Nýr prestur stýri og beri ábyrgð á kirkjustarfinu/er ekki þessi þjóðkirkja búin að vera,komin tími á Fríkirkju ,ríkið á ekkert að vera með þetta!!!!

Nýr prestur stýri og beri ábyrgð á kirkjustarfinu
Innlent | Morgunblaðið | 25.1.2010 | 11:30
Samþykkt var á almennum safnaðarfundi á Selfossi í gær að krefjast þess af biskupi, að presti sem taka á til starfa í Selfossprestakalli verði falið að stýra og bera ábyrgð á öllu kirkjustarfi í Selfosskirkju. Ágreiningur var um tillöguna en hún samþykkt með 64 atkvæðum gegn tíu.

Þar sem fleiri en einn prestur starfa innan sömu sóknar skal, samkvæmt starfsreglum, verkaskipting fara fram undir forystu sóknarprests. Séra Kristinn Ágúst Friðfinnsson, sóknarprestur í Selfossprestakalli, á ekki von á öðru en svo verði áfram. Lög og starfsreglur kveði á um ábyrgð sóknarpresta og hann segist ekki skorast undan þeim skyldum. Hann beri ábyrgð á starfi sem fram fer í kirkjum prestakallsins.

Fjölmenni var á safnaðarfundinum sem var boðaður vegna nýlegrar sameiningar Selfossprestakalls og Hraungerðisprestakalls. Hart var deilt á hvernig sú sameining kom til, en hún var ákveðin á kirkjuþingi í nóvember síðastliðnum.

Árni Valdimarsson, einn fundarmanna, sagðist í samtali við Morgunblaðið þess fullviss að þorri fundarmanna hefði ekki gert sér grein fyrir því hvað var verið að samþykkja. Samkvæmt áskoruninni væri fundurinn í raun að krefjast þess að biskup svipti sóknarprest forræði yfir stærstu kirkjudeildinni í prestakallinu. Á fundinum beindi Árni því til fundarmanna að tillaga að áskoruninni yrði ekki lögð fram en fylgdi því hins vegar ekki eftir. Greinilegt væri hvernig til fundarins var boðað, fylgismenn séra Óskars Hafsteins Óskarssonar, starfandi afleysingaprests á Selfossi, hefðu smalað á fundinn til að koma í gegn ályktuninni og því hefði verið þýðingarlaust að bera upp breytingartillögur, eða frávísun.

Þórður Árnason, sem lagði tillöguna fram, segir að líta megi svo á að farið sé fram á að sóknarpresturinn afsali sér völdum í kirkjunni. Hann sé þó ávallt yfirmaður starfsins. Þórður neitar því að sérstaklega hafi verið smalað á fundinn af sinni hálfu.////það er löngu komin tími til að afgreiða þessi mál að fullu og og láta þessa þjóðkirkju lönd og leið ríkisafaskipti af trúmálum verður að linna og stofna bara Fríkirkjur eða  þær mega heita.eitt er nauðsin nú þegar allt er skorið niður og allir varða að' spara ,það er sparnaður uppá milljarða,auðvið þarf þetta smá aðlögun en ekki langa söfnuðir bara taka við, og innheimtan getur Ríkið  seð um munar ekkert um það og allir eru jafnir og trúin bara sterkari og betri !!!allavega þurfa þeir ekki að borga sem ekki vilja og eru trúlausir/Halli gamli

Nýr prestur stýri og beri ábyrgð á kirkjustarfinu