Máli Sigurðar vísað frá/ Sigurður áfram eftirlýstur!!!!!

Máli Sigurðar vísað frá
Innlent | mbl.is | 19.5.2010 | 16:13
Hæstiréttur vísaði í dag frá máli Sigurðar Einarssonar, fyrrverandi stjórnarformanns Kaupþings, en hann fór fram á ógildingu alþjóðlegrar handtökuskipunar. Samkvæmt upplýsingum frá embætti sérstaks saksóknara vísaði Hæstiréttur til þess að kæruheimild væri ekki fyrir hendi.Gestur Jónsson, verjandi Sigurðar, sagði í samtali við Morgunblaðið í gær, að hann teldi skilyrðum ekki uppfyllt til handtökuskipunarinnar, enda þurfi að vera einhver rík nauðsyn til þess, sem hann telur ekki hafa verið.

Handtökuskipunin frá sérstökum saksóknara var, sem kunnugt er, send til Alþjóðalögreglunnar Interpol, sem lýsti eftir Sigurði opinberlega þriðjudaginn 11. maí síðastliðinn.

Farbönn staðfest og framlengd

 

Í gær staðfesti Hæstiréttur farbannsúrskurð yfir Magnúsi Guðmundssyni, fyrrverandi forstjóra Kaupþings í Lúxemborg. Hann verður líkt og Hreiðar Már Sigurðsson, fyrrverandi forstjóri Kaupþings, og Ingólfur Helgason, fyrrverandi forstjóri Kaupþings á Íslandi, í farbanni til 28. maí nk.

Að endingu framlengdi Héraðsdómur Reykjavíkur farbann yfir Steingrími Kárasyni, fyrrverandi framkvæmdastjóra áhættustýringar Kaupþings. Hann verður jafn lengi og aðrir í farbanni.

Hæstiréttur á enn eftir að taka til meðferðar mál Hreiðars Más og Ingólfs en þeir kærðu farbannsúrskurði Héraðsdóms Reykjavíkur. Búist er við að þær kærur verði teknar fyrir á morgun./////þetta er svona að það virkar bara á annan vegin,ekki hægt að kæra??? en svona fer þetta og allt stendur fast og framhaldið er að fá hann framseldan ,en það er ekki á lausu,en ætli hann verði bara ekki yfirheyrður í BRETLANDI getur saksóknari ekki gert það,ein og að fara til Svíþjóðar á  þing um daginn,en þetta er að verða flókið mál og þarf að skírast betur/Halli gamli

Máli Sigurðar vísað frá

Athugasemdir

[kolbrún Bára (IP-tala skráð) 19.5.2010 kl. 20:15]

Hverskonar siðblinda  og dómgreindarleysi er þetta hjá gömlum manni?      Ég héllt að siðferðistilfinning þroskaðist með árunum. Þú hugsar og skrifar eins og óharnaður unglingur, sem finnst ,,kool" að vera á  móti ríkjandi þjóðskipulagi, en veist kanski ekki alltaf frekar en hann hverju þú ert  að mótmæla. Þetta er graf alvarlegt mál. ,, Áfram Sigurður" áfram með hvað má ég spyrja? Áfram, að nýðast á íslenskum samborgurum sínum og mest á þeim er minnst hafa? Hvað hefur maðurinn afrekað? Komið ekki bara stærsta banka landsins á vonarvöl heldur einnig  ásamt fleirum heillri þjóð, með græðgi, svindli og  svínaríi. Þinni þjóð. Þar fyrir futan hefur hann, með hroka sínum og yfirlæti, openberlega forsmáð þjóð sína  með framkomu sinni síðustu daga.

Hverskonar bakþankar búa þarna að baki, er það sleikjuháttur fyrir þeim ríku  sem er þér svona inngróinn og þú ræður ekki við? Varla umhyggja fyrir samborgunum og komandi kynslóðum. 

[Haraldur Haraldsson, 19.5.2010 kl. 22:34]

það vill svo til Kolbrún að siðblindan er hjá mörgum ekki bara þessum köllum þarna,þú virðistekki hafa lesið bloggið mitt mikið ef þú heldur að  maður sé að verja gjörðir þeirra,alls ekki ,en Dómskerfið á að sjá um þetta og gerir vonandi,en skoðanir má maður hafa á hvernig farið er að þeim,eða ert þú ein af þeim sem vilt bara taka þá af lífi án dóms og laga,en samt tel eg að eg þurfi ekki að krjúpa fyrir neinum ,nema dauðanum að lokum/Kveðja Halli gamli

[Kolbrún Bára (IP-tala skráð) 19.5.2010 kl. 23:10]

Þú hefur mikið til þíns máls, Halli gamli, eins og svo oft áður. Það var fljótfærni

úr mér sem réðst nokkuð af fyrirsögninni og skoti á sérstakan saksóknara, sem mér við nánari skoðun, finnst ég  kanski megi gagnrýna. Annars vil ég biðja þig innilega afsökunar á allt of stórum orðum, sem ekki voru makleg.

Fyrirgefðu, ég skal lesa betur næst, áður en ég læt reiði mína hlaupa með

mig í gönur.

Með vinsemd og þökk fyrir hófværa svargrein.

Kveðja,

Kolbrún Bára