Standa vörð um minni fyrirtæki///það ber að gera við öll fyrirtæki sem geta af lifað þessa kreppu!!!!

Standa vörð um minni fyrirtæki
Innlent | mbl.is | 25.6.2010 | 16:22
Bjarni Benediktsson, formaður Sjálfstæðisflokks, segir flokkinn taka skýra stefnu gegn fyrningarleiðinni og það megi ekki gleyma að standa vörð um lítil og meðalstór fyrirtæki sem berjast í bökkum í baráttunni við stóru fyrirtækin sem eru í eigu bankanna.

Þetta kom fram í máli Bjarna á landsfundi flokksins. Hann segir að landsfundur Sjálfstæðisflokksins sé sterkasta mótunaraflið í íslenskum stjórnmálum.

„Frá stofnun hans eða í rúm 80 ár hefur Sjálfstæðisflokkurinn verið áhrifamesti stjórnmálaflokkur landsins. Og það er hér, á landsfundi, sem stefna er mótuð og það er hér sem ákvarðanirnar hafa verið teknar sem hafa haft gifturík áhrif á framtíð Íslands og Íslendinga. Höfum þetta hugfast þegar við hefjum störf okkar á þessum fundi Saga og stefna Sjálfsstæðisflokksins er samofin sögu Íslands. Hvort sem litið er til lokabaráttunnar fyrir sjálfstæði landsins, baráttunnar fyrir auðlindum okkar, uppbyggingu atvinnulífsins og aðild Íslands að NATO eftir heimsstyrjaldirnar, samstarfs við aðrar þjóðir eða mótun öflugs velferðarsamfélags, þar hefur Sjálfstæðisflokkurinn ávallt staðið sterkur að baki. Og það er okkar hlutverk að sjá til þess að svo verði í framtíðinni.

Við Sjálfstæðismenn stöndum frammi fyrir krefjandi verkefnum, ekki bara í málefnum sem tengjast efnahag og stjórn landsins. Við verðum líka að líta heiðarlega inn á við, að skoða vegferð okkar og framtíðarsýn. En verkefni okkar, langmikilvægasta verkefni næstu ára, er að móta nýtt íslenskt samfélag sem byggir á einstaklingsfrelsi og jafnrétti, að móta stefnu sem í senn styrkir atvinnulífið, reisir íslenskt efnahagslíf úr öskustónni og kemur í veg fyrir að þeir atburðir sem hér gerðust í hruninu geti endurtekið sig.

Og alveg eins og á árum áður þá verður þetta mikla verkefni ekki leyst farsællega nema að Sjálfstæðisflokkurinn standi þar sterkur að baki. Núna stöndum við í svipuðum sporum og kynslóð eftirstríðsáranna, þegar miklar breytingar áttu sér stað á stuttum tíma. Næstu áratugi á eftir leiddi Sjálfstæðisflokkurinn uppbyggingu sem lagði grunninn að því samfélagi velferðar og hagsældar sem Íslendingar bjuggu við í lok tuttugustu aldarinnar.

Kraftmikil uppbygging í sjávarútvegi og nýsköpun í atvinnulífinu, efling menntunar, styrking almannatrygginga, að tryggja húsnæði og félagslegt öryggi. Allt voru þetta verkefni þeirra tíma sem eru jafn mikilvæg í dag. Viðreisn efnahagslífsins er jafnvel enn erfiðara verkefni nú en það var á sjöunda áratugnum þegar Sjálfstæðisflokkurinn tók forystu um stóriðju á Íslandi og fyrstu skrefin til að stórefla viðskiptatengsl við nágrannaþjóðirnar voru tekin með aðild að EFTA. Þegar við lítum til framtíðar sýnast verkefnin stundum óyfirstíganleg. En nú, eins og þá er Sjálfstæðisflokkurinn reiðubúinn að taka áskoruninni. Nú, eins og þá, rísum við upp og tökumst á við vandann, yfirstígum erfiðleikana - og leiðum Ísland fram til bjartrar framtíðar á sterkum grunni sjálfstæðisstefnunnar sem hefur staðið af sér heimsstyrjaldir og heimskreppur í 80 ár. Stefnu sem á jafnvel meira erindi við íslensku þjóðina í dag en nokkru sinni fyrr.

Því íslenska þjóðin mun byggja upp nýja framtíð og hún mun byggja betri framtíð, á þeim stoðum sem fyrri kynslóðir hafa reist; sterku velferðarkerfi, opnu og almennu menntakerfi, skýrri jafnréttishugsjón og síðast en ekki síst á öflugu atvinnulífi sem byggir á skynsamlegri nýtingu auðlinda og hinum mikla mannauði íslensku þjóðarinnar. Þetta vitum við Sjálfstæðismenn. Sjálfstæðisstefnan hvilir á þeirri sannfæringu að ef fólk fær tækifæri til þess, finnur það leiðir til að efla hag sinn og samfélagsins alls. Sjálfstæðisstefnan er nefnilega bjartsýnisstefna. Okkar lífskoðun, okkar pólitík, miðar öll að því að virkja kraftinn í þjóðinni, gera hverjum og einum Íslendingi mögulegt að finna kröftum sínum viðnám og efla þannig sinn eigin hag og þjóðarinnar allrar um leið. Góðir sjálfstæðismenn. Fyrir íslensku þjóðina skiptir nú öllu máli að orðum fylgi athafnir, að þau loforð sem gefin eru verði haldin. Því miður er það þannig þessa dagana að oftast eru yfirlýsingar þeirra sem stýra landinu stórar í orði en litlar á borði.

