíð Gunnlaugsson, formaður Framsóknarflokksins.

þegar hann settist niður með blaðamanni að afloknu flokksþingi Framsóknarflokksins í gær spurður að því með hvaða hætti flokkurinn vildi leiðrétta stökkbreytt húsnæðislán, líkt og fram kemur í ályktun flokksins frá því um helgina. Vilja að allir vinni að útfærslunni „Það sem við rákum okkur á á fyrri árum, 2009, 2010 og 2011, var ann

ars vegar að menn fóru að setja út á einhver smáatriði í útfærslunni frekar heldur en hugmyndina sjálfa og eins það að vegna þess að útfærslan var komin frá okkur, stjórnarandstöðuflokki, þá teldi stjórnin sig ekki geta tekið hana upp.

Þess vegna viljum við reyna að nálgast þetta núna þannig að það komi allir saman að útfærslunni. Við segjum: „Getum við orðið sammála um að þetta þurfi að gerast?“ Við erum búin að leggja hér fram á undanförnum árum nokkrar mögulegar leiðir og ætlum að halda því áfram en erum opin fyrir því að ræða útfærsluna,“ sagði Sigmundur Davíð. - Þið ályktið um lyklalög.

Í hverju felast þau? „Þetta er í rauninni það sem var til umræðu í þinginu um að fólk geti losnað undan húsnæðislánum sínum með því að skila húsinu. Það sem Lilja Mósesdóttir og fleiri hafa talað fyrir.“ Nánari útfærsla á Vínarsáttmálanum - Þið talið um þið viljið setja lög um að erlendir aðilar eða erlend ríki geti ekki fjármagnað pólitískan áróður hér á landi.

Þið eruð væntanlega að vísa til Evrópustofu og þess háttar starfsemi? „Auðvitað tengist þetta sérstaklega nú Evrópusambandsumsókninni. Því að hafa ákveðið jafnvægi í umræðunni og að Evrópusambandið í krafti stærðar sinnar geti ekki ráðið umræðunni. Þetta tengist líka Vínarsáttmálanum sem kveður á um að erlend sendiráð til dæmis skipti sér ekki af innanríkismálum. Þetta er svona nánari útfærsla á því sem þessum ákvæðum Vínarsáttmálans er ætlað að ná.

En auðvitað er það Evrópusambandsumræðan sem tengist þessu helst núna og jafnræði í henni.“ Leggja áherslu á gildi alþjóðlegs samstarfs - Þið ályktið mjög sterkt núna um aðild að Evrópusambandinu, sterkar en kannski áður, þar sem þið segið að Íslandi sé best borgið utan Evrópusambandsins. Þið eruð því algjörlega komin á það að Ísland eigi ekki að ganga í Evrópusambandið? „Já, það er mjög eindregin skoðun þessa flokksþings að við teljum að að hagsmunum Íslands sé best borgið utan ESB. Að við getum best nýtt þau tækifæri sem Ísland stendur frammi fyrir, sem við erum sammála um að séu

mjög mikil og stór - getum best nýtt þau ef við höfum sem mest forræði yfir okkar eigin málum. En um leið er lögð áhersla á gildi alþjóðlegs samstarfs, en að það samstarf þurfi að eiga sér stað á jafnræðisgrundvelli og það borgi sig ekki fyrir okkur að gefa eftir meira af sjálfstæði okkar en orðið er.

“ Afnám verðtryggingar á neytendalán lykilatriði - Það fór töluverð umræða fram um verðtrygginguna á flokksþinginu og þið ályktið að þið viljið leggja af verðtryggingu neytendalána. Segðu mér aðeins frá forsendum að baki þeirri ályktun. „Þetta var eitt af stóru málunum á þessu þingi og náðist mjög mikil samstaða um það samt í lokin með hvaða hætti væri rétt að gera þetta.

Þar komum við aftur inn á þetta sem ég nefndi áðan varðandi stöðu heimilanna. Menn hafa hér kynnt ýmsar útfærslur, ýmsar leiðir til þess að ná þessu markmiði en urðu ásáttir um að ef það ætti að vera raunhæft að ná þessu fram í ríkisstjórnarsamstarfi yrðum við að vera opin fyrir því hvernig þetta verður gert.

Það er ekki þar með sagt að við verðum opin fyrir að þetta verði ekki gert. Það er algjört lykilatriði að þetta eigi að gerast en það verði þá skipaður sérfræðihópur til þess að vinna útfærsluna, ekki hvort eigi að gera þetta heldur aðferðina fyrir lok árs 2013.“ Vonar að endurskoðuð rammaáætlun haldi gildi sínu - Þið talið um að þið viljið endurskoða rammaáætlun sem fyrst.

