Breytt skipulag Landsímareits/þetta gott ef menn eru að vitkast!!!!

Breytt skipulag Landsímareits Innlent | mbl.is | 21.2.2013 | 18:41 Ingólfstorg er ekki lengur inni í deiliskipulagi á Landsímareitnum í Kvos samkvæmt breytingum á skipulaginu sem kynntar voru í Ráðhúsi Reykjavíkur í gær.

Þá er dregið talsvert úr byggingarmagni frá því sem var í fyrra deilikipulagi reitsins, frá 1987. Reykjavíkurborg hefur ekki í hyggju að byggja menningarhús á Ingólfstorgi líkt og var að finna í vinningstillögu ASK arkitekta, sem kynnt var í vor.

Reiturinn sem um ræðir afmarkast af Aðalstræti, Vallarstræti, Thorvaldsensstræti og Kirkjustræti.

Í breyttu deiliskipulagi, sem ASK arkitektar hafa unnið tillögu að, eru nýbyggingar við Vallarstræti lækkaðar, samkomusalur sem kemur í stað salar sem kenndur hefur verið við NASA verður fjölnota og í götuhæð.

Við Vallarstræti verða byggð ný hús sem tengjast eldri húsunum á reitnum og verða nýbyggingarnar með risi en þó í nútímalegum stíl.

Nýbygging við Kirkjustræti verður með risi og kallast á við eldri hús á þessu svæði. Hægt verður að ganga á milli Ingólfstorgs og Víkurgarðs í gegnum port. Gamla Landsímahúsið hækkar lítillega en á það verður sett svokallað mansard þak með kvistum, líkt og

á Hótel Borg hinum megin við Austurvöll. Þá er yngra Landsímahúsið við Thorvaldsensstræti 6 hækkað úr fimm hæðum að hluta til í sex.

Gömlu húsin á reitnum fá öll að halda sér, en þau standa við Aðalstræti 7, Vallarstræti 4 og Thorvaldsensstræti 2. Fyrra deiliskipulag frá 1987 heimilaði niðurrif allra húsanna.

Í tilkynningu frá Reykjavíkurborg segir að með skipulaginu séu nokkur markmið höfð að leiðarljósi: Að stuðla að góðu samspili almenningsrýma í Kvosinni, bygginga og nærumhverfis. Lögð áhersla á umhverfisleg og samfélagsleg gæði hins manngerða umhverfis.

Borin virðing fyrir sögulegri arfleifð, staðaranda og menningarlegu hlutverki. Hugað að aðgengi fyrir alla og að flæði gangandi, hjólandi og akandi umferðar sé gott.

Að nýbyggingar og frágangur þeirra verði í hæsta byggingarlistalegum gæðaflokki, sem eflir virkni og notagildi svæðisins. Í framhaldi af kynningarfundinum hefst hagsmunaaðilakynning sem stendur frá og með 20. febrúar til 6. mars 2013.

Athugasemdum eða ábendingum er veitt móttaka á kynningartímanum. Þeim verður ekki svarað skriflega heldur verða þær innlegg í áframhaldandi vinnu. Þær skal senda á netfangið [e-mail].

Tillaga að breyttu deiliskipulagi mun verða til sýnis í Ráðhúsi Reykjavíkur og í þjónustuveri Reykjavíkurborgar, Borgartúni 12 – 14, auk þess sem hún verður aðgengileg á heimasíðu Reykjavíkurborgar.//////////////(/////þar er alltaf gott þegar menn vitkast og skoða málin betur og það virðist hafa gerst hérna við fyrstu sýn ,ekki spurning!!!!en þetta lítur bara vel út að mínu mati sem innfæddum Borgara og foreldra mínir báðir voru það einnig!!enda er manni hlítt til sinnar Borgar,og viljum henni allt vel!!en þessi breyting er góð og við skoðum hana með opnum augum!!svo er þetta sem sagt er þarna gott að leiðarljósi gangandi hjólandi akandi,en það hefur stundum gleymst að við gamlingjar göngum ekki alstaðar,heldur keyrum!!en við skoðum þetta með jákvæðum huga!!!/Halli gamli

Breytt skipulag Landsímareits

Ýmsu ábótavant við rannsóknina/Þetta er svona að fyrsu fregnir eru oft í fumi sagðar!!!