Til þess að uppbyggingin geti hafist fyrir alvöru, til að yfirlýsingar um nýja framtíð verði eitthvað meira en innantómir frasar sem ríkisstjórnin kastar fram, þá þarf að þora að taka djarfar ákvarðanir, ákvarðanir sem umbylta þeirri stöðnun sem nú ríkir í stjórnkerfinu og efnahagslífinu. Það mikilvægasta sem efnahagur Íslands þarfnast til framtíðar er fjölbreytt og vaxandi atvinnulíf á sterkum grunni. Sjálfstæðisflokkurinn er flokkur atvinnulífsins í víðasta skilningi þess orðs. Við munum styðja við bakið á stóru grunngreinunum okkar sem eru svo mikilvægar fyrir land og þjóð.

Við viljum skapa traustan rekstrargrundvöll fyrir orkufrekan iðnað og tökum skýra stefnu gegn fyrningarleiðinni í sjávarútveginum um leið og við vinnum að endurbótum á fiskveiðistjórnarkerfinu. Og það má ekki gleymast að standa vörð um lítil og meðalstór fyrirtæki sem berjast nú í bökkum gegn efnahagssamdrætti, vonlausri samkeppnisstöðu við fyrirtæki í eigu bankanna og síðast en ekki síst gegn þrúgandi skattahækkunum ríkisstjórnarinnar.

Þessi fyrirtæki eru gríðarlega mikilvæg fyrir framtíð efnahagslífs þjóðarinnar. Þau mynda grunninn að þjónustu og iðnaði, bæði hér á höfuðborgarsvæðinu og ekki síður á landsbyggðinni, þar sem hvert starf sem tapast getur hrakið heila fjölskyldu burt úr byggðalaginu. Þessum fyrirtækjum þarf að skapa aðstæður til að vaxa og dafna, því að á þeim byggir atvinna, lífsafkoma og von tugþúsunda Íslendinga. Hjarta atvinnulífsins er fólkið, sem knýr áfram fyrirtækin í landinu. Fólkið er mikilvægasti hlekkurinn í framleiðslukeðjunni sem skapar þjóðinni þau verðmæti sem gera okkur kleift að byggja hér öflugt og stöðugt samfélag. Sjálfstæðisflokkurinn er og verður bakhjarl þessa fólks, við trúum á það að virkja kraftinn í fólkinu í landinu.

Og hvort sem um er að ræða sjómenn eða bændur, iðnaðarmenn eða sjálfstæða atvinnurekendur, forritara eða fiskverkafólk þá er þetta fólkið sem Sjálfstæðisflokkurinn vinnur fyrir til að skapa verðmæti, til að skapa tekjur, til að gera fólki kleift að eignast húsnæði á mannsæmandi kjörum, til að sjá til þess að mánaðarlaunin dugi fyrir framfærslu fjölskyldunnar, til að skapa atvinnutækifæri og standa þannig undir því öfluga velferðarkerfi sem við höfum byggt hér upp. Það kæru sjálfstæðismenn, er að vera flokkur atvinnulífsins," sagði Bjarni á landsfundi Sjálfstæðisflokksins.//////þetta orð i tíma töluð og vel það,þetta umtal um að ekki sé hægt að bjarga hlutum er ekki i okkar anda,það er komið tími til að bjarga því sem bjargað verður ,og láta það fara sem ekki getur gengið,og ekki sist er ekki hægt að keppa á þessum grunvelli við þa´sem bankarnir reka og verð að selja ef vi er i annar bara að láta þau fara á hausinn,Var því miður af ræðunni gat ekki verið þarna en heldu ekki hlustað beint,en Bjarni er minn maður og hefi ég og flestir mikla trú á honum sem Formanni stærsta stjórnmálaflokks landsins,en maður mætir þarna kl 8,30 i fyrramálið og fylgist með,og kís auðvitað Bjarna Formann og svo Ólöfu Norðdal varaformann,vona bara að mínir menn kunni að taka þvi að við viljum alls ekki i ESB eins og staðan er sjáanleg næstu árin ,svo og þurfum við viðsnúning gagnvert þeim sem mynna mega sín i þessu Þjóðfélagi og vel það!!! siðan kom atvinnu af stað það er númer eitt svo fólkið geti borgað skatta og skyldur,það er svo margt stórt og smátt sem má laga í þessum greinum og það að við biðjum afsökunar á að þetta fór úr böndum eigum við að standa við og betrumbæta,vonandi gera aðrir það einnig,en V.G. þykjast mega allt !!!!!! þeir hafi hvergi komið nærri,en gera það núna vel og illa!!!!

Standa vörð um minni fyrirtæki