Eruð þið þá að tala um að horfa til þeirrar vinnu sem faghópurinn kom sér saman um? „Mér fannst umræðan vera á þann veg að menn vildu halda sig við það sem var yfirlýstur tilgangur þessarar vinnu, sem er búin að standa í nær 14 ár, og fylgja niðurstöðu hópsins.“ - Voru þá mistök í ferlinu í þinginu? „Jú og mjög undarlegt að gera það svo skömmu fyrir kosningar þegar tilgangurinn var að búa til langtímasýn sem allir gætu sætt sig við óháð kosningum og stjórnarbreytingum. Þetta gengur gegn megintilgangi þeirrar vinnu.

Vonandi mun þó endurskoðuð rammaáætlun halda gildi sínu að menn sætti sig við hana í ólíkum flokkum, í stjórn og stjórnarandstöðu, vegna þess að hún verði byggð á niðurstöðum sérfræðinganna.“ Ríkisolíufélag til að skapa þekkingu -

Þið leggið til að stofna ríkisolíufélag. Óttastu ekki áhættuna af því að leggja mikla fjármuni í það ef það finnst svo engin olía? „Ég held að menn skilji það þannig að það verði ekki ráðist í mikla fjárfestingu, í kaup á borpöllum og slíku, fyrr en það er orðið ljóst að það er vinnanleg olía.

Hins vegar er mjög æskilegt að byggja upp fyrirtæki þar sem þekking safnast saman. Þekking á olíuvinnslu, jafnvel þó að það yrði ekki af vinnslu á Drekasvæðinu vegna þess að það er mjög mikið að gerast í olíuleit við Færeyjar og sérstaklega við Grænland þar sem að menn telja að séu gríðarlegar auðlindir og það er ljóst að Grænlendingar vilja mjög gjarnan hafa samstarf við Íslendinga frekar en Dani varðandi ýmsa þjónustu.

Svoleiðis að við teljum æskilegt að við verðum sem best í stakk búin til þess að sinna því og á margan hátt fellur þetta ágætlega að þeirri nýsköpun sem hefur átt sér stað á Íslandi á undanförnum árum í kringum sjávarútveginn. Hér eru til dæmis verkfræðifyrirtæki og fyrirtæki sem framleiða tæki tengd sjávarútvegi búin að byggja mikla þekkingu og gætu þróast áfram til þess að veita þjónustu varðandi olíuna en hlutverk ríkisolíufélags yrði í fyrsta lagi í samræmi við það sem Norðmenn eru með í ríkisolíufélaginu sem heldur utan um leyfin og að einhverju leyti gætu menn byrjað að byggja upp svona „Statoil-félag“ þótt menn ráðist ekki í mikil tækjakaup og fjárfestingar strax.

Áherslan yrði til þess að skapa þekkinguna.“ Stefnubreyting með nýjum formanni Samfylkingar - En að tveimur stórum málum í þinginu, kvótafrumvarpi og stjórnarskrá. Þið talið um sátt í kvótamálum og hafið lagt áherslur varðandi stjórnarskrána.

Heldur þú að það náist í gegn að ná einhvers konar sátt um þessi tvö mál fyrir þinglok? „Hvað varðar stjórnarskrána sýnist mér að það sé að verða algjör stefnubreyting hjá ríkisstjórninni eftir formannsskiptin í Samfylkingunni.

Ég hef ekki rætt þetta við nýjan formann Samfylkingarinnar en mun gera það núna eftir þetta þing. En það er alveg ljóst að stór hluti stjórnarliðsins, bæði í Samfylkingu og í Vinstri-grænum, var kominn með miklar efasemdir um þetta ferli og nú held ég að sá hópur verði ofan á.

Menn muni sjá kostina við að reyna að ljúka einhverri vinnu á þessu kjörtímabili, í stað þess að ætla að fara áfram með allt saman sem er orðið alveg ljóst að mun ekki klárast og þá með þeim afleiðingum að ekkert klárist.

Við höfum lagt áherslu á beint lýðræði og auðlindamálin. Kvótafrumvarp til þings til að færa umræðu frá Icesave Varðandi sjávarútveginn tel ég að það mál hafi verið sett inn í þingið núna á lokasprettinum fyrst og fremst til þess að færa umræðuna frá Icesave, sem þá var í gangi.

Svo ég veit ekki hversu miklar væntingar ríkisstjórnin gerir sér til þess að hún nái að klára það mál svona rétt fyrir kosningar, enda væri það í rauninni ennþá undarlegra en breytingar á rammaáætlun að ætla að fara að umturna fiskveiðistjórnunarkerfinu rétt áður en ný ríkisstjórn tekur við./////////////////svo mörg voru þau orð Formannsins og c/o og þarna margt gott,anna umræðuefni,é sé ekki annað en við sjálfsæðismenn gætum rætt við þennan flokk eftir kosningar ef gefur,allavega verður þetta ljósari eftir flokkþing okkar 21-24 þessa mánaðar,þar verður tekið á málum og allt skoðað og vegið ,enda flokkurinn stór og skoðanir margar ,en við ætlum að endurnýja okkur og vera og standa við að vera flokkur allra stétta og vina að heill þjóðar okkar um leið,en þetta verður vonandi eining í restina///Halli gamli

Afnám verðtryggingar lykilatriði