Æsir upp í manni réttlætiskenndina/maður skilur fólkið vel !!!!!

Æsir upp í manni réttlætiskenndina
Innlent | mbl | 5.7.2010 | 18:28
Ellen Kristjánsdóttir söngkona, sem meiddist í mótmælum við Seðlabankann í dag, segist ekki skilja hve fljótt stjórnvöld brugðust við fyrir málstað fjármálafyrirtækja í málum gengistryggðra lána, eftir að hafa ekki gert neitt þar áður í þágu heimilanna. „Það æsir upp í manni réttlætiskenndina," segir Ellen.
Kristjánsdóttir söngkona, sem meiddist í mótmælum við Seðlabanka Íslands í dag.

Nokkur hundruð manns  söfnuðust saman við hús Seðlabankans í dag og mótmæltu því hvernig tekið hefur verið á gengistryggðum lánum eftir að Hæstiréttur dæmdi gengistrygginu lána í krónum ólöglega. Einn maður var handtekinn eftir að streitast á móti lögreglu en Ellen var ekki handtekin.

Ellen segist ekki skilja hvað Gylfi Magnússon, efnahags- og viðskiptaráðherra, er að hugsa í þessum málum og ekki heldur hvað stjórnvöld hafa verið fljót að bregðast við og taka málstað banka og fjármálafyrirtækja í þessu máli, eftir að hafa ekki gert neitt þar á undan í þágu fólksins í landinu.

„Það æsir upp í manni réttlætiskenndina," segir Ellen. Hún meiddist á handlegg í dag og kveðst aðspurð vera blá og marin eftir viðskipti sín við lögregluna. Eins og hún segir frá sat hún við innganginn í húsið þegar lögreglumaður sagði henni að færa sig um set.

„Ég fór ekki alveg eftir þeim fyrirmælum. Ég sagði nei við því,“ segir Ellen. Spurð hvort þessi viðbrögð lögreglumannsins hafi verið tilefnislaust segir hún: „Já, eiginlega. Ég er nú voðalega friðsöm.“

Þá beið lögreglumaðurinn ekki boðanna, sneri upp á handlegginn á henni og færði hana frá. Að hennar sögn brugðust mótmælendur illa við atvikinu og sögðu lögreglumanninum að biðjast afsökunar á þessu. Það gerði hann ekki, heldur fór til baka og tók sér stöðu við húsið.

Ellen leitaði á slysadeild en fór þaðan eftir einnar og hálfrar klukkustundar bið, þegar henni var tjáð að biðin yrði tveir tímar í viðbót. ,,Ég ætla að fara þangað aftur í kvöld og athuga hvort það verður ekki rólegra þá," segir hún./////þetta er ekki gott en maður skilur fólkið vel þetta er verið að brjóta a´okkur reyndar öllum,en lögregla er ekki að standa sig er með yfirgang  það ekki gott ,fyrir .þá að vera á ´móti fólkinu og verja óréttlætið/Halli gamli 

Æsir upp í manni réttlætiskenndina

Athugasemdir

[Valsól (IP-tala skráð) 5.7.2010 kl. 20:34]

Því í fjandanum var ekki tækifærið notað til að krefjast leiðréttingar fyrir ÖLL lán almennings bæði gengis- og verðtryggð lán við dóm Hæstaréttar? Ástæðan er reyndar einföld, það fór af stað lottóæði þeirra sem eru með gengistryggðu lánin og fara þeir nú fram með offorsi til að ná ekki bara fram vísitölulausum lánakjörum, heldur til að fá nánast allt niðurfellt og inneign í þokkabót. Þetta mun gera það að verkum að ALDREI mun verða farið í neina leiðréttingu á öðrum lánum. (Tek það fram að ég sjálfur kem til með að hagnast mjög vel ef dómur Hæstaréttar fær að standa, ég hins vegar kæri mig ekki um að fá þennan gróða á kostnað þess að ekki verði farið í leiðréttingu á verðtryggðum lánum). Ég vill leiðréttingu á ÖLLUM lánum, ekki bara gengistryggðum. Sorglegt að ekki skuli nást samstaða í þeirri kröfu vegna græðgi.

[Haraldur Haraldsson, 5.7.2010 kl. 20:45]

Valsól ,þarna erum við algjörlega sammála ein og eg hefi oft á bloggi mínu sagt að það þarf að leiðrétta öll verðtryggð lán sem hækkuðu um 50-60% og það er malið/Kveðja Halli gamli

[Elínborg, 5.7.2010 kl. 21:49]

Sæll Haraldur og Valsól,

tek undir ykkar orð, tími réttlætisins er runninn upp!

[Sigurður Haraldsson, 5.7.2010 kl. 23:37]

Mælirinn fylltist í dag!