Hefðu átt að halda sig við fiskinn ???/mikið til í þessu í bland,sumt út úr öllu samhengi

Hefðu átt að halda sig við fiskinn
Innlent | mbl.is | 6.1.2010 | 7:00
Íslendingar hefðu átt að halda sig við fiskveiðar. Þannig hefst grein sem birtist á vef bandaríska blaðsins Wall Street Journal í dag. Þar eru þorskastríð Íslendinga og Breta rifjuð upp og á það minnt að síðast þegar þessar tvær þjóðir fóru í stríð hafi ekki farið vel fyrir Bretum.

Saga af risavaxinni heimsku

Hins hafi ekki verið um eiginleg stríð að ræða, einungis pústra. Í gær hafi hins vegar á ný komið babb í bátinn hvað varðar samskipti þjóðanna og nú bætist Hollendingar við. Ólíklegt sé að hervaldi verði beitt en nú snúist deilan ekki um fisk heldur peninga. Um bankareikninga sem nefnast Icesave. Saga af risavaxinni heimsku. 

Í húfi sé aðild Íslands að Evrópusambandinu í framtíðinni og 5,7 milljarðar dala sem bresk og hollensk stjórnvöld segjast eigi inni hjá Íslandi. Í mjög óvenjulegri uppreisn hugaðs forseta Íslands ákvað hann að skrifa ekki undir lögin. Innan nokkurra klukkustunda lækkaði Fitch Ratings lánshæfismat Íslands.

Hvers vegna er Ísland í þessum vandræðum?

Hvers vegna er Ísland í þessum vandræðum? spyr höfundur greinarinnar, Iain Martin. Hann segir að Íslendingar hafi gert innrás á fjármálamarkaði eftir að íslensku bankarnir voru einkavæddir. Íslensku bankarnir hafi boðið viðskiptavinum sínum háa vexti og hefði það það átt að vekja upp spurningar einhverra, en bæði Bretar og Hollendingar hafi stokkið á að opna reikninga hjá íslensku bönkunum. Vandinn var hins vegar sá að þetta var of gott til að vera satt.

Greinarhöfundur fer yfir hrunið á Íslandi og þá reiði sem hafi ríkt á Íslandi allar götur síðan. Hann segir að bresk stjórnvöld hafi tekið Icesave reikningunum fagnandi þegar vel gekk og ekkert gert til þess að fylgjast með þeim. Þegar Landsbankinn féll hafi stjórnvöld í Bretlandi og Hollandi ákveðið að greiða þegnum sínum út innistæður sínar án þess að þurfa að gera það þar sem þeir sem áttu inni á reikningum Icesave hafi átt að gera sér grein fyrir áhættunni. Enda hafi þeir einungis endurgreitt þar sem þeir vissu að þeir áttu kröfu á hendur heimalandinu. Allt þar til í gær gekk þessi herkænska upp. 

Skilaboð til sparifjáreigenda í framtíðinni

Hvaða skilaboð gefur þetta sparifjáreigendum í stórum löndum í næstu uppsveiflu? Það að þeir þurfa ekki að spyrja of margra spurninga um hvort innistæðurnar séu traustar þar sem ef illa fer þá muni ríkisstjórn þeirra og aðrir skattgreiðendur landsins greiða þeim út innistæðurnar. Hægt verður að senda reikninginn úr landi og hann hafnar á útlendum skattgreiðendum.  

Fyrir Evrópusambandið er þetta einnig stund lærdóms. Tvö aðildarríki sem þyrstir í peninga eru að traðka á ríki sem vill fá aðild að ESB. Lokað hefur verið fyrir viðræður nema Bretar og Hollendingar fái peninga sína. ESB hefur það fyrir reglu að fara illa með lítil ríki.

Ísland gerði skelfileg mistök á sínum tíma og fyrir það geldur þjóðin

Þetta er vont mál í alla staði. Ísland gerði skelfileg mistök á sínum tíma og fyrir það þarf þjóðin að greiða. Lítil þjóð þarf á efnahagsaðstoð að halda frá stærri þjóðum. 

Greinarhöfundur veltir fyrir sér hvort útspil forsetans um að skrifa ekki undir muni virka og Íslendingar nái sínu fram en hefur miklar efasemdir þar um. Síðast þegar Ísland hafi reynt slíkt, á tímum þorskastríða, var heimurinn annar en hann er nú.

Nú ráði stórar alþjóðlegar stofnanir, ESB og AGS. Það ásamt áhrifum markaðarins gerir það að verkum að staðan er ekki sérstaklega góð fyrir Ísland. Næstu áratugina munu Íslendingar sjá eftir útrás sinni á alþjóðlega fjármálamarkaði og munu eflaust óska þess að þeir hefðu haldið sig við fiskveiðar.////það er gaman að lesa þessa grein ,þó svo margt sé þarna ekki rétt er sumt ágætt og gaman að sjá  hvernig aðrir skoða okkar feil,sem var gert auðvitað,það vitum við öll og verum að viðurkenna,en svo gróf er þetta mikið til i þesu sem þeir segja,við forum langt fram úr  okkur,og okkur ber að að læra af því,svo erum við einnig mynt a´að að við áttum alltaf að hafa meir viðskipti og halda áfrarm þvi besta sambandi sem hægt er við USA og þar er skömmin mikið okkar megin!!! þetta mynnr okkur a´það,að við áttum aldrei að slá þar á vinarhönd,sem hafði varið i 60 ára eða meira/Halli gamli

Hefðu átt að halda sig við fiskinn

Athugasemdir

[G (IP-tala skráð) 6.1.2010 kl. 08:59]

nú eiga íslendingar að hætta þáttöku í alþjóðastarfi þar til icesave er afgreitt og greitt upp.

td. hætta að greiða formúgur í Nató, loka fyrir allar greiðslur í alþjóðleg samstarf, loka á alla þróunarhjálp aðra en sem þarf að gera hér innanlands, hætta að greiða í Sameinuðu Þjóðirnar.
loka svo sendiráðum um allan heim og kalla allt það lið sem starfar þar heim

peninginn sem sparast þannig og nýta hann í að greiða IceSave upp hraðar og á betri kjörum þannig án þess að þjóðin þurfi að blæða, þá er málið afgreitt og við getum byrjað á hreinu borði þar á eftir.

[Björn (IP-tala skráð) 6.1.2010 kl. 09:49]

Þetta var enganvegin íslenskt vandamál að íslensku bankarnir féllu. Þetta gerðist bara útaf því að þessi bankar voru búnir að fá alltof mikið af auðfengnu lánsfé og svo hætti það allt í einu að koma útaf falli Bandaríska hagkerfisins. Ekkert vera að reyna að klína mér inn í þessa jöfnu og það sé mitt að borga.