Keflavíkurflugvöllur lokast /þetta er ekki endaslept gosið á maður við!!!!!!!

Keflavíkurflugvöllur lokast
Innlent | mbl.is | 17.5.2010 | 9:33
Útlit er fyrir að Keflavíkurflugvelli verði lokað síðar í dag vegna öskuskýsins frá Eyjafjallajökli og Icelandair hefur því fellt niður flug til Kaupmannahafnar, London, New York, Boston og Seattle síðdegis.

Jafnframt hefur verið fellt niður flug frá Kaupmannahöfn, London, Manchester/Glasgow, Osló, Stokkhólmi, Helsinki, Frankfurt, París, Amsterdam síðdegis í dag, og flug frá New York, Boston og Seattle í kvöld, að því er fram kemur í fréttatilkynningu frá Icelandair.

Sett hafa verið upp ný flug, frá Kaupmannahöfn (tvö flug), Osló, Stokkhólmi, Helsinki, London og Manchester/Glasgow í nótt og er gert ráð fyrir komu þeirra til Keflavíkurflugvallar þegar hann opnar um klukkan 06.00 í fyrramálið.

„Í dag erum við ekki aðeins að glíma við lokun Keflavíkurflugvallar, heldur einnig takmarkaða umferð um flugvelli á Bretlandseyjum og víðar. Ekki er unnt að fljúga í nótt frá Amsterdam, París og Frankfurt vegna næturlokana á flugvöllunum, en reynum að halda flugstarfseminni gangandi eins og unnt er við þessar erfiðu aðstæður,“ segir Guðjón Arngrímsson, upplýsingafulltrúi Icelandair.

Flugumferð hefur verið takmörkuð sunnan- og vestanverðri Svíþjóð og hugsanlegt er að flugvöllum í Noregi verði lokað í kvöld vegna öskuskýsins.

Flugumferð var takmörkuð í sunnan- og vestanverðri Svíþjóð, frá Strömstad til Ystad, að sögn fréttavefjar Dagens Nyheter í morgun. Útlit er fyrir að flugsamgöngur raskist á svæðinu í allan dag.

Öskuský nálgast Noreg og líklegt er að það verði yfir suður- og vesturströnd landsins í kvöld. Hugsanlegt er að loka þurfi flugvöllum á svæðinu, meðal annars í Bergen og Stafangri, að því er fram kemur á fréttavef norska dagblaðsins Aftenposten.

Lofthelgi Færeyja er lokuð vegna öskuskýsins. Gert er ráð fyrir því að öskuskýið verði komið í lofthelgi Danmerkur um tvöleytið í dag en ekki er talið að það raski flugumferðinni þar, að sögn fréttavefjar danska blaðsins Politiken.

Fyrr í morgun var skýrt frá því að flugvöllum í Hollandi, meðal annar Schiphol, hefði verið lokað. Tveimur stærstu flugvöllum Lundúna Heathrow og Gatwick, var lokað í nótt en þeir voru opnaðir að nýju í morgun. Flugvellir á Írlandi, Norður-Írlandi, Norður-Englandi og Skotlandi hafa einnig verið lokaðir. 

Útlit er fyrir að Keflavíkurflugvöllur verði lokaður síðar í dag vegna öskuskýsins frá Eyjafjallajökli, samkvæmt upplýsingum frá Flugstoðum. Gert er ráð fyrir því að Reykjavíkurflugvöllur verði lokaður fram eftir degi og hugsanlegt er að flugvellirnir á Akureyri og Egilsstöðum verði lokaðir í kvöld, eins og staðan er núna. Ný spá verður birt á hádegi í dag.//////þetta að verða alvarlegt mjög og þetta gos fyrir okkur fólk og þarna  austur i sveitum og allt til klausturs,það er voðalegt ef þessu linnir ekki ,sem engin sér fyrir,en flugið er einnig i vanda og það er í miljarða tölum orðið nú þegar og ekkert skánar  þar heldur versnar!!!! svona er þessi náttúra hún lætur ekki að sér hæða,og fer sínu fram ,hvað sem tautar og raular/Halli gamli

Keflavíkurflugvöllur lokast