Völlum líklega aftur lokað !!!!!

Völlum líklega aftur lokað
Innlent | mbl.is | 26.4.2010 | 19:11
Miðað við nýjustu öskufallsspá lítur út fyrir að takmarkanir verði aftur settar á flug til og frá Keflavíkurflugvelli og Reykjavíkurflugvelli snemma í fyrramálið. Iceland Express og Icelandair hafa þegar ákveðið að flýta brottför vegna þessa.

Iceland Express ætlar vegna þessa að flýta flugi félagsins frá Keflavík til London og Kaupmannahafnar. Vélarnar fara klukkan 05:30 í stað 07:00. Farþegar eru þó beðnir um að fylgjast vel með, þar sem áætlun getur breyst með stuttum fyrirvara.

Icelandair hefur einnig flýtt brottfor tveggja véla, annars vegar til Orlando og hins vegar til Glasgow. Áður hafði þessum vélum verið flýtt til klukkan 09:00 en hefur brottför nú verið ákveðin klukkan 06:00.

Þurftu að aflýsa flugi til og frá Vestmannaeyjum

Flugfélag Íslands þurfi að aflýsa flugi á milli Vestmannaeyja og Reykjavíkur um fimm leytið í dag, sökum þess að svæðið sem ekki er flogið inn á færðist yfir Vestmannaeyjar.

Að öðru leyti var flug félagsins að mestu leyti eins og gengur og gerist, segir Árni Gunnarsson, framkvæmdastjóri þess. Vél sem átti að lenda á Ísafirði þurfti að vísu að lenda á Þingeyri, en það var vegna vinda og hafði ekkert með gosið að gera.

Árni segir að í raun hafi ótrúlega lítil röskun orðið á  innanlandsflugi, miðað við þá röskun sem varð t.d. á meginlandi Evrópu, en allt innanlandsflug féll niður í tvo daga. Mat flugfélagsins er að það hafi orðið af á milli sjö og átta milljónum króna á dag þá daga sem ekkert var flogið./////svo getur þetta truflað ennþá og engin getur i raun séð það fyrir,en svona er náttúran hún fer sinar eigin leiðir og spyr ekki að,ef þessu heldur áfram er það kostnaður sem er mikill og bara óborganlegur hvar á að taka peningana,það er ekki hægt að redda heimilum landsins sem eru 25-40% i vanskilum,hvar á að taka fyrir þessu öllu sem þessi gos valda ,það er spurning sem ekki er svarað/Halli gamli

Völlum líklega aftur lokað