Ýmsu ábótavant við rannsóknina Erlent | AFP | 21.2.2013 | 14:04 Vitnaleiðslur standa nú yfir í máli suður-afríska hlauparans Oscars Pistorius, þriðja daginn í röð. Enn liggur ekki fyrir hvort hann verði látinn laus gegn tryggingu.

Í ljós hefur komið að ýmsu er ábótavant við rannsókn málsins. Pistorius er ákærður fyrir að hafa myrt unnustu sína, fyrirsætuna Reevu Steenkamp þann 14. febrúar.

Hann segist saklaus og segist hafa talið að hún væri innbrotsþjófur á baðherbergi húss þeirra.

Segir sakborning ekki átta sig á alvarleika málsins Saksóknari segir helst á verjanda Pistorius að skilja að skjólstæðingur hans vilji helst „halda áfram með líf sitt eins og ekkert hafi í skorist“ og að hann sýni ekki minnstu merki um að hann átti sig á alvarleika þess sem hefur gerst.

Hann segir athafnir Pistorius gefa til kynna að þar fari maður sem er tilbúinn og viljugur til að myrða. Ekki sé óhætt að láta hann lausan gegn tryggingu, hann eigi hús á Ítalíu og gæti vel farið þangað.

Lögreglumaðurinn sætir ákærum fyrir morðtilraunir Við vitnaleiðslurnar í morgun beindist kastljósið að lögreglumanninum Hilton Botha, sem fer með rannsókn málsins, en hann sætir nú ákæru fyrir sjö morðtilraunir.

Þetta þykir veikja málflutning ákæruvaldsins verulega, en einnig hefur komið í ljós að Botha skeytti lítt um vettvang hins meinta glæps og klæddist ekki hlífðarbúningi er hann kom á heimili Pistorius og gæti því hafa spillt sönnunargögnum.

Frá réttarsalnum í morgun. Fjölskylda Pistorius er fyrir miðri mynd. AFP Að auki hefur komið í ljós að lögreglu yfirsást byssukúla sem hafði hafnað í salerni og fannst hún ekki fyrr en fjórum dögum eftir að lögregla kom fyrst á vettvang.

Stórfyrirtæki gera hlé á samstarfi Íþróttavöruframleiðandinn Nike tilkynnti í dag að það myndi gera hlé á öllu samstarfi við Pistorius á meðan á málarekstrinum stendur, en hann hefur auðgast gríðarlega vegna auglýsinga fyrir fyrirtækið.

Það sama tilkynnti sólgleraugnaframleiðandinn Oakley og í gær greindi franska snyrtivörufyrirtækið Clarins frá því að það myndi hætta að birta auglýsingar með hlauparanum./////////////Það er svo að engin er sekur fyrr en sannað er!!! og við skulum bar fara varlega í þetta og fá nánari upplýsingar áður en við förum að dæma manninn og það er svo margt Þarna ennþá óljóst og að koma nýtt fram sem ekki hefur okkur verið áður um fjallað og gæti þýtt ýmislegt sem kemur honum jafnvel til góða ef rétt er sagt frá,ég er ekki að dæma manninn nema það sannist,og finnst málið vara að komast i það,að það sé óljóst mjög,það er ekki hægt að dæma bara eftir líkum það er komið nóg af slíku!!!/Halli gamli

Ýmsu ábótavant við rannsóknina

Styðja innleiðingu mannréttindasáttmála SÞ/Þessu er engin að mótmæla lengur en kannski ekki tímabært strax vegna fjárskorts!!!

Styðja innleiðingu mannréttindasáttmála SÞ Innlent | mbl.is | 21.2.2013 | 10:42 Allir flokkar styðja innleiðingu mannréttindasáttmála Sameinuðu þjóðanna um réttindi fatlaðs fólks.

Þetta kom fram á fundi sem Öryrkjabandalagið stóð fyrir í gær um réttindi fatlaðs fólks. Góð aðsókn var að fundinum sem var haldinn á Hilton hótelinu í Reykjavík en honum var einnig sjónvarpað beint um heimasíðu Öryrkjabandalagsins og þar verður hægt að skoða upptöku frá fundinum.

Flokkum sem hafa tilkynnt um framboð á landsvísu í Alþingiskosningunum í lok apríl næstkomandi var boðið að koma á fundinn og fræðast um málið og kynna afstöðu sína til innleiðngar mannréttindasáttmálans.

