Þungt hljóð í formönnum aðildarfélaga ASÍ/ "bragð er að þá barnið finnur" segir máltækið!!!!

Þungt hljóð í formönnum aðildarfélaga ASÍ
Innlent | mbl.is | 25.5.2010 | 15:37
Það var þungt hljóðið í formönnum aðildarfélaga ASÍ á formannafundi í dag. Það er ljóst að erfiðir kjarasamningar fara í hönd með haustinu þar sem verkalýðshreyfingin mun nýta afl sitt til að sækja kjarabætur. Mikil gagnrýni kom fram á ríkisstjórnina fyrir ýmsar sakir en helst vegna aðgerðarleysis í atvinnumálum. Gengu sumir fundarmanna svo langt að segja ríkisstjórnina komna á endastöð.
að því er segir í tilkynningu frá ASÍ.

 „Það voru einkum þrjú stef sem einkenndu umræðuna um efnahags- og atvinnumál.  Ríkisstjórnin fékk falleinkunn fyrir aðgerðaleysi í baráttunni gegn atvinnuleysi og seinagang við að koma verkefnum í gang sem lífeyrissjóðirnir eru tilbúnir að fjármagna. Þá bar nokkuð á ótta um að ríkisstjórnin myndi ráðast á millitekjuhópinn þegar hún talar hátekjuskatt. Skýrt kom fram í máli verkalýðsforingjanna að svik ríkisstjórnarinnar um hækkun persónuafsláttar nú í vetur eru geymd en ekki gleymd. 

Rætt var um kjarasamningana sem framundan eru í haust.  Kom fram í máli manna að erfiðar viðræður stæðu fyrir dyrum og mikilvægara en oftast áður að verkalýðshreyfingin standi saman.  Sameiginlegur slagkraftur hreyfingarinnar er afl sem gæti þurft að beita í kjarasamningsgerðinni. 

Í þriðja lagi var rætt um mikilvægi þess að ná fram jöfnun lífeyrisréttinda á við opinbera starfsmenn.  Brann það mál mjög heitt á mörgum fundarmönnum," segir í tilkynningu.//////skyldi fólkið blessað sem er aðganga til kosninga lesa þetta og skoða hvað er i gangi þarna með þessa ríkisstjórn og efndir hennar,það verður að taka mark a´þessu og kjósa þetta ekki yfir sig i sveitastjórnarkosningum,þetta er alvarlegt mjög og við verðum að hugsa lengra en þetta ,það hjálpar okkur engin nema við viljum það sjálf og við getum ekki haldið svona kærrulaus  áfram,þessu verðum við að bjarga og kjósa fólk með reynslu ekki bara GRÍN/Halli gamli

Þungt hljóð í formönnum aðildarfélaga ASÍ