Rannsóknin gæti tekið 4 ár/ alltof langur tími ????

Rannsóknin gæti tekið 4 ár
Innlent | mbl.is | 16.5.2010 | 13:08
Eva Joly telur raunhæft að hægt verði að ljúka rannsókn á hruni bankanna á fjórum árum ef tillögu um að sérstakur saksóknari fái 80 manns til starfa verði hrundið í framkvæmd, en þar starfa um 30 manns í dag. Hún sagðist ánægð með hvernig rannsóknin hafi gengið fr

Joly var í viðtali hjá Agli Helgasyni í þættinum Silfri Egils. Hún ræddi þar talsvert um þau viðbrögð sem komið hafi fram hjá þeim sem rannsóknin beinist að. Joly sagði alþekkt í svona málum að ásakanir kæmu fram hjá lögmönnum sakborninga um brot á mannréttindum. Reynt væri með öllum mögulegum leiðum að gera rannsóknina tortryggilega. Bæði lögmenn og fjölmiðlar væru notaðir til að draga úr trúverðugleika rannsóknarinnar.

Joly sagði að menn sem töluðu um mannréttindabrot við rannsókn efnahagsbrota væru að misnota mannréttindalöggjöfina.  Löggjöfin væri misnotuð af mönnum sem hefðu ekki skilning á hvað mannréttindi gengu út á.

Joly sagði að það væri erfiðara að sækja velstætt fólk úr miðstétt til saka en t.d. fíkniefnasala. Rannsakendur, saksóknari og dómskerfið væri ekki vön því að fást við hvítflibbaglæpi. Þar væru menn fyrst og fremst að fást við þjófa, fíkniefnasala og ofbeldismenn.

Joly sagðist ánægð með rannsókn sérstaks saksóknara. Búið væri að vinna vel í rannsókn margra mála. Erlendir sérfræðingar hefðu hjálpað til og hún sagðist vita að það væri mikill vilji í Evrópu að hjálpa Íslendingum við að ljúka rannsókninni. Hún sagði að allt yrði gert sem í mannlegu valdi standi til að rannsaka alla stóru bankana þrjá, sem féllu.

Joly sagði að samráð hefði verið haft við skilanefndir bankanna við rannsókn mála. Hún sagði eðlilegt að sækja mál á hendur stjórnendum bankanna bæði sem sakamál og einkamál.

Spurð um rannsókn á Landsbankanum sagði Joly að Kaupþing hefði verið stærsti bankinn og því eðlilegt að leggja áherslu á að rannsaka hann. Það kæmi hins vegar að Landsbankanum. Hún fullyrti að ekkert pólitískt makk væri í gangi um að hlífa einhverjum sem tengdust hruni bankakerfisins.

am að þessu/////þetta er alltof langur tími að mínu áliti,80 manns i 4 ár  hvað kostar það einnig með henni ekki er hún á sultarlaunum,nei Norðmenn ætla að hjálpa og fleiri þetta verður að taka styttri tíma annað setur okkur á hausinn aftur/þetta er svona að ríkisstjórnin vill þetta og dreyfa huga fólks með þessu úr og i/það þarf að kersetja allar eigur þessara manna og ekkert annað og láta þá svar til saka svo 100 mans i eitt ár eða svo/Halli gamli

Rannsóknin gæti tekið 4 ár

Athugasemdir

[Arnór Baldvinsson, 16.5.2010 kl. 17:51]

Sæll Haraldur,

Ég hef ekki áhyggjur af þessu.  Jú það er ákveðinn kostnaður sem fylgir þessu, en það er kostnaður sem verður hægt að sækjaá hendur þeim sem verða dregnir fyrir dóm og þetta er örlítið brot af því sem felst bar í þeim málum sem hafa verið send til dómstóla (Glitnir í New York) - miðað við tölur sem ég hef séð frá Dómsmálaráðuneytinu þá er kostnaðurinn við Sérstakan saksóknara og tengdan kostnað (held að skilanefndirnar hafi verið inn í þessu) um milljarður síðustu 12 mánuði sem er rétt 0.4% af því sem er verið að sækja í New York.  Þessi mál eru gífurlega yfirgripsmikil og taka langan tíma að rannsaka.  Þetta er rannsókn þar sem hreinlega má ekki kasta til höndum eða þessi mál kunna að tapast fyrir rétti og þá hafa þessir menn komist upp með það að stela þúsundum milljarða.  Það bara má ekki ske!

Kveðja,