Carbon Recycling fær starfsleyfi/Vonandi að þetta takist vel og við förum að keyra á þessu!!!!

Carbon Recycling fær starfsleyfi
Innlent | mbl.is | 3.2.2010 | 17:11
Umhverfisstofnun hefur gefið út starfsleyfi fyrir Carbon Recycling International ehf. og fyrirtækinu þar með heimilað að reka verksmiðju þar sem tilraun er gerð til að framleiða metanól úr koldíoxíði. Starfsleyfið öðlast þegar gildi og gildir til 1.febrúar 2018, samkvæmt frétt Umhverfisstofnunar.

Verksmiðjan á að framleiða metanól og var fyrsta skóflustunga að henni tekin 17. október 2009. Metanólverksmiðjan mun nýta koltvísýringsútblástur frá jarðvarmavirkjuninni við Svartsengi til að framleiða metanól, fljótandi eldsneyti fyrir bíla og önnur faratæki.

Verksmiðjan verður sú fyrsta sinnar tegundar í heiminum. Umhverfismati fyrir verksmiðjuna er þegar lokið og verksmiðjan er komin á deiliskipulag Grindarvíkurbæjar. Framleiðslugeta þessarar verksmiðju er fjórar milljónir lítra.

Umhverfisstofnun auglýsti tillögu að starfsleyfi fyrir verksmiðjuna á tímabilinu 23. október til og með 18. desember 2009 og bárust tvær athugasemdir. 

„Athugasemdirnar höfðu talsverð áhrif á skilyrði starfsleyfisins. Skipulagsstofnun benti á að hún hefði hefði fengið tilkynningu um að verksmiðjan væri tilraunaverksmiðja í skilningi laga um mat á umhverfisáhrifum og að það hefði þær afleiðingar að Umhverfisstofnun mætti ekki leyfa framleiðslu metanóls lengur en í tvö ár án þess að fram færi mat á umhverfisáhrifum.

Umhverfisstofnun féllst á þessa athugasemd. Þá kom fram í athugasemd Heilbrigðiseftirlits Suðurnesja að rétt væri að gera frekari kröfur um hreinsum fráveitu og féllst Umhverfisstofnun einnig á þetta sjónarmið. Loks voru felldar út greinar sem ekki er þörf á vegna þess að gildistími hefur verið styttur frá auglýstum texta,“ segir í fréttinni.////þetta er þarfur hlutur að byggja og vonandi gengur það eftir að við getum frameitt í stórum stíl Metanól og keyrt á þessari Íslensku framleiðslu,það er undarlegt að þetta skuli ekki hefi verið reynt annarstaðar i heiminum,og við erum fyrtir með svona það hlýtur að vera spennandi og sparandi/Halli Gamli

Carbon Recycling fær starfsleyfi