Slæmt fyrir ferðaþjónustuna/slæmt fyrir okkur öll einnig !!!!!!

Slæmt fyrir ferðaþjónustuna
Innlent | Morgunblaðið | 16.4.2010 | 5:30
„Þetta er auðvitað gríðarlegt áhyggjuefni fyrir ferðaþjónustuna hér á landi þegar flug til helstu viðskiptalanda okkar stöðvast með þessum hætti,“ segir Erna Hauksdóttir, framkvæmdastjóri Samtaka ferðaþjónustunnar, um áhrif eldgossins í Eyjafjallajökli á ferðaþjónustu.

Samtökin héldu í gær fund með fulltrúum Flugstoða, Veðurstofu Íslands og ýmsum sérfræðingum til að meta stöðuna.

Fjölmargir hópar ferðamanna eru nú á ferð um landið, ekki síst um Suðurlandið þar sem margt laðar að ferðafólk. Erna segir ferðaskrifstofur nú vinna hörðum höndum að því að breyta ferðaskipulaginu vegna þeirrar röskunar sem orðið hefur.

„Svona truflun hefur gríðarleg áhrif en við vonum auðvitað að þetta verði stutt, taki fljótt af,“ segir Erna. Gosið á Fimmvörðuhálsi hafi verið fallegt túristagos, tjónið lítið og margir hafi notið þess að skoða það. „En þetta er annars eðlis og það er mikilvægt að héðan berist réttar fréttir. Útlendingar þurfa að vita að innviðir hér á Íslandi eru í ágætis lagi. Erlendir fjölmiðlar eru misgóðir, margir segja vandaðar fréttir af þessu en sumir eru að búa til svolitlar hryllingssögur.“//////auðvitað er þetta slæmt fyrir ferðaþjónustunar og mikið tap fyrir landið,en það á við okkur öll,ekki síst fyrir þessa sveitir sem þarna eiga um sárt að binda,en við verðum bara að vona að þetta fari að minka en ekki aukist sem engin veit um,við töpum á þessu öll Íslendingar og reyndar aðrar þjóðir i Evrópu einnig ein sog er/Halli gamli

Slæmt fyrir ferðaþjónustuna