Chelsea með pálmann í höndunum en Ferguson vonast eftir kraftaverki/þetta gerist í dag !!!

Chelsea með pálmann í höndunum en Ferguson vonast eftir kraftaverki
Íþróttir | Morgunblaðið | 9.5.2010 | 9:57
Það ræðst í dag hvort það verður Chelsea eða Manchester United sem hampar Englandsmeistaratitlinum í knattspyrnu i ár,en þar fer fram lokaumferð deildarinnar.

Chelsea er með pálmann í höndum. Vinni liðið sigur á Wigan á heimavelli sínum er meistaratitillinn þeirra en misstígi leikmenn Lundúnaliðsins sig bíða meistarar síðustu þriggja ára eins og gammar, tilbúnir að taka á móti enn einum titlinum.

Takist United að leggja Stoke að velli og Chelsea nær ekki að fara með sigur af hólmi á móti Wigan fer bikarinn á loft á Old Trafford og um leið setur félagið nýtt met hvað fjölda titla varðar. United og Liverpool hafa innbyrt titilinn 18 sinnum hvort félag í efstu deild en Chelsea getur orðið meistari í fjórða sinn og reyndar er fátt sem bendir til annars en að svo verði.

„Mínir menn hafa verið mjög einbeittir alla vikuna. Þeir vita hversu mikilvægur leikurinn er. Til þess að vera meistarar þurfum við að spila eins vel og við gerðum á móti Liverpool. Við erum í góðri stöðu og við getum ráðið okkar eigin örlögum á okkar heimavelli á Stamford Bridge sem er mjög gott,“ sagði Carlo Ancelotti, stjóri Chelsea, við fréttamenn í gær en nær öruggt er talið að hann tefli fram sama liði og vann Liverpool um síðustu helgi. Chelsea tapaði fyrri leiknum gegn Wigan en liðið hefur aðeins tapað einum leik á heimavelli á leiktíðinni.

Sir Alex Ferguson, knattspyrnustjóri Manchester United, hefur ekki gefið upp vonina um að kraftaverk eigi sér stað á Stamford Bridge.

„Við vonumst til að ljúka mótinu á réttan hátt en það er aldrei auðvelt að spila á móti Stoke. Liðið er ákveðið og baráttuglatt. Við viljum gera vel í síðasta heimaleiknum og þú veist aldrei hvað gerist. Við bíðum bara og sjáum hvað gerist,“ sagði Ferguson en lærisveinar hans töpuðu síðast deildaleik gegn Stoke árið 1984. gummih@mbl.i.s  //////þetta verður spenna!!!maður horfið og sér þetta vonandi allt  sem  skiptir máli,auðvitað heldur með sinum mönnum ARSENAL sem vonandi halda 3 sætinu og hitt er spenna þar sem það óvænta gæti skeð !!!!en spyrjum að leikslokum/Halli gamli

Chelsea með pálmann í höndunum en Ferguson vonast eftir kraftaverki