Starfandi fjölgaði um 2000/ þetta mun versna í haust mikið,þvi miður!!!!

Starfandi fjölgaði um 2000
Innlent | mbl.is | 21.7.2010 | 9:01
Á öðrum ársfjórðungi 2010 voru að meðaltali 16.200 manns án vinnu og í atvinnuleit eða 8,7% vinnuaflsins. Atvinnuleysi mældist 9,4% hjá körlum og 8% hjá konum. Frá öðrum ársfjórðungi 2009 til annars ársfjórðungs 2010 fækkaði atvinnulausum um 500 manns en starfandi fjölgaði á sama tíma um 2000.

Atvinnuleysi var mest meðal fólks á aldrinum 16-24 ára, eða 21,3%. Hagstofan, sem tók þessar tölur saman, segir að atvinnuleysi sé alltaf mest á meðal þess aldurshóps en sé sérstaklega áberandi í öðrum ársfjórðungi. Þetta háa hlutfall í öðrum ársfjórðungi skýrist að mestu af aukinni atvinnuþátttöku námsmanna yfir sumarmánuðina.

Á fyrsta ársfjórðungi 2010 var atvinnuleysi 9,8% á höfuðborgarsvæðinu en 6,8% utan þess.

Af þeim sem voru atvinnulausir á öðrum ársfjórðungi 2010 höfðu 2800 fengið vinnu sem hefst síðar, eða 17,4%. Til samanburðar höfðu 1500 manns fengið vinnu, eða 9,3%, á öðrum ársfjórðungi 2009. Á öðrum ársfjórðungi 2010 höfðu um 2700 manns verið atvinnulausir í 12 mánuði eða lengur, eða 16,9% atvinnulausra, en voru á sama tímabili 2009 um 400 manns, eða 2,5%.

169.500 við störf

 

Fjöldi starfandi á öðrum ársfjórðungi 2010 var 169.500 manns og fjölgaði um 2000 frá sama tíma ári áður. Á vinnumarkaði voru alls 185.700 manns sem jafngildir 83,3% atvinnuþátttöku. Atvinnuþátttaka karla var 86,9% og kvenna 79,5%. 

Á öðrum ársfjórðungi 2009 voru alls 184.200 á vinnumarkaði og atvinnuþátttaka mældist þá 81,9%. Atvinnuþátttaka karla var 86,3% og kvenna 77,2%.

Vinnutími 40,2 stundir á viku

 

Á öðrum ársfjórðungi 2010 var meðalfjöldi vinnustunda 40,2 klst. hjá þeim sem voru við vinnu í viðmiðunarvikunni, 44,3 klst. hjá körlum en 35,5 klst. hjá konum. Meðalfjöldi vinnustunda hjá þeim sem voru í fullu starfi var 44,6 klst. en 24,6 klst. hjá þeim sem voru í hlutastarfi.

Á öðrum ársfjórðungi 2009 var meðalfjöldi vinnustunda 40 klst., 43,9 klst. hjá körlum en 35,4 klst. hjá konum. Þeir sem voru í fullu starfi unnu 44,5 klst. að jafnaði en þeir sem voru í hlutastarfi unnu að jafnaði 23,9 klst////sama hvernig við lítum á þetta þetta mun versna i haust ekki spurning allt stoppa sem á eð verða vinna,sé akki annað er mörg fyrirtæki fari á Hausinn og einstaklingar einnig.þetta mun auðvitað allt hrynja þegar ekkert er gert sem bjargar því Ríkisstjórn vor gerir ekkert nem ætlar að hækka gj´öld og skatta að skera niður sem hún þar er ekki inni myndinni alls ekki þetta er svon förum sennileg öll yfir áður en varir/Halli gamli

 

Starfandi fjölgaði um 2000