Sveitarstjórnirnar fallandi karlavígi/þetta kemur að sjálfu sér,þarf ekkert lög um þetta!!!!

Sveitarstjórnirnar fallandi karlavígi
Innlent | Morgunblaðið | 1.6.2010 | 10:30
Af 479 sveitarstjórnarfulltrúum á landinu eru 187 konur eða sem nemur 39%. Er hlutdeild kvenna í sveitarstjórnum nú á bilinu 0-60%. Að loknum sveitarstjórnarkosningum árið 2006 voru 35,9% sveitarstjórnarmanna konur og fyrir þær kosningar voru 32% kjörinna fulltrúa konur.
Fyrir kosningar 2002 voru konur 28% sveitarstjórnarmanna. Hefur hlutur kvenna í sveitarstjórnum því aukist um ríflega þriðjung síðan fyrir kosningarnar 2002, sem nemur ellefu prósentustigum. Eru þessar tölur samkvæmt samantekt Jafnréttisstofu og ljóst er af þeim að hlutfall kvenna í sveitarstjórnum er enn í lægra lagi en hækkar nokkuð jöfnum skrefum milli kosninga. Samantektin náði til sjötíu af 76 sveitarfélögum á landinu.

Í tólf sveitarfélögum eru konur í meirihluta í sveitarstjórn. Eftir kosningar 2006 voru konur í meirihluta í ellefu sveitarfélögum og fyrir þær voru þau tíu talsins.

Í nítján sveitarfélögum eru konur innan við 30% sveitarstjórnarmanna og þar af eru þær innan við fjórðungur þeirra í tólf sveitarfélögum. Lægsta hlutfall karla í sveitarstjórn er 40%. Er því ljóst að meðaltal á landsvísu segir ekki alla söguna og nokkrar hæðir og lægðir eru í hinu pólitíska landslagi að þessu leyti.

 

Konur 45% á Vestfjörðum

Hæst er hlutfall kvenna 60% og er það svo hátt í fimm sveitarfélögum. Athygli vekur að þrjú þeirra eru á Vestfjörðum og eru það Tálknafjörður, Árneshreppur og Bæjarhreppur. Er hlutfall kvenna í sveitarstjórnum að meðaltali hæst í þeim hluta landsins, 45%. Lægst er hlutfall kvenna í sveitarstjórnum eftir landshlutum 34% á höfuðborgarsvæðinu og Norðurlandi vestra.

 

Ekkert þeirra sveitarfélaga sem hefur fleiri konur en karla er á höfuðborgarsvæðinu, Reykjanesi eða Norðurlandi eystra. Í Akrahreppi er engin kona í sveitarstjórn en þar fór fram óbundin kosning þar sem enginn framboðslisti kom fram. Fimm karlar skipa stjórn sveitarfélagsins

Á Álftanesi er ein kona bæjarfulltrúi en það nemur 14% kjörinna fulltrúa þar. Sjálfstæðismenn hafa hreinan meirihluta fjögurra bæjarfulltrúa þar og er eina konan í fjórða sæti á þeirra lista. Aðrir listar náðu aðeins einum manni inn og voru allir karlar. Samfylking náði ekki inn manni en oddviti hennar er kona.

 

Fléttulistar ekki alger lausn

„Það er leiðinlegt að komast ekki yfir fjörutíu prósentin og miðað við það sem gerðist í alþingiskosningunum eru þetta vonbrigði,“ segir Kristín Ástgeirsdóttir, framkvæmdastýra Jafnréttisstofu, en kveður þróunina vera í rétta átt.

 

Kristín segir að þó að hlutur karla og kvenna á framboðslistum sé nokkuð jafn skili það sér oft ekki í hlutfallið innan sveitarstjórna þar sem karlar séu langoftast efstir á listunum. „Það er fyrsta sætið sem skiptir langmestu máli,“ segir hún og bendir á niðurstöðurnar á Álftanesi. Fléttulistar jafni því ekki endilega hlut kynjanna í sveitarstjórnum þó þeir stuðli að því upp að vissu marki./////af hverju er þetta svona mikið mal alltafum að reyna að kom þessu i lög að maður heldur,Þetta er i góðum farvegi og verður svo konur koma æ meira inn i þetta og það gott,oft finnst manni samt að konur séu konum vestar þarna,en þetta kemur allt án laga og það gott,en svona femínista kenninigar eru ekki okkur til framdráttar,við störfum bara öll saman/Halli gamli

Sveitarstjórnirnar fallandi karlavígi

Athugasemdir

[Pétur Tyrfingsson (IP-tala skráð) 1.6.2010 kl. 16:16]

Ég álít að það sé grundvallar atriði að þeir sem séu ráðnir til starfa innan stjórnkerfis ríkisins séu vel menntaðir í kenningum Marx og Leníns. Aðeins ef þeir hafa skilning á mikilvægi marxismans geta þeir komið góðu til leiðar fyrir alþýðu þessa lands.
Söguskoðun Marx leiðir óhjákvæmilega til þeirrar niðurstöðu að nú er rétti tíminn. Stefna og kenningar Karls Marx og Lenín eiga vel við á Íslandi í dag.
Aðeins með stofnun á alvöru sósíalisku samfélagi verður alþýðu þessa lands tryggt frelsi, réttlæti og velsæld.
Fram til baráttu félagar!