Flestir treysta Steingrími/gamla kommanum!!!!!

Flestir treysta Steingrími
Innlent | mbl.is | 12.5.2010 | 15:23
Flestir, eða 37,6% aðspurðra, segjast bera mikið traust til Steingríms J. Sigfússonar fjármálaráðherra í nýrri könnun MMR á trausti almennings til forystufólks í stjórnmálum. Aftur á móti fjölgar þeim nokkuð sem segjast bera lítið traust til Bjarna Benediktssonar, formanns Sjálfstæðisflokksins.

Traust til Steingríms helst nær óbreytt frá síðustu könnun MMR í september 2009.

Þá sögðust 23,9% bera mikið traust til Jóhönnu Sigurðardóttur forsætisráðherra borið saman við 36,0% í síðustu könnun. Fyrir rúmu ári síðan í febrúar 2009 kváðust 58,5% bera mikið traust til Jóhönnu.

Rúmlega 40% svarenda sögðust bera lítið traust til Steingríms og helst það svo til óbreytt frá síðustu könnun en þeim fjölgar nokkuð sem segjast bera lítið traust til Jóhönnu eða 52,9% borið saman við 39,8% í síðustu könnun.

Næst flestir eða 26,7% sögðust bera mikið traust til Ólafs Ragnars Grímssonar forseta Íslands en 46,9% sögðust bera lítið traust til hans.

Spurt var um traust til nokkurra stjórnmálaleiðtoga.

 

Nú segjast 16,1% bera mikið traust til Birgittu Jónsdóttur, formanns þingflokks Borgarahreyfingarinnar en 7,4% báru mikið traust til hennar skv. könnuninni í september 2009.

Þeim sem segjast bera lítið traust til Birgittu fækkar nokkuð milli kannanna, nú segjast 55,4% bera lítið traust til hennar borið saman við 63,0% í síðustu könnun.

Aftur á móti fjölgar þeim nokkuð sem segjast bera lítið traust til Bjarna Benediktssonar, formanns Sjálfstæðisflokksins, 67,0% sögðust bera lítið traust til hans nú samanborið við 54,4% í síðustu könnun.

Ef litið er á afstöðu svarenda til stjórnmálaflokka, má t.d. sjá að Steingrímur J. Sigfússon nýtur trausts meðal 88,1% þeirra sem segjast myndu kjósa Vinstri græna væri gengið til kosninga nú, Jóhanna Sigurðardóttir nýtur trausts meðal 75,6% stuðningsmanna Samfylkingarinnar, Sigmundur Davíð Gunnlaugsson nýtur trausts meðal 70,3% Framsóknarmanna og Bjarni Benediktsson nýtur trausts meðal 55,6% Sjálfstæðismanna.

Könnunin var framkvæmd dagana 4.-10. maí 2010 og var heildarfjöldi svarenda 976 einstaklingar. /////þetta er skrítin skoðunarkönnun reina að rugla fólk eins og hægt er auðvitað er verið að treysta gamla kommann þarna  Steingrím JÓHANNA skorar ekki hátt sem forsætisráherra en svona er þetta og höggi komið á Framsókn og Sjálfstæðismenn,ljót að  segja svo að  þessi skoðunarkönnun er bara keypt og ekkert annað,fyrir hvað er verið að hæla þessu fólki fyrir þarf ekki að spyrja um það ,það hefur ekkert veið gert af þessari ríkisstjórn til að retta við ranglætið hjá þeim sem mynna hafa og heimilunum og fyrirtækjunum allir að missa sitt ,skattar hækkaðir og atvinnuleysi það mesta i manna mynnum/Halli gamli

Flestir treysta Steingrími