Hlaup rauf varnargarða í Fljótshlíð/ hlaupið sem byrjaði um 18,00 í kvöld!!!

Hlaup rauf varnargarða í Fljótshlíð
Innlent | mbl.is | 15.4.2010 | 20:26
Gos hefur verið jafnt og stöðugt í allan dag. Stórt vatnsflóð kom niður Gígjökul kl. 18.30 er að fara niður í byggð. Rauf það varnargarða í Fljótshlíð við Þórólfsfell á leið sinni til sjávar. Svo virðist sem að gamla brúin hafi sloppið,en flóðið farið að sjatna.               Öskufall hefur verið mikið í allan dag og aðallega bundið við svæðið á milli Hjörleifshöfða og Kirkjubæjarklausturs. Ekki sást handaskil þegar verst var.  Vegurinn á milli Kirkjubæjarklausturs og Víkur var opnaður þegar leið á daginn og öskufall minnkaði þegar leið á kvöldið. 

Flúorinnihald hættulegt búpeningi

 

Greining á ösku hefur leitt í ljós að flúorinnihald er hættulegt búpeningi þegar öskulag er meira en 1 cm.   Vel er fylgst með eldingum og þær hafa verið bundnar við gosmökkinn hingað til.   Erlendir fjölmiðlar hafa fylgst náið með gangi mála og eru mjög áhugasamir um framvindu gossins.  

Í dag var unnið að því að greina áhrif öskunnar á lýðheilsu og var ráðist í að þýða tvo bæklinga varðandi áhrif öskufalls á lýðheilsu og helstu varnir gegn öskufalli.   Einnig hófst dreifing á öndunargrímum til heilsugæslustöðva og viðbragðsaðila.  Björgunarsveitir hafa staðsett tvo brynvarða bíla á gossvæðinu og er annar á Kirkjubæjarklaustri en hinn er á Vík. 

Hvað varðar öskufall þá gerir veðurspáin ráð fyrir að vindur fari í norðanátt og þá má búast við öskufalli undir Eyjafjöllum og í Vestmannaeyjum þegar líður á morgundaginn.  Öskufallið hefur haft gríðarleg áhrif á flugumferð bæði hér heima og erlendis.   Farþegar eru tepptir hér á landi og einnig eru margir farþegar sem bíða eftir að komast til landsins.   Í dag hefur innanlandsflugið gengið eðlilega og eins er Ameríkuflugið opið en miklar truflanir eru á öllu Evrópuflugi. /////svona leika nátturuöflin okkur án þess að spyrja Kóng eða Prest,við þessu mátti auðvitða búast ,en svona er þetta og vonandi að þetta verði ekki mikið meira,við biðjum fyrir þvi,og að fólk og skeppnur sleppi við eyðileggingu meiri en orðið er/Halli gamli

Hlaup rauf varnargarða í Fljótshlíð