skjóli leyndar þrífst spillingin/ það eru fleiri sem hugsa svo!!!!!!

skjóli leyndar þrífst spillingin
Innlent | mbl.is | 11.4.2010 | 12:33
„Almenningur er búinn að fá upp í kok á réttarkerfi sem byggir á öfugsnúningi. Það þarf ekki annað en að opna fólki sýn inn í kerfið þá er það knúið til að bæta sig. Í skjóli leyndar þrífst spillingin. Það á við núna ekkert síður en í gær. Það á við í stjórnmálum, það á við í fjármálakerfinu, það á við alls staðar. Þess vegna er krafa dagsins: Allt upp á borð, allt skal vera lýðræðislegt og opið, ekki bara varðandi gærdaginn. Heldur núna," segir Ögmundur Jónasson, þingmaður VG í pistli á vefsíðu sinni um útkomu rannsóknarskýrslu Alþingis á morgun.

Pistill Ögmundar ber yfirskriftina Í leikriti eftir Ibsen? og hefst þannig:

„Á morgun verður birt skýrsla Rannsóknarnefndar Alþingis. Lögreglan segist verða í viðbragðsstöðu, biskup þjóðkirkjunnar hefur sent prestum og djáknum bréf þar sem hann hvetur til þess að söfnuðir kaupi eintak af skýrslunni og láti liggja frammi í safnaðarheimilum. Þar geti fólk síðan beðist fyrir. Fjölmiðlarnir segjast hafa verið að undirbúa sig vikum saman, fréttamenn eru hvattir til að verða vel sofnir, leikarar munu stíga á svið í maraþon lestri þar sem hvert orð skýrslunnar verður lesið á fimm sólarhringum.  Á Alþingi streyma út upplýsingar um  tímasetningar, hvenær  - uppá sekúndubrot  - skýrslan verði birt, hvenær vefurinn opnaður og hvenær plöggin verði komin á borð þingmanna.  Þeir segjast sumir hverjir hafa af því þungar áhyggjur að fá ekki nægilegan tíma til lesturs áður en þeir stíga í ræðustól um skýrslu allra tíma.
Er þetta leikrit eftir Ibsen? Nei, þetta er Ísland í dag.“

Síðar í pistlinumsegir Ögmundur: „Á öðrum vettvangi er síðan verið að kortleggja hverjir það voru sem stálu Íslandi og í kjölfarið sjá til þess að ránsfengnum verði skilað. Til þeirra verka fengum við Evu Joly okkur til halds og trausts. Því verki verður að ljúka. Lög og réttur eiga að gilda um milljarðabófa - ekki bara smákrimmana/////um þetta erum við flest sammála ,þetta verður mikið upphlaup og kannski ekki það sem þúið þurfum akkúrat nú,það er svo margt sem þarf að gera að það hálf væri nóg,ef þetta á að stoppa allt ferli okkar er það af hinu illa,en ræðum þetta í bróðerni/Halli Gamli

Í skjóli leyndar þrífst spillingin

Athugasemdir

[Guðjón Sigþór Jensson, 11.4.2010 kl. 16:02]

Mættum við eiga fleiri þingmenn á borð við Ögmund? Hann hefur alltaf talað skýrt og komið beint fram. Hann hefur fremur viljað afsala sér völdum og vegtyllum en að ganga gegn sannfæringu sinni.

Mættu þingmenn Framsóknarflokksins, Sjálfstæðisflokksins og sjálfsagt fleiri ekki taka hann sér til fyrirmyndar?

Það var ljóst að ekki væri allt með felldu þegar einkavæðing bankanna og ýmissa fyrirtækja gekk út á afhendingu þeirra án þess að greitt væri fyrir.

Bestu kveðjur

Mosi