Löng töf á úrlausn Icesave er öllum til tjóns/það höfum við alltaf vitað/þess vegna verður að vera samtaða!!!!

Löng töf á úrlausn Icesave er öllum til tjóns
Innlent | Morgunblaðið | 7.1.2010 | 9:30
Ráðamenn íslenskra, breskra og hollenskra stjórnvalda hafa verið í stöðugum viðræðum og samskiptum síðustu sólarhringa. Steingrímur J. Sigfússon fjármálaráðherra hefur átt samtöl við Alistair Darling, fjármálaráðherra Breta, og Wouter Bos, fjármálaráðherra Hollands, í gær og fyrradag. Hafa báðir ráðherrarnir lýst yfir vonbrigðum með ákvörðun forseta Íslands að staðfesta ekki lög um Icesave-ríkisábyrgðina.

Fer Steingrímur líklega utan til Bretlands í dag til frekari viðræðna.

 Vinsamleg samtöl

„Við höfum þurft að vinna mjög hratt til að róa ástandið svo ákvörðun forseta Íslands valdi sem minnstum skaða. Ég hef rætt við fjármálaráðherra bæði Bretlands og Hollands vegna málsins og hafa þau samtöl verið mun vinsamlegri en þegar þeir úttala sig við fjölmiðla í heimalöndum sínum. Samtölin hafa í sjálfu sér ekki breytt neinu stóru í málinu en menn eru þó tilbúnir að ræða saman og löng töf á úrlausn þessa máls er öllum til tjóns,“ sagði Steingrímur J. Sigfússon við blaðamenn að loknum ríkisstjórnarfundi síðdegis í gær.

Talsmaður breska fjármálaráðuneytisins sagði við Morgunblaðið í gær að þrátt fyrir vonbrigði með stöðu mála hefði ráðuneytið skuldbundið sig til að vinna áfram með og ráðfæra sig við íslensk og hollensk stjórnvöld, sem og ráðamenn innan Evrópusambandsins. Bresk stjórnvöld reiknuðu áfram með að Íslendingar myndu standa við sínar skuldbindingar vegna Icesave.

Svipaða sögu hafði talsmaður hollenska fjármálaráðuneytisins, Niels Redeker, að segja í gær. Hollensk stjórnvöld væru í stöðugum samskiptum við þau bresku og íslensku og svo myndi verða áfram á næstunni. Wouter Bos hefði átt ágætt samtal við Steingrím J. Sigfússon strax á þriðjudag, þar sem þeir hefðu báðir lýst vonbrigðum sínum með ákvörðun forsetans íslenska. Bos hefði einnig rætt við Alistair Darling.

Íslendingar standi skil

„Hollensk stjórnvöld halda fast við þá stefnu að Ísland sé skuldbundið til að standa skil á sínum endurgreiðslum vegna Icesave. Það er óviðunandi að þessi mál hafi ekki verið leyst,“ sagði Redeker.

Í yfirlýsingu frá Bos á heimasíðu ráðuneytisins hollenska ítrekar hann vonbrigði sín. Miklum tíma hefði verið varið í viðræður milli ríkjanna undanfarna mánuði, þar sem tekið hefði verið tillit til vilja Alþingis og aðstæðna í íslensku efnahagslífi.

Spurður út í fyrri lög Alþingis um Icesave, síðan í haust, sagði Redeker hvorki Hollendinga né Breta hafa viljað staðfesta samninga sem byggðust á þeim lögum.

Aðspurður sagði Steingrímur ekki annað í spilunum en halda ríkisstjórnarsamstarfinu áfram. „Ekki væri á bætandi ef hér kæmi líka pólitísk upplausn ofan í hitt,“ segir Steingrímur. Hann kveðst ekki vilja svara því nú hvort ríkisstjórninni sé sætt verði Icesave fellt í þjóðaratkvæðagreiðslu – og hvort forsetanum verði vært í embætti verði niðurstaðan sú fari best á því að hann sé þar sjálfur til svara.////það er mark rétt sem Steingrímur segir en einnig sumt tóm della,maður er ekki viss um að hann sé i jafnvægi til að fara utan og tala okkar mali,eftir að ver búinn að mála skrattann a veggin það gerir reynda Jóhanna einnig og þetta er ekki okkur til framdráttar að einu eða neinu leiti,þau hefðu bæðr átt að vera buin að fara út og tala okkar mati fyrir löngu,en eru kannski ekki i lagi til þessa nú svo svo reið og vond út allt að fá ´ekki að ráða því sem þau vilja ,en það aldrei er það meir ástæða til að allir flokkar taki höndum saman og vinni að málum og  á því vinnum við ekki sundrungu,það einmitt notfær andstæðingarnir sér/Halli Gamli

Löng töf á úrlausn Icesave er öllum til tjóns