Hótar að loka Reykjavíkurflugvelli !!!/Slökkviliðstjóri hefur mikið til síns máls!!!!

Hótar að loka Reykjavíkurflugvelli
Innlent | mbl.is | 25.3.2010 | 13:12
Jón Viðar Matthíasson, slökkviliðsstjóri höfuðborgarsvæðisins (SHS), hótar því að loka Reykjavíkurflugvelli á næstu dögum fallist Flugstoðir ohf., sem reka völlinn, ekki á kröfur slökkviliðsins um mönnun brunavarna á flugvellinum sem og þjálfunarkröfur.
Segir hann einnig koma til greina að manna vaktir slökkviliðmanna á vellinum með starfsfólki SHS á kostnað Flugstoða.

Árni Birgisson, deildarstjóri flugverndar og björgunardeildar hjá Flugstoðum, segir slökkviliðsstjóra ekki hafa neina heimild til að loka flugvellinum og hafa kært ákvörðunina til umhverfisráðuneytisins.

Deila SHS og Flugstoða hefur staðið yfir síðan í fyrra, þegar forsvarsmenn Flugstoða ákváðu að segja upp samningi við SHS. Að sögn beggja deiluaðila snýst deilan í grunninn um lagatúlkun, þ.e. hvort lög um brunavarnir gildi á flugvöllum og um mönnun þessara brunavarna. Slökkviliðsstjóri vill fjóra slökkviliðsmenn en að mati forsvarsmanna Flugstoða nægir að hafa tvo. Að sögn Árna fylgja Flugstoðir í einu og öllu þeim kröfum sem Flugmálastjórn hefur sett sem sé í samræmi við kröfur samgönguráðuneytisins.

Fyrir tæpri viku sendi slökkviliðsstjórinn bréf til Flugstoða og krafðist úrbóta fyrir morgundaginn annars yrði þvingunaraðgerðum beitt. Þeir geta verið í formi skriflegrar áminningar, fyrirskipun öryggisvaktar á kostnað Flugstoða eða lokun flugvallarins. Að sögn Jóns Viðars snýst málið um mönnun og öryggi jafnt starfsmanna sem og flugfarþega.////öryggið er öllu ofar þarna að mati okkar allra og einnig slökkviliðsins,þetta mál orkar tvímælis og á ekki að gera svona,menn mega ekki horfa bara í aurinn þetta er öryggið sjálft sem á þarna að ráða,en ekki eitthver syndarmennska/Halli gamli

Hótar að loka Reykjavíkurflugvelli

Athugasemdir

[Ari Kolbeinsson, 25.3.2010 kl. 14:42]

Ég er fyrrverandi starfsmaður á reykjavíkurflugvelli og atvinnuflugmaður. Flugstoðir ganga offari sem ohf og eru að reyna að spara/græða allsstaðar án tillits til langtímaáhrifa. Bæði þetta mál og flugumferðastjórakjaradeilan sýna hvaða skoðun þeir hafa á að halda hæfu fólki og tryggja öryggi.

Þeir búa til aðstæður sem eiga ekkert skylt við raunveruleikann (bæði varðandi þessa öryggisfrétt og þegar þeir gáfu upp "laun" flugumferðastjóra, sem var að sjálfsögðu byggt á ímynduðum aðstæðum í hæstu launatöxtum með bullandi næturvinnuálag og yfirvinnu, hér láta þeir eins og þeir, Flugstoðir, geti ákvarðað að það þurfi því sem næst ekkert slökkvilið, sem er fjarri raunveruleikanum. Þeir þurfa að sjálfsögðu að hlýta alþjóðlegum reglum og mati slökkviyfirvalda sem byggist t.d. á aðgengi að þjálfuðu starfsfólki og búnaði)
  

Hugsaðu þér, tveir slökkviliðsmenn duga til að stýra EINNI slöngu ef eitthvað kemur upp á. Það er enginn aflögufær til að gera nokkuð annað.