Kolniðamyrkur við jökulinn !!!!!!!

Kolniðamyrkur við jökulinn
Innlent | mbl.is | 13.5.2010 | 20:32
Mikið öskufall er nú í nágrenni Eyjafjallajökuls og að sögn lögreglunnar á Hvolsvelli er skollið á kolniðamyrkur við Þorvaldseyri. Víða sé skyggni aðeins um tveir metrar.
Að sögn lögreglu eru aðstæður þannig að fólk heldur sig innandyra. Frá Holtsá og austur að Skógum er á köflum kolniðamyrkur, en lögreglan segir að öskufallið frá Eyjafjallajökli sé gríðarlega mikið þessa stundina. Að sögn Veðurstofu Íslands er gosmökkurinn grár og stefnir í suðaustur. Hæð hans yfir sjávarmáli er að jafnaði um 6 km samkvæmt veðurratsjá en fer hæst í um 9 km. Mjög hægur vindur er ofan við gosstöðvarnar, og óstöðugt loft fyrir sunnan land, en þetta hefur hvort tveggja áhrif á hæð öskuskýsins.

Tilkynningar hafa borist um öskufall frá Berjanesi og fleiri stöðum undir Eyjafjöllum. Drangshlíðar- og Skarðshlíðarbæir tilkynna um öskufall frá því kl. 6 í morgun, með smá hléi um hádegisbilið og aftur um kl. 16. Frá Skógum er tilkynnt um öskufall frá miðnætti til morguns. Askan er nú aftur heldur fínni.//////málið er að verða mjög svo alvarlegt að mati allra sem um þetta  fjalla ,og ekkert láta á þessu nema síður sé,hvað er til ráða það er ekki annað en að gera allt sem  hægt er fyrir þetta fólk og búskap þess,þetta versnar með hverjum degi/Halli gamli

Kolniðamyrkur við jökulinn

Athugasemdir

[Sigurður Haraldsson, 14.5.2010 kl. 00:34]

TAFARLAUS RÝMING Á SVÆÐINU! ÞAÐ ÆTTI ENGINN AÐ VERA NÆRRI ELDSTÖÐINNI!