Alls þekktust ellefu flokkar boðið og sendu fulltrúa sína á fundinn en þeir voru: Freyja Haraldsdóttir (Björt framtíð), Þorvaldur Þorvaldsson (Alþýðufylkingin), Örn Bárður Jónsson (Lýðræðisvaktin), Metúsalem Þórisson (Húmanistaflokkurinn), Áslaug María Friðriksdóttir (Sjálfstæðisflokkurinn), Kjartan Örn Kjartansson (Hægri grænir), Birkir Jón Jónsson (Framsóknarflokkur), Ragnar Ingólfsson (Dögun), Halldóra Mogensen (Píratarnir), Ólafur Þór Gunnarsson (Vinstri grænir) og Jónína R. Guðmundsdóttir (Samfylkingin).

Áður en fulltrúar flokkanna svöruðu spurningum um afstöðuna til innleiðingar mannréttindasáttmála Sameinuðu þjóðanna, héldu þær Rannveig Traustadóttir forstöðumaður Rannsóknaseturs í fötlunarfræðum við HÍ og Brynhildur Flóvenz dósent við lagadeild HÍ stutt erindi. Rannveig fjallaði um sögu, samhengi og hugmyndafræði að baki sáttmálans og Brynhildur fjallaði um skyldur íslenska ríkisins samkvæmt samningnum.

Fundarstjóri var Ragnar Gunnar Þórhallsson en þau Guðmundur Magnússon formaður Öryrkjabandalagsins, Gerður A. Árnadóttur, formaður Landssamtakanna Þroskahjálp og Margrét Steinarsdóttur, framkvæmdastjóri Mannréttindaskrifstofu Íslands tóku þátt í pallborði og lögðu spurningar fyrir fulltrúa flokkanna.//////////////Það er orðið bylting í þessu og það gott,ég geri ekki mikið orðið almennt úr Sameiniðuþjóðunum,þau eru orðiðn bara prump með neitunarvald!! en Þetta er bara gott hjá þessum blessaða hóp að koma fram fyrir kosningar og spyrja þau hafa gert það áður,og það mjög gott ,og engin að vera nema sammála svo langt sem það gengur!!en það eru erfið'ir tímar og við að glíma við að viðhalda heilbrigðiskerfi uppá líf og dauða!! svo og margt annað sem verður að hafa forgang svo við getum gert þetta sem þau fara frámá!! það ber að gera það í áföngum,og setja okkur markmið um það,en það er svo að nóg er að borga eins og er en við gleymum ekki þeim fötluðu als ekki!!!!/Halli gamli

Styðja innleiðingu mannréttindasáttmála SÞ

Landsfundur Sjálfstæðisflokksins hefst í dag///Við bíðum spent þegar stærðsti flokkurin kemur saman!!!!

Landsfundur Sjálfstæðisflokksins hefst í dag Innlent | mbl.is | 21.2.2013 | 13:34 Landsfundur Sjálfstæðisflokksins verður settur í Laugardalshöll í dag, en hann stendur fram á sunnudag.

Fundurinn ber yfirskriftina „Í þágu heimilanna“. Bjarni Benediktsson, formaður Sjálfstæðisflokksins, setur fundinn kl. 17 í dag.

Á sunnudaginn fer kosning formanns og tveggja varaformanna. Alls hafa 124, þar af 59 konur og 65 karlar, boðið sig fram í átta málefnaefndir Sjálfstæðisflokksins.

Flokksmenn bjóða sig fram í stjórnir málefnanefnda í fyrsta sinn á landsfundi samkvæmt nýjum skipulagsreglum Sjálfstæðisflokksins.

Allir í flokknum geta boðið sig fram í stjórnir málefnanefnda.///////////Við bíðum spennt ,sem ekki sitjum fundin ekki spurning og vonum að allt fari þarna vel fram og allir komi sér saman um að vinna þessar kosningar,og það gerum við sameiginlega ,bara mun að að þessi flokkur á að vinna fyrir alla ekki bara suma!!! Manni leiðist að komast ekki þarna en heilsan leifði það ekki,en verð bara með ykkur í anda!!!/Halli gamli

Landsfundur Sjálfstæðisflokksins hefst í dag

Segir Sigurð átt að vera tálbeitu/Öllum brögum beitt af kommunum!!!!

Segir Sigurð átt að vera tálbeitu Innlent | mbl.is | 21.2.2013 | 11:40 Björgvin G. Sigurðsson, formaður allsherjar- og menntamálanefndar Alþingis segir samskipti Ögmundar Jónassonar við bandarísku alríkislögregluna, FBI, eðlileg.

