Eggin og fleskið beint frá banka/þetta gengur einfaldlega ekki!!!!!!

Eggin og fleskið beint frá banka
Innlent | mbl.is | 8.4.2010 | 11:22
Formaður Landssamtaka sauðfjárbænda sagði þegar hann setti aðalfund samtakanna í dag, að það værin áhyggjuefni hvernig síendurtekin og gengdarlaus offramleiðsla sumra framleiðanda á svínakjöti er látin viðgangast og rekstur sumra svínabúa væri kominn í hendur fjármálastofnanna.
Það voru orð í tíma töluð í morgun þegar fjárbændur höfðu orð á því við morgunverðarhlaðborðið hér á Sögu að eggin og fleskið væru líklega „Beint frá banka,“ sagði Sindri.

Hann sagði að  síðasta aldarfjórðung hefði mikil neyslubreyting orðið í þjóðfélaginu og neysla á lambakjöti farið úr 41 kg á íbúa í 23 kg. Á sama tíma hafi heildarkjötneysla aukist úr 66 í 85 kg á mann.

„Niðurstaðan er því sú að lambakjöt hefur látið í minni pokann fyrir hvíta kjötinu, þar sem neysla á svínakjöti hefur aukist um 230% og neysla á alifuglakjöti um 300%. Við hljótum að vera sammála um að við þetta verður ekki unað. Þessa þróun verður að stoppa með öllum tiltækum ráðum," sagði Sindri.

Hann sagði að erfið staða lambakjöts á innanlandsmarkaði og samdráttur í neyslu væri áhyggjuefni. „Það er hinsvegar enn meira áhyggjuefni hvernig síendurtekin og gengdarlaus offramleiðsla sumra framleiðanda á svínakjöti er látin viðgangast. Það setur allan kjötmarkað í uppnám með tilheyrandi verðfalli hjá öllum öðrum framleiðendum. Framleiðendaverð á svínakjöti dugar í dag ekki fyrir breytilegum kostnaði, eigið fé þeirra er óðum að brenna upp eða er uppurið og rekstur sumra þeirra kominn í hendur fjármálastofnanna. Jafnvel í annað eða þriðja sinn á innan við áratug.

Ekki hafa verið afskrifaðar háar fjárhæðir vegna sauðfjárbænda á undanförnum árum. Það tap hefur að mestu verið borið af sauðfjárbændum sjálfum. En fjárhæðir er tapast hafa í kjúklinga og svínakjötsframleiðslu eru gríðarlegar. Vissulega hafa bændur þar
tapað fjármunum. En tap lánastofnanna er mælt í milljörðum. Í niðursveiflu áranna 2002-2004 var talið að tap á hverju framleiddu kílói af kjúklinga og svínakjöti hefði verið um 120 kr. Vissulega hafa þeir ekki haft beingreiðslur, líkt og sauðfjárbændur, en þeir hafa haft fullkomið frelsi til stækkunar búa og ekki sætt útflutningsskyldu líkt og við. Greinilega haft ríkulegan aðgang að lánsfjármagni. Ekki ætla ég síður að spyrja eftir framtíðarsýn og ábyrgð þeirra lánastofnanna sem nú þurfa að afskrifa enn og aftur mikla fjármuni," sagði Sindri.////þetta er ekki gott mal fyrir sauðfjarbændur,að hafa svona samkeppni beint frá banka,og þetta er því miður á fleiri sviðum og ber að sjá til að það verði ekki,þetta hlýtur að verða tekið i gegna annað er ekki boðlegt/Halli gamli

Eggin og fleskið beint frá banka