Ljóst sé af framburði „Sigga hakkara“ á fundi nefndarinnar í morgun að FBI hafi ætlað sér að nota hann sem tálbeitu í rannsókn á WikiLeaks.

Nefndin kom saman til að ræða aðgerðir FBI hér á landi sumarið 2011. Sigurður Þórðarson, Siggi hakkari, óskaði sjálfur eftir því að koma fyrir nefndina, en FBI ræddi við hann í ágúst sama ár og hefur Ögmundur Jónasson innanríkisráðherra sagt að hann telji að FBI hafi ætlað sér að nota Sigurð sem tálbeitu í rannsókn sinni á WikiLeaks.

Sigurður kom á fundinn í fylgd tveggja lífvarða og yfirgaf húsnæði nefndarsviðs Alþingis út um bakdyr. Að sögn sjónarvotta bægðu lífverðirnir fjölmiðlafólki frá Sigurði. Gerðu tilraun til að nota Sigurð sem tálbeitu „Við erum bundin trúnaði um það sem kemur fram á nefndarfundum og snýr að einstaklingum.

En almennt má um þetta segja að Sigurður óskaði að gera grein fyrir sinni aðkomu að málinu. Hann hafði sjálfviljugur samband við Alríkislögregluna (FBI) og taldi sig búa yfir upplýsingum sem hann taldi eiga erindi við hana,“ segir Björgvin. Hvaða upplýsingar voru það? „Hann gerði okkur ekki grein fyrir þeim.

“ Björgvin segir fundinn hafa verið gagnlegan og varpað ljósi á málið í heild sinni. „Ég er jafn sannfærður og áður, ef ekki sannfærðari, um að aðkoma innanríkisráðherra að málinu var bæði nauðsynleg og eðlileg. Hann brást hárrétt við.

Það blasir við að Alríkislögreglan var að rannsaka hérna tvö mál, bæði WikiLeaks og yfirvofandi tölvuárás og mér fannst það skýrast enn frekar á þessum fundi í morgun að svo var.“ Var Sigurður notaður sem tálbeita af Alríkislögreglunni til að rannsaka málefni uppljóstrunarvefsins WikiLeaks, eins og Ögmundur Jónasson innanríkisráðherra hefur sagt? „Já, það mátti alveg skilja Sigurð þannig.

Að þeir [FBI] hefðu gert tilraun til þess, sem hefði ekki tekist.“ Fór hvorki yfir strik né út fyrir umboð sitt „Það var gagnlegt að hitta Sigurð og ágætt að hann kom fyrir nefndina. Það sem snýr að okkur er eftirlitshlutverk með framkvæmdavaldinu og það hvort ráðherra fór yfir eitthvert strik eða út fyrir sitt umboð.

Ég tel svo alls ekki vera.“ Spurður að því hvort framhald verði á málinu af hálfu allsherjar- og menntamálanefndar Alþingis segir Björgvin að nefndarmenn eigi eftir að ræða það. „Þorgerður Katrín [Gunnarsdóttir] hefur óskað eftir frekari umræðu og að sjálfsögðu munum við fjalla um það og ræða okkar á mill með hvaða hætti það gæti orðið.“///////////////Þessir menn eins og Björgvin ættu ekki mikið að segja ,því það er svo að þó svo maður varla kalli þá komma!! er þetta svo að þeir velja að taka pólinn á móti Bandaríkjamönnum sem eru að díla við hryðjuverk alla daga og nætur og við eigum að styðja þá en ekki berja þá burt!!!Það er svo að þeir eru að nota sína leyniþjónustu og verða að gera !!,eða viljum við heldur vera í liði með hryðjuverkamönnum!!  þetta er ekkert grín og núna þetta með WikilLeaks og fangaflugið !!er okkur ekki sæmandi við eigum þessu mönnum líf margra sjómanna og annars meðan við nutum þeirra þyrla hér á landinu,en það annað mál,en við Íslendingar flestir viljum hafa þessa þjóð Bandaríkin með en ekki á móti okkur,það ber að skilja að við sjálfir vorum að biðja um þetta og annað!!! að það er verið að biðja um að Lögregla Íslenska mætti nota tálbeitur í kynferðisbrotamálum!!!/Halli gamli

Segir Sigurð átt að vera tálbeitu